نور کا سفر

 

»»»»»»»»»»»»»»»»»»»»»»»»»»»»»»»»»»»»»»»»»»»»

نور کا سفر

دعا کی اہمیت و فضیلت۔۔۔

سرکار دوعالم ﷺ کا فرمان مبارک ہے۔۔۔

ان الدعا والبلاء بین السماء والارض یقتتلان ،ویدفع الدعاء البلاء۔

"بے شک دعا اوربلاء( مصیبت) ...زمین و آسمان کے درمیان... جھگڑتی رہتی ہیں... پس دعاء مصیبت کو دورکردیتی ہے..."

یعنی جومصیبت نازل ہونے والی ہوتی ہے۔۔۔ وہ دعائیں مانگنے کی وجہ سے۔۔۔ انسان سے دور کردی جاتیں ہیں۔۔۔ اوراسے خبر تک نہیں ہوتی۔۔۔ کون سی مصیبت کس ۔۔۔۔دعا کی وجہ سے دور کردی گئی۔۔۔

فرمانِ مصطفیٰ صلی اللہ علیہ وآلہ وسلم ہے۔۔۔

"جسے دعا کی ۔۔۔ توفیق عطا کر دی گئی۔۔۔ اس کے لئے رحمت کے دروازے۔۔۔ کھول دیئے گئے۔۔۔"

"دعا کے سو اکوئی ... چیز قضا (یعنی تقدیر کے فیصلے)۔۔۔ کو رد نہیں کر سکتی۔(ترمذی)۔۔۔"

کوئی مصیبت یا پریشانی نازل ہونے۔۔۔ کو ہوتی ہے کہ۔۔۔ اتنے میں دعا کرنے والے ۔۔۔ کی دعا اس سے جاملتی ہے۔۔۔ یہاں تک کہ اللہ تعالیٰ ۔۔۔علیم و خبیر کے فضل و کرم سے ۔۔۔ انسان اس دعا کی بدولت۔۔ آنے والی مصیبت سے بچ جاتا ہے۔۔۔

ہمیں چاہیے کہ دعائوں کا خصوصی۔۔۔ اہتمام کریں۔۔۔ ہر وقت مانگیں۔۔۔ اپنے ارد گرد دعاؤں کا۔۔۔ حصار رکھیں۔۔۔ اور صبر و شکر کے ساتھ اظہار بندگی بجا لائیں۔۔۔  دعا مانگنے والا کبھی نامراد نہیں رہتا۔۔۔

  قرآن مجید میں سیدنا زکریا ۔۔۔ علیہ السلام کا ذکر ہے۔۔۔

ترجمہ۔۔۔

"اے میرے رب...!! میں تجھ سے دعا مانگ کر... کبھی محروم نہیں رہا..."

 سورۂ مریم۔۔۔

آیت قرآنی سے واضح ہوا۔۔۔ کہ رب سے مانگنے والا کبھی۔۔۔ محروم نہیں رہتا۔۔۔ بلکہ رب کی رحمت اپنے ۔۔۔ دعا مانگنے والے بندوں کے۔۔۔ شامل حال ہو جایا کرتی ہے۔۔۔ 

اخلاص کے ساتھ مانگی ہوئی دعا۔۔۔جو دل کی گہرائیوں سے نکلے۔۔۔ وہ ذاتِ باری تعالیٰ کے اختیاراتِ کلی۔۔۔ اور اس کی توحید والوہیت۔۔۔ پر بندے کے ایمان کو ظاہرکرتی ہے۔۔۔

پورے بھروسے اور کامل یقین کے۔۔۔ ساتھ اس ذات وحدہ لاشریک سے ۔۔۔دعا مانگنا ہی اپنی عاجزی۔۔۔  انکساری و بندگی۔۔۔ اور رب تعالیٰ کی شان رحیمی۔۔۔ اور شان کبریائی کا اقرار ہے۔۔۔

اللہ کو یہ بات پسند ہے کہ ۔۔۔اس کے آگے۔۔۔ دست سوال اور دامن حاجت ۔۔۔ دراز کیا جائے۔۔۔ اس کے سامنے گڑ گڑایا جائے۔۔۔ اوراسی سے مددمانگی جائے۔۔۔

 صدق دل سے مانگی ہوئی دعا۔۔۔ کسی صورت میں بھی رائیگاں نہیں جاتی ۔۔۔ نہ جانے ہماری کس دعا کی قبولیت ۔۔۔باری تعالیٰ کوکس صورت سے منظور ہو۔۔۔

اگر اس غفور الرحیم کے نزدیک قرین ۔۔۔ مصلحت ہو تو ہماری مراد ۔۔۔فوراً پوری کر دی جائے۔۔۔

 اگر فوراً مراد پوری کرنا ۔۔۔ قرین مصلحت نہ ہو تو۔۔۔ مناسب وقت پر وہ مراد پوری کر دی جائے۔۔۔ ورنہ اس کا بہتر نعم البدل۔۔۔ دنیا یا آخرت میں دے دیا جائے گا۔۔۔ یا کسی آنے والی مصیبت و بلا کو ٹال دیا جائے گا۔۔۔

اللہ رب العزت نےاپنی ذات سے۔۔۔ مانگنے والے کے لئے ۔۔۔قرآن مجید میں یہ اعلان فرمایاہے کہ۔۔۔

" وہ سائل سے قریب ہے ...اوراس کی دعائیں قبول کرتاہے..."

سورۃ البقرہ میں ارشاد ربانی ہے۔۔۔

وَإِذَا سَأَلَكَ عِبَادِي عَنِّي فَإِنِّي قَرِيبٌ أُجِيبُ دَعْوَةَ الدَّاعِ إِذَا دَعَانِ فَلْيَسْتَجِيبُوا لِي۔۔۔

البقرۃ۔۔۔186

"اے میرے محبوب...! جب میرے بندے تم سے... میرا پوچھیں تومیں ...نزدیک ہوں اورپکارنے والے کی پکار سنتا ہوں۔۔۔ جب وہ مجھے پکارے۔۔۔"

سرورِکائنات علیہ الصلوٰۃ والتسلیم نے فرمایا کہ۔۔۔

" بندۂ مومن رب کے حضور ...دعا کر کے کبھی نامراد نہیں رہتا...اگر دنیا میں اس کی... مراد پوری نہیں ہوتی... تو آخرت میں ...اس کے بدلے میں اللہ تعالیٰ ایسے بندےکو ...اس قدر اجر عظیم عطا فرمائے گا... کہ وہ بندہ خوش ہو جائے گا ...اور خواہش کرے گا کہ... کاش میری کوئی دعا ... دنیا میں مقبول نہ ہوتی ۔۔۔بلکہ تمام دعائوں کے ثمرات۔۔۔ جنت میں حاصل ہوتے۔۔۔"

مولانا رومی رحمۃ اللہ فرماتے ہیں۔۔۔

 مومن کی پکار کو۔۔۔اللہ  دوست اور عزیز رکھتا ہے۔۔۔

نالۂ مومن ہمید اریم دوست

گوتضرع کن ایں اعزاز اوست

“ہم مومن کے نالہ کو ۔۔۔دوست رکھتے ہیں۔۔۔ اورمومن کا تضرع کرنا ۔۔۔اس کے لئے اعزاز ہے۔۔۔"

دعا میں یقین۔۔۔

دعا اور تلاوت قرآن میں۔۔۔ ً اتنی تاثیر ہے کہ۔۔۔ اگرکوئی شخص پہاڑ کو۔۔۔ اپنی جگہ سے ہٹانے کے لئے بھی۔۔۔ یقین کے ساتھ دعاکرے۔۔۔ یا تلاوت کرے۔۔۔تو ضرور بالضرور وہ۔۔۔ پہاڑ اپنی جگہ سے ہٹ جائے گا۔۔۔

 حدیث مبارکہ ہے۔۔۔

حضرت عبداللہ ابن مسعود رضی اللہ عنہ سے روایت ہے کہ۔۔۔ انہوں نے ایک بیماری میں مبتلا شخص۔۔۔ کے کان میں کچھ پڑھا۔۔۔ جس سے اسے افاقہ ہوا۔۔۔

آپپ ﷺنے پوچھاکہ۔۔۔ تم نے اس شخص کے کان میں۔۔۔ کیاپڑھا ہے۔۔۔؟

 انہوں نے جواب دیا کہ۔۔۔

 سورۃ المومنون أفحسبتم أنما خلقناكم عبثا ۔۔۔سے آخرتک تلاوت کی ہے۔۔۔

آپ ﷺ نے فرمایا۔۔۔

لو أن رجلا موقنا قرأ بها على جبل لزال

”اگرکوئی صاحب یقین۔۔۔ اس کو پہاڑ پر بھی پڑھے۔۔۔ تو وہ اپنی جگہ سے ہٹ جائے۔۔۔”

دعامانگتے وقت انسان یہ نہ کہے۔۔۔ کہ اے اللہ اگر توچاہے۔۔۔ تو قبول فرما۔۔۔ اور اگر تونہ چاہے تو نہ قبول فرما ۔۔۔  بلکہ پورے یقین  سےدعا مانگیں کہ۔۔۔ قدرت رکھنے والے رب سے مانگا ہے۔۔۔ انشاء اللہ ضرور قبول ہوگی۔۔۔

مسلم شریف کی حدیث ہے۔۔۔

إِذَا دَعَا أَحَدُكُمْ فَلْيَعْزِمْ فِي الدُّعَاءِ وَلَا يَقُلْ اللَّهُمَّ إِنْ شِئْتَ فَأَعْطِنِي فَإِنَّ اللَّهَ لَا مُسْتَكْرِهَ لَهُ۔

” جب تم میں سے کوئی دعا کرے۔۔۔ تو وہ پختگی اوریقین کے ساتھ کرے۔۔۔ اوریہ نہ کہے کہ اے اللہ ۔۔۔! اگر تو چاہے تو مجھے عطاکر بے۔۔۔ شک اللہ تعالیٰ پر کوئی جبر کرنے والانہیں۔۔۔"

دعا کے آداب۔۔۔

دعا مانگنے سے قبل۔۔۔ اللہ رب العزت کی حمدوثناء ۔۔۔ کرنی چاہئے اورحضور ﷺ پر درود شریف کا نذرانہ ۔۔۔ بھیجناچاہئے۔۔۔ 

 حدیث مبارکہ ہے۔۔۔

إذا صلى احدكم فليبدأ بتحميد الله تعالى ، والثناء عليه ثم ليصل على النبي صلى الله عليه وسلم ، ثم ليدعو بعد بما شاء.

“جب تم میں سے کوئی شخص۔۔۔ دعا مانگے تو دعا کے آغاز میں۔۔۔ اللہ کی حمد و ثناء کرے۔۔  پھر نبی اکرم ﷺپر۔۔ درود بھیجے پھر وہ۔۔۔ جووہ چاہے دعا کرے۔۔۔"

(کنزالاعمال)

ایک اورحدیث میں آتاہے۔۔۔

كل دعاء محجوب حتى يصلي على محمد صلى الله عليه وسلم وآل محمد.

“ہر دعا معلق رہتی ہے۔۔۔ یہاں تک کہ وہ (سائل)۔۔۔حضرت محمد ﷺ اور۔۔ ان کی آل پر درود نہیں بھیجتا۔۔۔"

دعا مانگنے کے لئے ہاتھ بھی اٹھائے جائیں۔۔۔جو کہ حضور ﷺ کی سنت مبارکہ ہے۔۔۔

أَنَّ النَّبِيَّ صَلَّى اللَّهُ عَلَيْهِ وَسَلَّمَ كَانَ إِذَا دَعَا فَرَفَعَ يَدَيْهِ مَسَحَ وَجْهَهُ بِيَدَيْهِ۔

“حضور ﷺ جب دعا فرماتے تو۔۔۔ اپنے ہاتھ بلند فرماتے۔۔۔ اورہاتھوں کو چہرہ انور پرپھیرتے۔۔۔(ابوداود)

دعا کی ابتداء اپنی ذات سے۔۔۔ کرنی چاہئے پھر اس میں ۔۔۔ دوسروں کے لئے بھی بھلائی۔۔۔ اورخیر مانگنی چاہئے۔۔۔ دوسروں کے لیے خیر و عافیت مانگیں۔۔۔ اللہ آپ کی مرادیں پوری فرمائے گا۔۔۔

أُبَيِّ بْنِ كَعْبٍ قَالَ كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ إِذَا دَعَا بَدَأَ بِنَفْسِهِ۔

“حضور ﷺ جب دعا فرماتے۔۔۔ تو اس کی ابتداء اپنی ذات مبارکہ سے کرتے۔۔۔"(ابوداود)

اللہ کو صرف تنگی و مصیبت میں۔۔۔ یاد نہ کرو۔۔۔ بلکہ اپنی خوشحالی میں بھی۔۔۔اس کی یاد سے غافل نہ ہو۔۔۔ خوشحالی میں اس کا۔۔۔ شکر ادا کرتے رہو۔۔۔ تاکہ اس کی رحمت۔۔۔ ہمیشہ تم پہ بنی رہے۔۔۔

 سرکار دوعالم صلی اللہ علیہ وآلہ وسلم کا ارشاد مبارک ہے۔۔۔

مَنْ سَرَّهُ أَنْ يَسْتَجِيبَ اللَّهُ لَهُ عِنْدَ الشَّدَائِدِ وَالْكَرْبِ فَلْيُكْثِرْ الدُّعَاءَ فِي الرَّخَاءِ۔

“جو شخص چاہتا ہے کہ اللہ رب العزت۔۔۔ شدت اورتکلیف میں ۔۔۔اس کی دعائیں قبول کرے۔۔۔ اسے چاہئے کہ وہ بحالت فراخی۔۔۔ کثرت سے دعائیں کیاکرے۔۔۔"(سنن ترمذی)

دعا مانگتے وقت ۔۔۔ دل میں یقین ہو کہ۔۔۔ اللہ تعالیٰ مجھے دیکھ رہاہے۔۔۔

عاجزی و انکساری سے۔۔۔ اپنی عرض اس کی بارگاہ میں پیش کرو۔۔۔ دعا میں خوب محنت کرو۔۔۔ اللہ کی بارگاہ میں۔۔۔ انمول موتیوں کا نذرانہ پیش کرو۔۔۔ اس کی بارگاہ میں۔۔۔ انسان کے آنسوؤں کی بڑی۔۔۔ قدر و منزلت ہے۔۔۔ پتھر دل آنسوؤں سے پگھل جاتے ہیں۔۔۔ وہ تو پھر بڑا کریم اور۔۔۔ رحیم ہے۔۔۔ اسے بندوں کے آنسو۔۔۔ بہت پسند ہیں۔۔۔ آنسو اپنا کام کر جاتے ہیں۔۔۔

  مولانا روم فرماتے ہیں۔۔۔

ہرکجا اشک رواں رحمت بود

ہرکجاآب رواں خضرت بود

“جس جگہ آنسو رواں ہوتے ہیں۔۔۔ اسی جگہ رحمت ہوتی ہے۔۔۔ اورجس جگہ پانی رواں ہوتاہے۔۔۔ وہیں سرسبزہ ۔۔۔ ہریالی اورشادابی۔۔۔ ہوتی ہے۔۔۔"

اللہ کی رحمت۔۔۔ بندوں کو عطا کے واسطے۔۔۔ بہانے ڈھونڈتی ہے۔۔۔ انسان کے آنسو عرشِ بریں کو ہلانے کی۔۔۔ صلاحیت رکھتے ہیں۔۔۔ رب العزت کی بارگاہ کریمی میں۔۔۔ انسان کے آنسو ضائع نہیں جاتے۔۔۔ اللہ ان آنسوؤں کے صدقے میں۔۔۔ بندوں کی مرادوں کو پورا کر دیتا ہے۔۔۔ اللہ کی بارگاہ میں۔۔۔ آنسوؤں کے یہ قطرے انمول ہیں۔۔۔ ان ہیروں کو اپنے رب کی بارگاہ میں لٹا کر دیکھو۔۔۔ رحمت الٰہی تمہیں کیسے۔۔۔ اپنی آغوش میں لے لیتی ہے۔۔۔

اللہ تعالیٰ ہر مسلمان کی۔۔۔ جائز حاجات پوری فرمائے۔۔۔ اور امت محمدیہ کی۔۔۔ ہر مشکل کو آسان فرمائے۔۔۔

»»»»»»»»»»»»»»»»»»»»»»»»»»»»»»

نور کا سفر ۔۔۔ مسواک

مسواک کی اہمیت۔۔۔

طہارت کے سلسلہ میں ۔۔۔حضور پاک صلی اﷲ علیہ وآلہ وسلم نے جن چیزوں پر زور دیا۔۔۔  اور بہت زیادہ جس کی۔۔۔ تا کید فرمائی وہ۔۔۔ آپ کی پسندیدہ سنت مبارکہ۔۔۔ مسواک ہے ۔

سیدنا ابوایو ب انصاری سے مروی ہے ۔۔۔ کہ رسول پاک صلی اﷲ علیہ وآلہ وسلم نے فرمایا۔۔۔

 کہ

 چار چیزیں انبیاء کی سنتوں میں سے ہیں۔۔۔ 

۱۔۔۔ختنہ کرنا 

۲۔۔۔ عطر لگانا

۔۔۔مسواک کرنا

 ۴...نکاح کرنا۔۔۔

حضرت عائشہ صدیقہ رضی اﷲ عنہا ۔۔سے مروی ہے کہ۔۔۔

 حضور نبی اکرم صلی اللہ علیہ وآلہ وسلم ۔۔

نے نماز سے پہلے مسواک ۔۔۔

کی فضیلت کے بارے میں ارشاد فرمایا ۔۔۔

تَفْضُلُ الصَّلَوةُ الَّتِی يُسْتَاکُ لَهَا عَلَی الصَّلٰوةِ الَّتِی لَا يُسْتَاکُ لَهَا سَبْعِيْنَ ضِعْفًا.

بيهقی، السنن الکبری، 1 ۔۔۔38، رقم ۔۔۔ 158

’’جس نماز کے وضو میں۔۔۔ مسواک کی گئی ہو۔۔۔ اُس کی فضیلت اُس نماز پر۔۔۔ ستر درجہ زیادہ ہے۔۔۔ جس کے وضو میں ۔۔۔مسواک نہیں کی گئی۔۔۔‘‘

مسواک کرنا حضور نبی اکرم صلی اللہ علیہ وآلہ وسلم کا۔۔۔ پسندیدہ اور دائمی عمل تھا۔۔۔

 حضرت عائشہ صدیقہ رضی اﷲ عنہا ۔۔۔

فرماتی ہیں۔۔۔

 کہ نبی اکرم صلی اللہ علیہ وآلہ وسلم ۔۔۔

گھر میں داخل ہونے کے بعد۔۔۔

 سب سے پہلا۔۔۔ ’’مسواک کرتے تھے۔۔۔‘‘

حضرت زید بن خالد رضی اﷲ عنہ۔۔۔ سے روایت ہے کہ۔۔۔ نبی پاک صلی اﷲ علیہ وآلہ وسلم جب گھر سے ۔۔۔نماز کے لئے نکلتے تھے۔۔۔ تو مسواک کر کے نکلتے تھے ۔۔۔

 ام المومنین حضرت عائشہ رضی اﷲ عنہا فرماتیں ہیں۔۔۔ کہ نبی پاک صلی اﷲ علیہ وآلہ وسلم۔۔۔ مسواک کر لینے کے۔۔۔ بعد دھونے کے لئے مجھے عنایت فرماتے تھے۔۔۔ میں پہلے خود اسے استعمال کرتی۔۔۔ اور پھر دھو کر۔۔۔ آپ صلی اﷲ علیہ وآلہ وسلم کی خدمت اقدس میں۔۔۔ پیش کر دیتی تھی۔۔۔

مسواک کے خواص کے سلسلہ میں۔۔۔

 ملا علی قاری نے ۔۔۔

بعض علماء سے۔۔۔

 مسواک کے ستر۔۔۔

 فوائد نقل کیے ہیں۔۔۔

 ایک جگہ لکھتے ہیں۔۔۔

”ادناھا تذکر الشھادتین عند الموت“ 

یعنی مسواک کا ادنیٰ فائدہ یہ ہے ۔۔۔

کہ موت کے وقت کلمہ ۔۔۔ 

شہادت یاد آجاتا ہے۔۔۔

حضرت ابوہریرہ رضی الله عنہ سے۔۔۔

 ارشاد نبی صلی الله علیہ وسلم۔۔۔

 منقول ہے کہ۔۔۔

 ”اگر میں مسلمانوں کے حق میں۔۔۔

 مشقت محسوس نہ کرتا ۔۔۔

او رمجھے مشقت کا ڈر نہ ہوتا ۔۔۔

تو میں ان کے لیے۔۔۔  ہر نماز کے وقت ۔۔۔ مسواک کو ضروری قرار دیتا۔۔۔“

سیدنا حضر ت عبداﷲ ابن عباس رضی اﷲ عنہ فرماتے ہیں ۔۔۔کہ نبی پاک تہجد کی۔۔۔ نماز دو رکعت ادا کرتے تھے۔۔۔ اور ہر دو رکعت کے بعد۔۔۔ مسواک کیا کرتے تھے۔۔۔

 امام المنذری اس روایت کو نقل کرنے کے بعد لکھتے ہیں ۔۔۔۔کہ چونکہ حضور پاک صلی اﷲ علیہ وآلہ وسلم کا ۔۔۔۔نماز تہجد میں قیام رکوع اور سجود۔۔۔ بہت طویل ہوتے تھے۔۔۔ اس لئے آپ انتہائی نظافت طبع۔۔۔ کی وجہ سے اتنی دیر میں دوبارہ۔۔۔ مسواک کا تقاضا۔۔۔ محسوس فرماتے تھے ۔۔۔

مسواک سیدھی ہو۔۔۔  گرو دار نہ ہو۔۔۔

کم از کم چار انگل لمبی ہو۔۔۔ اور زیادہ سے زیادہ ایک بالشت لمبی ہو۔۔۔

 مگر باریک ہو۔۔۔

روزے میں مسواک۔۔۔

حضرت عامر بن ربیعہ فرماتے ہیں ۔۔۔کہ میں نے نبی کریم صلی اﷲ علیہ وآلہ وسلم۔۔۔ کو روزہ کی حالت میں ۔۔۔اتنی مرتبہ مسواک کر تے دیکھا کہ ۔۔۔میں اسے شمار بھی نہیں کر سکتا۔۔۔

 حضرت ابو ہریرہ رضی اﷲ عنہ سے روایت ہے کہ ۔۔۔ صحابہ کرام کانوں پر ۔۔۔مسواک رکھتے اور ہر نماز کے وقت ۔۔۔مسواک کیا کرتے تھے۔۔۔ اور صحابہ کرام بازاروں میں چلتے پھرتے بھی مسواک۔۔۔ اپنے کانوں پر رکھے ہوتے تھے ۔۔۔

مسواک کرنے کا طریقہ۔۔۔

 پہلے ایک مرتبہ کلی کر لیں۔۔۔

 پھر مسواک کو دھو کر۔۔۔  دائیں ہاتھ میں اس طرح پکڑیں کہ ۔۔۔ درمیانی تین انگلیاں مسواک کے اوپر ۔۔۔ چھنگلیا ( سب سے چھوٹی انگلی ) نیچے۔۔۔  اور انگوٹھا مسواک کے نیچے۔۔۔

 اور منھ کے سامنے آجائے۔۔۔ 

مسواک دانتوں کی چوڑائی میں ( دائیں بائیں) کریں۔۔۔  لمبائی میں نہ کریں۔۔۔

  پہلے دائیں طرف ۔۔۔ پھر سامنے کے دانتوں میں۔۔۔

پھر بائیں طرف۔۔۔ اسی طرح اندر کی طرف۔۔۔

 تین دفعہ مسواک کرنا ۔۔۔ اور ہر دفعہ مسواک کو دھو لینا مسنون ہے۔۔۔

اگر وقت کم ہو تو ایک۔۔۔ دفعہ بھی کر سکتے ہیں۔۔۔

 لیٹ کر مسواک کرنا یا۔۔۔

 مٹھی سے پکڑ کر مسواک نہیں کرنی چاہیے۔۔۔

  مسواک چوسنا۔۔۔ فراغت کے بعد دھوکر نہ رکھنا۔۔۔ مسواک کو کھڑا کرکے نہ رکھنا۔۔۔ الٹی کر کے رکھنا ۔۔۔ اور کسی دوسرے کی مسواک کرنا منع ہے۔۔

مسواک کے طبی فوائد۔۔۔

مسواک مسوڑھوں کی بیماریاں۔۔۔ پیدا کرنے والے بیکٹیریا کو ختم کرتی ہے۔۔۔ اور مسوڑھوں کو تقویت دیتی ہے ۔۔۔

دانتوں پر جمی میل کی۔۔۔ تہہ کو ختم کرتی ہے۔۔۔

دانتوں کو ٹوٹ پھوٹ سے بچاتی ہے۔۔۔  مسواک دانتوں کو مضبوط کرتی ہے۔۔۔

مسواک سانس کو۔۔۔ تروتازہ کرتی ہے۔۔۔ اور منہ کو صاف رکھتی ہے۔۔۔ منہ کی خشکی کو دور کرتی ہے۔۔۔

مسواک کے ریشے چونکہ ڈنڈی ۔۔۔کے متوازی ہوتے ہیں اس لیے۔۔۔ یہ ان حصوں کی بھی۔۔۔ صفائی کرتی ہے جہاں برش سے صفائی ممکن نہیں۔۔۔

»»»»»»»»»»»»»»»»»»»»»»»»»»»»»»

نور کا سفر

نور کا سفر

دنیا کی حقیقت۔۔۔

فرمان الہی ہے۔۔۔

{اعْلَمُوا أَنَّمَا الْحَيَاةُ الدُّنْيَا لَعِبٌ وَلَهْوٌ وَزِينَةٌ وَتَفَاخُرٌ بَيْنَكُمْ وَتَكَاثُرٌ فِي الْأَمْوَالِ وَالْأَوْلَادِ كَمَثَلِ غَيْثٍ أَعْجَبَ الْكُفَّارَ نَبَاتُهُ ثُمَّ يَهِيجُ فَتَرَاهُ مُصْفَرًّا ثُمَّ يَكُونُ حُطَامًا وَفِي الْآخِرَةِ عَذَابٌ شَدِيدٌ وَمَغْفِرَةٌ مِنَ اللَّهِ وَرِضْوَانٌ وَمَا الْحَيَاةُ الدُّنْيَا إِلَّا مَتَاعُ الْغُرُورِ } [الحديد: 200]

’’تم سب جان لوکہ۔۔۔ بے شک دنیا کی زندگی کھیل۔۔۔ تماشہ۔۔۔ زیب و زینت۔۔۔ آپس میں ایک دوسرے پر فخر کرنا۔۔۔

اور مال و دولت میں۔۔۔ ایک دوسرے سے

آگے بڑھنا ہے۔۔۔ اور اس بارش کی طرح ہے۔۔۔

جس کی پیداوار کسانوں۔۔۔

کو اچھی معلوم ہوتی ہے۔۔۔ پھر جب وہ ۔۔۔

خشک ہوجاتی ہے۔۔۔ تو زرد رنگ میں۔۔۔ اس کو تم دیکھتے ہو ۔۔۔پھر وہ بالکل چورا چورا ہوجاتی ہے۔۔۔ اور آخرت میں۔۔۔ (برے لوگوں کے لئے) سخت عذاب اور (اچھے لوگوں کے لئے) ۔۔۔

اللہ کی مغفرت اور رضامندی ہے۔۔۔ اور دنیا کی زندگی بجز دھوکے کے سامان کے۔۔۔ اور کچھ بھی نہیں ہے۔۔۔ ‘‘

ان آیتوں میں حق سبحانہ وتعالی نے دنیا۔۔۔ کی حقیقت کو بڑے واضح۔۔۔ الفاظ میں بیان فرمایا ہے۔۔۔ دنیا کی رنگینیوں میں کھو کر۔۔۔ اپنے رب سے غافل نہ ہو جانا۔۔۔ جو لوگ نیک اعمال کرتے ہوئے۔۔۔ زندگی بسر کریں گے۔۔۔ ان کے لئے بخشش اور مغفرت۔۔۔ کا وعدہ ہے۔۔۔ اور جو سر کشی پر اتر آئیں۔۔۔ ان کے لئے اللہ تعالیٰ کا فرمان ہے۔۔۔

اے پیغمبر۔۔۔! صلی اللہ علیہ وآلہ وسلم۔۔۔۔ انہیں سخت ترین عذاب کی۔۔۔ خوشخبری دے دیجئے۔۔۔۔

سورہ آل عمران میں حق سبحانہ کا ارشاد ہے۔۔۔

"اور دنیا کی زندگی تو محض... دھوکے کا سامان ہے۔۔۔" (ال عمران ١٨٥)

آپ صلى اللہ عليہ وسلم نے انسانی حرص کو لگام دیتے ہوئے فرمایا ۔۔۔

”انسان ہمیشہ یہ کہتا رہتا ہے ۔۔

کہ یہ میرا مال ہے۔۔

اور یہ میرا مال ہے۔۔۔ حالانکہ سوائے تین چیزوں کے کوئی اس کا مال نہیں ہے۔۔۔

1) جو کچھ کھا کر ختم کردیا ۔۔۔ وہ اس کا ہے۔۔۔

2) جو کچھ پہن کر پرانا کردیا۔۔۔ وہ اس کا ہے۔۔۔

3)اور جو کچھ (اچھا یا برا )عمل کرکے ۔۔۔ توشہ آخرت تیار کرلیا۔۔۔ ( وہ اس کا ہے ۔۔۔ کیونکہ اس کی جزا یا سزا۔۔۔ اس کو آخرت میں ملے گی )۔۔۔

اس کے سوا جو کچھ ہے وہ ۔۔۔

وارثوں کو جانے والا ۔۔۔ اور لوگوں کے لیے چھوڑ کر مرنے والا ہے ۔۔۔“

حضرت عبداللہ بن عمر ؓ فرماتے ہیں۔۔۔

کہ ہم حضور ﷺ کی خدمت میں حاضر ہوئے۔۔۔ اور آپﷺ اس وقت۔۔۔ کھجور کی چھال پر استراحت فرمارہے تھے۔۔۔

آپﷺ اٹھ بیٹھے تو ہم نے دیکھا۔۔۔ کہ آپﷺ کی کمر پر ۔۔۔ کھجو ر کی چھال کے نشان پڑے ہوئے ہیں ۔۔

تو ہم نے عرض کیا۔۔۔ کہ اے اللہ کے رسولﷺ۔۔۔!!ہم آپ ﷺ کے لئے کوئی... آرام دہ بستر نہ بنادیں... تو آپﷺ نے فرمایا ...

"کہ مجھے اس دنیا سے کیا لینا دینا...

میری مثال تو اس مسافر کی سی ہے۔۔۔

جو تھوڑی دیر آرام کے لئے۔۔۔ درخت کے سائے میں بیٹھا ہے۔۔۔"

ایک روایت میں آتا ہے کہ۔۔۔ حضورﷺ نے حضرت عبد اللہ بن عمر ؓ کے۔۔۔ کندھے کو پکڑ کہا۔۔۔ کہ

"دنیا میں ایسے رہو... جیسے اجنبی... بلکہ راہ گزر کا مسافر۔.."

ارشاد مصطفیٰ صلی اللہ علیہ وسلم ہے۔۔۔

"دنیا مردار کی مانند ہے... اور اس کے طلب گار... کتوں کی طرح ہیں ... جو مردار پر جھپٹتے ہیں۔۔۔"

انسان دنیا ہی کو۔۔۔ سب کچھ سمجھ بیٹھا ہے۔۔۔

اللہ تعالیٰ نے اپنے وفادار۔۔۔ نیک اور صالح بندوں ۔۔۔ کے لئے آخرت کی نعمتیں رکھی ہیں ۔۔۔

جس کے لئے اللہ کا ارشاد ہے۔۔۔

"میرے نیک بندوں کے لئے۔۔۔ میں نے ایسی نعمتیں۔۔۔ تیار رکھی ہیں۔۔۔ جن پر کسی کی۔نظر نہیں گزری۔۔۔ جو کسی کے گمان میں نہیں اسکتیں۔۔۔"

اللہ قدرت رکھنے والا ہے۔۔۔ ہر چیز پر قادر ہے۔۔۔

مال و متاع۔۔۔ اور بیٹے دنیا کی زینت ہیں۔۔۔ اس عارضی زندگی کی۔۔۔ زینت کے سامان میں سے دو بہت اہم ہیں۔۔۔

مال و دولت۔۔۔ اور اولاد میں بیٹے۔۔۔

انسان اپنے رب کو۔۔۔ بھول کر ان میں مگن ہوجاتا ہے۔۔۔ جبکہ یہ آزمائش کا سامان ہیں۔۔۔

مال اور اولاد کی محبت۔۔۔ انسان کو اللہ کی یاد۔۔۔ اور آخرت سے غافل کردیتی ہے۔۔۔ اور نفاق کا بیج پیدا ہوتا ہے۔۔۔

سورۃ منافقون میں اللہ کا ارشاد ہے۔۔۔

" اے وہ لوگو ...!! جو ایمان لائے ہو۔۔۔تمہیں تمہارے مال اور اولاد۔۔۔ اللہ کی یاد سے۔۔۔ غافل نہ کرنے پائیں۔۔۔

انسان فانی ہے۔۔۔ باقی رہنے والی اس کی نیکیاں ہیں۔۔۔

حدیث مبارکہ میں ہے کہ ۔۔۔

تین چیزیں میت کے ساتھ جاتی ہیں۔۔۔

اس کا خاندان۔۔۔

اس کا مال ۔۔۔

اور اس کا عمل۔۔۔

دوچیزیں تو لوٹ آتی ہیں ۔۔۔

اور ایک چیز ساتھ جاتی ہے۔۔۔

اس کے اہل عیال بھی لوٹ جاتے ہیں۔۔۔ اور مال بھی ۔۔۔

اورباقی رہنے جانے والا اس کا عمل ہے۔۔۔

جو اس کیساتھ جاتا ہے۔۔۔

سورہ العنکبوت میں۔۔۔ ارشاد ربانی ہے۔۔۔

"و ما ھذہ الحیوۃ الدنیا الا لھو و لعب و ان الدار الاخرۃ لھی الحیوان لو کانوا یعلمون ۔۔۔

سورۃ العنکبوت ۔۔۔٦٤

ترجمہ۔۔۔

"اور یہ دنیا کی زندگی تو... کھیل تماشا ہے ... آخرت کی زندگی ہی اصل زندگی ہے ۔۔۔ کاش وہ اس حقیقت کو جانتے۔۔۔"

اسی طرح سورہ الحدید میں ارشاد ہوتا ہے۔۔۔

اعلموا أنما الحياة الدنيا لعب ولهو وزينة وتفاخر بينكم وتكاثر في الأموال والأولاد كمثل غيث أعجب الكفار نباته ثم يهيج فتراه مصفرا ثم يكون حطاما وفي الآخرة عذاب شديد ومغفرة من الله ورضوان وما الحياة الدنيا إلا متاع الغرور۔۔۔

سورۃ الحدید ۔۔۔ ٢٠

ترجمہ۔۔۔

" جان رکھو کہ دنیا کی زندگی... محض کھیل اور تماشا اور زینت... اور تمہارے آپس میں... فخر اور مال و اولاد کی... ایک دوسرے سے زیادہ طلب ہے ...( اسکی مثال ایسی ہے ) جیسے بارش کہ ( اس سے کھیتی اگتی اور ) کسانوں کو کھیتی بھلی لگتی ہے ... پھر وہ خوب زور پر آتی ہے ۔۔۔ پھر ( اسے دیکھنے والے ) ۔۔۔تو اس کو دیکھتا ہے کہ یہ۔۔۔ ( پک کر ) زرد پڑ جاتی ہے ۔۔۔پھر چورا چور ہوتی ہے ۔۔۔اور آخرت میں کافروں کے لیے )۔۔۔ عذاب شدید اور ( مومنوں کے لیے ) خدا کی طرف سے ۔۔۔ بخشش اور خوشنودی ہے۔۔۔ اور دنیا کی زندگی۔۔۔ تو متاع فریب ہے۔۔۔"

اس لئے اس چند روزہ زندگی پر۔۔۔ گھمنڈ نہ کرنا کہ اپنے پالنہار کو ہی بھول جاؤ۔۔۔ اس نے تمہیں جس کام کے لیے۔۔۔ اس دنیا میں بھیجا ہے وہ کرنا۔۔۔ دنیا کے دھوکے میں آکر۔۔۔ اپنا فریضہ نہ بھول جانا۔۔۔

سورہ فاطر میں ۔۔۔ارشاد باری تعالی ہے۔۔۔

یا ایھاالناس ان وعد اللہ حق فلا تغرنکم الحیوۃ الدنیا ولا یغرنکم باللہ الغرور ۔۔۔

سورۃ فاطر ۔۔۔٥

ترجمہ۔۔۔

" اے لو گو... ! بے شک اللہ کا وعدہ قیامت... برحق ہے ... لہذا دنیا کی زندگی تمہیں۔۔۔ دھوکے میں نہ ڈالے اور نہ وہ۔۔۔ بڑا دھوکے باز۔۔۔ تمہیں اللہ کے بارے میں دھوکا دینے پائے۔۔۔"

شیطان کے بہکاوے میں نہ انا۔۔۔ وہ تمہارا کھلا دشمن ہے۔۔۔ اللہ کی بارگاہ میں۔۔۔ اس شیطان سے پناہ۔۔۔ طلب کرتے رہنا۔۔۔

یہ دنیا ایک امتحان گاہ ہے۔۔۔ اور اس انسان اس دنیا میں۔۔۔ ضرور آزمایا جائیگا۔۔۔ اللہ تمہیں مال و دولت۔۔۔ اولاد۔۔۔ اور ہر طرح کی آزمائش سے گزارے گا۔۔۔اور جب ایک مؤمن آزمائش سے گزرے۔۔۔ تو اس کا رویہ۔۔۔ برتاؤ کیسا ہوتا ہے۔۔۔ وہ کونسے کلمات ادا کرتا ہے۔۔۔ مصیبت اور پریشانی کے وقت۔۔۔ کن کلمات کو ادا کرنا چاہئے۔۔۔ وہ سب درج ذیل آیات مبارکہ میں۔۔۔اللہ نے واضح کیا ہے۔۔۔ آئیے اللہ کے کلام پر غور کرتے ہیں۔۔۔

ارشاد باری تعالیٰ ہے۔۔۔

ولنبلونكم بشيء من الخوف والجوع ونقص من الأموال والأنفس والثمرات وبشر الصابرين (البقرہ-155)

الذين إذا أصابتهم مصيبة قالوا إنا لله وإنا إليه راجعون (156)

"اور ھم یقیناً آزمائیں گے ... تمہیں کچھ خوفناک حالات کے ساتھ ۔۔۔اور بھوک یعنی فاقوں کی کیفیت۔۔۔ اور جان و مال ۔۔۔اور پھلوں کے نقصان کے ساتھ ۔۔۔ اور خوشخبری سنا دیجئے۔۔۔ صبر کرنے والوں کو۔۔۔ جنہیں جب بھی کسی مصیبت سے پالا پڑے۔۔۔ تو کہتے ھیں۔۔۔

( ھم نے کونسا یہاں سدا رھنا ھے )

یقیناً ھم اللہ کی طرف سے آئے ھیں۔۔۔ اور اسی کی طرف لوٹ کر جانے والے ھیں۔۔۔"

أمْ حَسِبْتُمْ أَنْ تَدْخُلُوا الْجَنَّةَ وَلَمَّا يَأْتِكُمْ مَثَلُ الَّذِينَ خَلَوْا مِنْ قَبْلِكُمْ مَسَّتْهُمُ الْبَأْسَاءُ وَالضَّرَّاءُ وَزُلْزِلُوا حَتَّى يَقُولَ الرَّسُولُ وَالَّذِينَ آمَنُوا مَعَهُ مَتَى نَصْرُ اللَّهِ أَلا إِنَّ نَصْرَ اللَّهِ قَرِيبٌ.

" کیا تم نے یہ حساب لگا رکھا تھا... کہ تم ایسے ھی جنت میں جا گھسو گے... اور تمہیں وہ حالات پیش نہیں آئیں گے ...جو تم سے پہلوں کو پیش آئے... انہیں تنگیوں اور تکلیفوں نے گھیرے رکھا ۔۔۔ اور وہ ھلا مارے گئے۔۔۔ یہانتک کہ رسول اور اس کے ساتھیوں نے کہا کہ ۔۔۔اللہ کی مدد کب آئے گی۔۔۔ ؟ جان لو کہ اللہ کی مدد بہت قریب ھے۔۔۔"

أَمْ حَسِبْتُمْ أَنْ تَدْخُلُوا الْجَنَّةَ وَلَمَّا يَعْلَمِ اللَّهُ الَّذِينَ جَاهَدُوا مِنْكُمْ وَيَعْلَمَ الصَّابِرِينَ (آل عمران 142)

" کیا تم نے یہ سمجھ رکھا تھا کہ... تم یونہی ( ٹھنڈے ٹھنڈے )... جنت میں داخل ھو جاؤ گے... حالانکہ اللہ نے ابھی تم میں سے... جہاد کرنے والوں اور صبر کرنے والوں کو... چھانٹا نہیں ھے...

أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ (22) وَلَقَدْ فَتَنَّا الَّذِينَ مِن قَبْلِهِمْ ۖ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ (3) العنکبوت

" کیا لوگوں نے یہ سمجھ رکھا ھے کہ۔۔۔ انہیں چھوڑ دیا جائے گا۔۔۔ صرف یہ کہہ دینے پر کہ ھم ایمان لائے۔۔۔ اور ان کو آزمایا نہ جائے گا۔۔۔ بےشک ھم ان سے پہلوں کو بھی آزمایا ھے ۔۔۔

پس اللہ چھانٹ کر رھے گا ان لوگوں کو ۔۔۔جو سچے ہیں۔۔۔"

اگر انسان اپنے ایمان لانے کا۔۔۔ اعلان کرتا ہے تو پھر۔۔۔ بارگاہ ربوبیت سے۔۔۔ اس کے ایمان کا۔۔۔ امتحان بھی لیا جائے گا۔۔۔

فرمانِ باری تعالیٰ ہے۔۔۔

الَّذِیْ خَلَقَ الْمَوْتَ وَالْحَیَاۃَ لِیَبْلُوَکُمْ أَیُّکُمْ أَحْسَنُ عَمَلاً۔(الملک:۲)

’’اس نے موت اور زندگی پید ا کی۔۔۔ تاکہ وہ تمکو آزمائے کہ۔۔۔ تم میں سے کون عمل میں زیادہ بہتر ہے۔۔۔"

اللہ تعالیٰ انسان کو عمل کا موقع دیکر۔۔۔ یہ دیکھنا چاہتا ہے کہ۔۔۔ انسان دنیاوی لذتوں اور آسائشوں میں ۔۔۔ رہ کر اپنے منعم حقیقی کو پہچانتا اور یاد رکھتا ہے کہ نہیں۔۔۔

یا پھر مقصد حیات سے غافل ہو کر۔۔۔ شیطان کے شکنجوں میں جکڑ جاتا ہے۔۔۔ اور اپنی عاقبت خراب کر لیتا ہے۔۔۔

تم اس دنیا میں۔۔۔ عیش و عشرت کے لئے۔۔۔ پیدا نہیں کئے گئے۔۔۔ تمہاری زندگی کا ایک۔۔۔ مقصد ہے۔۔۔ اور وہ مقصد یہ ہے کہ۔۔۔ زندگی کے ہر شعبے میں۔۔۔ ہر مرحلے میں۔۔۔ بندگی کا حق ادا کرو۔۔۔ مخلوق کی خدمت کا۔۔۔ فریضہ سر انجام دو۔۔۔ بھٹکی ہوئی انسانیت کو۔۔۔ راہ راست دکھاؤ۔۔۔ اللہ کے بندوں کو۔۔۔ اللہ کیساتھ جوڑ دو۔۔۔

اللہ کا فرمان ہے۔۔۔

" تم وہ بہترین امت ہو۔۔۔ جسے انسانوں کی اصلاح کے لیے۔۔۔ میدان میں اتارا گیا ہے۔۔۔"

اللہ نے تم پر تبلیغ کی۔۔۔ ذمہ داری عائد کی ہے۔۔۔ اور اپنی عبادت اور بندگی کا حکم دیا ہے۔۔۔ وہ بجا لاؤ ورنہ خسارہ ہی خسارہ ہے۔۔۔

اور دنیا کی حقیقت و حیثیت کیا ہے؟؟..

اللہ تعالی سورہ حدید کی آیات میں۔۔۔ واضح

کردی ہے۔۔۔

»»»»»»»»»»»»»»»»»»»»»»»»»»»»»»»»»

نور کا سفر

دعا کی فضیلت و برکات

 دعا کیا ہے۔۔۔؟

بندے اور معبود کے۔۔۔ درمیان رابطے کا۔۔۔ انوکھا نرالا ذریعہ ہے۔۔۔ 

اپنی پریشانیوں کو۔۔۔ اپنے رب کے حضور پیش کرنا۔۔۔ حاجتوں میں اس سے مدد مانگنا۔۔۔

 رازداری۔۔۔ 

 بندے کو معلوم ہوتا ہے کہ۔۔۔ اس کی حاجتیں۔۔۔ اس کے رب کے سوا۔۔۔ کوئی پوری نہیں کر سکتا۔۔۔

کیونکہ وہ خالق کائنات ہے۔۔۔ کل اختیارات اس کے قبضہ قدرت میں ہیں۔۔۔

(١)سورئہ  بقرہ آیت۔۔۔ 108۔ میں اللہ کا ارشاد ہے۔۔۔

(وَ لِلَّہِ مُلْکُ السَّمَاواتِ وَالْاَرْضِ وَمَابیْنَھُمَایَخْلُقُ مَایَشَا ئُ)

''اور ﷲ ہی کیلئے۔۔۔  زمین و آسمان اور ان کے درمیان کی ۔۔۔کل حکو مت ہے ۔۔۔

اللہ اپنی عطا و بخشش کو۔۔۔ کسی پر بند نہیں کرتا۔۔۔ ہر انسان اس کی عطا سے۔۔۔ فیض یاب ہے۔۔۔ پھر چاہے وہ کافر و مشرک ہی کیوں نہ ہو۔۔۔ اس کے حساب کتاب کے۔۔۔ پیمانے الگ ہیں۔۔۔

اس کا جودو کرم۔۔۔ زوروں پر ہوتا ہے۔۔۔

 کسی چیز کے عطا کر نے سے۔۔۔ اس کی ملکیت کا دائرہ ۔۔۔ تنگ نہیں ہو تا ۔۔۔ وہ اپنے بندو ں پر اپنی مر ضی سے جو جو د و کرم کرے۔۔۔ اس سے اس کی ملکیت میں۔۔۔ کو ئی کمی نہیں آتی۔۔۔ اور وہ بندوں کی حا جتوں کو۔۔۔ قبول کر نے میں کوئی دریغ نہیں کرتا۔۔۔

اس کا بندہ  اس کو۔۔۔ پکا رے تو وہ دعا کو مستجاب ۔۔۔ کر نے میں کسی چھو ٹے بڑے کا لحاظ نہیں کرتاہے۔۔۔  

 خود اسی کا فر مان ہے ۔۔۔

اُدْعُوْنِیْ اَسْتَجِبْ لَکُمْ 

"مجھ سے دعا کرو... میں قبول کرونگا''

 

بندہ ہر چیز کا محتاج ہے۔۔۔ یہا ں تک کہ۔۔۔ اپنی حفا ظت کر نے میں بھی۔۔۔ وہ اﷲ کا محتا ج ہے۔۔۔

 ارشاد ہو تا ہے۔۔۔

(یَٰأَیُّھَاالنَّاسُ اَنْتُمُ الْفُقَرَائُ اِلَی اللَّہِ وَاللَّہُ ھُوَالْغَنِیُّ الْحَمِیْدُ)

''انسانوں۔۔۔!! تم سب ﷲ کی بارگاہ کے... فقیر ہو اور ﷲ ...صاحب دو لت اور ...قابل حمد و ثنا ہے...

انسان کے پاس... اپنے فقر سے بہتر... اور کو ئی چیز نہیں ہے... جو اس کی بار گاہ میں پیش کر سکے۔.. اور ﷲ کی بارگاہ میں... اپنے کو فقیر بنا کر پیش کر نے سے ...اس کی رحمتوں کا نزول ہو تا ہے۔..

 انسان ﷲ کی بارگاہ  میں جسقدر عاجزی اختیار کرے گا۔۔۔ اتنا ہی ﷲ کی رحمت سے ۔۔۔قریب رہے گا۔۔۔ اور اگر وہ تکبر کر ے گا ۔۔۔ اور اپنی حا جت و ضرورت کو۔۔۔ اس کے سا منے پیش نہیں کر ے گا ۔۔۔اتنا ہی وہ اللہ کی رحمت سے دور ہو جائے گا۔۔۔

بیقراریوں میں مانگی ہوئی دعائیں قبول ہوتی ہیں۔۔۔ بیقرار کی پکار پر۔۔۔ رحمت الٰہی جوش میں آتی ہے۔۔۔

قرآن پاک میں حق سبحانہ وتعالی کا فرمان ہے۔۔۔

(أَ مّنَّ یُّجِیْبُ الْمُضْطَرَّاِذَادَعَاہُ وَیَکْشِفُ السُّوْئَ) 

''بھلا وہ کو ن ہے۔۔۔ جو مضطر کی فریاد کو سنتا ہے۔۔۔ جب وہ اس کوآوازدیتا ہے۔۔۔ اور اس کی مصیبت کو دور کر دیتا ہے ۔۔۔''

 

مضطر کی دعا۔۔۔ اور اﷲ کی طرف سے۔۔۔ اس کی قبولیت کے درمیان۔۔۔ کو ئی فاصلہ نہیں ہے۔۔۔

کیونکہ جب جسم کا رواں رواں۔۔۔ نیاز مند ہو۔۔۔ جب اٹھے ہوئے ہاتھ۔۔۔ سوالی والے ہوں۔۔۔ جب دل کی دھڑکنیں۔۔۔ دعا بن جائیں۔۔۔ تو قبولیت میں شک کی گنجائش ہی نہیں رہتی۔۔۔

اپنے دل کو۔۔۔ اپنے رب کی طرف متوجہ کرلو۔۔۔

دعا مانگنے کی تعلیم۔۔۔ اللہ نے خود دی ہے۔۔۔

ارشاد باری تعالیٰ ہے۔۔۔

(وَقَالَ رَبُّکُمُ ادْعُوْنِیْ اَسْتَجِبْ لَکُمْ اِ نَّ الَّذِیْنَ یَسْتَکْبِرُوْنَ عَنْ عِبَادَتِیْ سَیَدْخُلُوْنَ جَہَنَّمَ دَاخِرِیْنَ )

''اور تمہا رے پر ور دگار کا ارشاد ہے۔۔۔ مجھ سے دعا کرو میں قبول کرونگا۔۔۔ اور یقیناً جو لوگ۔۔۔ میری عبادت سے اکڑتے ہیں۔۔۔ وہ عنقریب ذلت کے ساتھ جہنم میں داخل ہوں گے۔۔۔ ''

اپنے آپ کو۔۔۔ اللہ کی بات میں پیش کرو۔۔۔ یہی عبادت کی اصل روح ہے۔۔۔

عبادتوں میں کوئی عبادت۔۔۔ دعا سے بڑھ کر نہیں ہے۔۔۔ دعا عبد و معبود کے درمیان۔۔۔ رازونیاز کا ذریعہ ہے۔۔۔ ایک حقیقی تعلق ہے۔۔۔

دعا انسان کو۔۔۔ اللہ سے سب سے زیادہ۔۔۔ قریب کر دیتی ہے۔۔۔ عبد و معبود کے تعلق کو۔۔۔ مستحکم بنا دیتی ہے۔۔۔

دعا انسان کو۔۔۔ اپنے رب سے بہت قریب کردیتی ہے۔۔۔

سورہ الزاریات میں۔۔۔ﷲ تعالیٰ فر ماتا ہے۔۔۔

کَلَّااِنَّ الِانْسَانَ لَیَطْغیٰ٭اَنْ رَّاٰہُ اسْتَغْنیٰ

''بیشک انسان سر کشی کرتا ہے۔۔۔ جب وہ اپنے کو بے نیاز خیال کرتا ہے۔۔۔ ''

اللہ بے نیاز ہے۔۔۔ بندہ نیاز مند ہے۔۔۔ ہر گھڑی ہر لمحہ۔۔۔ اس سے مانگو۔۔۔

''ﷲ کو دوست رکھنے والا ۔۔۔بندہ دعا کرتے وقت۔۔۔ ﷲ کو اپنے امر میں۔۔۔ اپنا نائب بنا دیتا ہے۔۔۔ تو خدا وندعالم اس بندے پر ۔۔۔موکل فرشتو ں سے کہتا ہے ۔۔۔

میرے اس بندے کی حاجت قبول کرلو۔۔۔

 مگر اسے پوری کرنے میں ۔۔۔ابھی جلدی نہ کرنا۔۔۔ چونکہ میں اس کی آواز سننے کو ۔۔۔دوست رکھتا ہوں۔۔۔ اورجب اﷲکا دشمن بندہ اﷲ سے۔۔۔ دعا کرتے وقت اس کو اپنے کسی کام میں اپنا نائب بنانا چاہتا ہے ۔۔۔تو اللہ رب العزت۔۔۔

 اس بندے پر مو کل۔۔۔ فرشتوں سے کہتا ہے۔۔۔ اس کی حاجت کو پورا کرنے میں ۔۔۔جلدی کرو اس لئے کہ میں اس کی آواز سننا۔۔۔ پسندنہیں کرتا ہوں ۔۔۔''

 

اللہ تبارک وتعالیٰ کو ۔۔۔ ہر گز یہ پسند نہیں ہے کہ۔۔۔  اس کے بندے ایک دوسرے سے ۔۔۔ سوال کریں بلکہ اگروہ۔۔۔ اپنی عزت نفس کا خیال رکھتے ہوئے دوسروں۔۔۔ کے سامنے ہاتھ نہ پھیلائیں تواس کو یہی پسند ہے ۔۔۔

لیکن اﷲ تبارک و تعالیٰ اپنی بارگاہ میں ۔۔۔مومنین کے سوال کوپسندکرتا ہے۔۔۔ اور اپنے سامنے ان کے گریہ و زاری۔۔۔ اور دعا کرنے کو پسند کرتا ہے۔۔۔

 فرمانِ مصطفیٰ صلی اللہ علیہ وآلہ وسلم ہے۔۔۔

"  اللہ رب العزت۔۔۔ ایک چیز اپنے لئے پسندکرتا ہے۔۔۔  لیکن اس کو مخلوق کیلئے۔۔۔

 پسند نہیں کرتا ۔۔۔ وہ اپنے لئے اس بات کو دوست رکھتا ہے۔۔۔  کہ اس سے سوال کیا جائے۔۔۔ اور اﷲ کے نزدیک اس سے سوال۔۔۔

 کر نے کے علا وہ کوئی۔۔۔ چیز محبوب نہیں ہے۔۔۔

 پس تم میں سے کو ئی اﷲ سے۔۔۔ اس کے فضل کاسوال کرنے میں۔۔۔ شرم نہ کرے۔۔۔ اگر چہ وہ جو تے کے تسمے کے بارے میں ہی کیوں نہ ہو۔۔۔ ''

 

حضرت امام جعفر صادق  رضی اللہ تعالیٰ۔۔۔  سے مروی ہے ۔۔۔

''ﷲ بندے کی اس بات کو۔۔۔ پسندکرتا ہے کہ ۔۔۔وہ اس کو بڑے جرم۔۔۔ میں پکارے اور ۔۔۔اس بات سے ناراض ہو تا ہے کہ۔۔۔ وہ اس کو چھوٹے جرم میں نہ پکارے۔۔۔''

  اپنے رب کو پکارو۔۔۔ وہ تمہاری پکار سنتا ہے۔۔۔ صرف پریشانی میں ہی نہیں۔۔۔ اپنی خوشحالی میں بھی۔۔۔ اسے یاد رکھو۔۔۔ اس سے بڑھ کر۔۔۔ کوئی تمہارا خیال رکھنے والا۔۔۔ اور خیر خواہ نہیں ہے۔۔۔

اللہ سے قرب کے ذرائع۔۔۔

اللہ نے اپنے بندوں کو۔۔۔ اپنی طرف آنے کے۔۔۔ بہت سے راستے۔۔۔ دکھائے ہیں۔۔۔ نماز ان میں سے ایک ہے۔۔۔ نماز پڑھا کرو۔۔۔ ساری پریشانیاں۔۔۔ بے چینیاں دور ہو جائیں گی۔۔۔

نماز میں راحت ہے۔۔۔

نماز میں سکون ہے۔۔۔

نماز قرب الہٰی کا ذریعہ ہے۔۔۔

نماز میں خوشیاں اور مسرتیں پنہا ہیں۔۔۔

ﷲ سے لو لگانے کے ۔۔۔ بہت زیادہ ذرائع ہیں جیسے توبہ۔۔۔ خوف و خشیت۔۔۔ ﷲ سے محبت اور شوق ۔۔۔امید ۔۔۔ شکر ۔۔۔ صبر۔۔۔ مخلوق کی خدمت۔۔۔ استغفار ۔۔۔ ذکر۔۔۔ 

خدا سے رابطہ کرنے۔۔۔ اور اس کی بارگاہ میں۔۔۔ اپنے کو پیش کر نے کا سب سے اہم۔۔۔ وسیلہ دعا ہے۔۔۔

 دعا کے ذریعے۔۔۔ اپنے رب سے جڑ جاؤ۔۔۔ 

 فقر اور نیاز مندوں سے۔۔۔ زیادہ اور کو ئی چیز۔۔۔ انسان کو اپنے رب کے قریب نہیں کر سکتی۔۔۔ مکمل حضوری کیساتھ۔۔۔ اپنے رب کو پکارو۔۔۔

 

 دعا اللہ رب العزت سے ۔۔۔ رابطے اور لو لگا نے کا۔۔۔ سب سے وسیع ذریعہ ہے ۔۔۔

حضرت امام زین العا بدین رضی اللہ تعالیٰ عنہ فر ما تے ہیں ۔۔۔

''تمام تعریفیں اس خدا کیلئے ہیں ۔۔۔

جس کو میں آواز دیتا ہوں ۔۔۔

جب اپنی حا جتیں چا ہتا ہوں۔۔۔

 اور جس کے ساتھ خلوت کرتا ہوں ۔۔۔

جب جب اپنے لئے کو ئی رازدار چا ہتا ہوں۔۔۔ یعنی سفارش کرنے والے کی۔۔۔ حاجت کو پوری کرتا ہے۔۔۔ ''

 اللہ رب العزت کی ذات کریمی۔۔۔ اتنی مہربان ہے کہ اس نے۔۔۔ بندے کی دعا کو عبادت کا درجہ دے دیا۔۔۔ کیونکہ اللہ سے مانگنے کی۔۔۔ توفیق بھی۔۔۔ نصیب والوں کو ملتی ہے۔۔۔

اپنے رب سے ہمیشہ۔۔۔ رابطے میں رہو۔۔۔ اس سے دور ہو کر۔۔۔ تمہیں کچھ نہیں ملے گا۔۔۔ اور اس سے جڑ کر۔۔۔ دارین کی۔۔۔ سعادتیں تمہارا مقدر بن جائیں گی۔۔۔

فرمانِ مصطفیٰ صلی اللہ علیہ وآلہ وسلم ہے

" تم خدا کی بارگاہ میں ۔۔۔اپنی حا جتوں کو نالہ و فریاد کے ذریعہ۔۔۔ پیش کرو۔۔۔ مشکلوں میں اسی کی پناہ مانگو۔۔۔ اس کے سامنے گڑگڑاؤ۔۔۔ اسی سے دعا کرو ۔۔۔ بیشک دعا عبادت کی روح ہے۔۔۔ اور کسی مومن نے دعا نہیں کی۔۔۔  مگر یہ کہ اس کی دعا ضرور قبول ہو ئی۔۔۔ یا تو اسکی دنیا ہی میں جلدی دعا قبول کر لیتا ہے۔۔۔ یا اس کو آخرت میں قبول کرے گا۔۔۔

یا بندہ جتنی دعاکرتاہے۔۔ اتنی مقدارمیں اسکے گناہوں کوختم کردیتا ہے۔۔۔"

''اپنی حا جتیں خدا کی بارگاہ... میں پیش کرو مشکلوں میں اسی کی پناہ مانگو...''

دعا نعمت عظمیٰ ہے۔۔۔

 

دعا ایک عظیم نعمت۔۔ اور انمول تحفہ ہے۔۔۔ دعا کا حیات انسانی سے۔۔۔ بہت گہرا رشتہ و تعلق ہے۔۔۔ انسان اور دعا کا۔۔۔ چولی دامن کا ساتھ ہے۔۔۔ بغیر دعا کے۔۔۔ زندگی میں کوئی رنگ و نور نہیں آئیگا۔۔۔ اس دنیا میں کوئی بھی انسان۔۔۔ کسی بھی حال میں دعا سے مستغنی نہیں ہوسکتا۔۔۔ دعا اللہ کے متقی بندے ۔۔۔اور انبیا ئے کرام علیہم السلام کے اوصافِ حمیدہ میں سے ۔۔۔ ایک ممتاز وصف ہے۔۔۔

فرمانِ مصطفیٰ صلی اللہ علیہ وآلہ وسلم ہے۔۔۔

 لَیْسَ شَیْءٌ أکْرَمَ عَلَی اللّٰہِ عَزَّ وَجّلَّ مِنَ الدُّعاء۔۔۔

 دعا سے بڑھ کر ۔۔۔اللہ تعالی کے یہاں۔۔۔ کوئی چیز ۔۔۔ باعزت نہیں۔۔۔"

 سرکار دوعالم صلی اللہ علیہ وآلہ وسلم کا ارشاد مبارک ہے۔۔۔

  اَلدُّعَاءُ سِلاَحُ الْمُؤمِنِ وَعِمَادُ الدِّیْنِ وَنُوْرُ السَّمٰواتِ وَالأرْضِ۔۔۔

" دعا موٴمن کا ہتھیار ۔۔۔ دین کا ستون۔۔۔  اور آسمان وزمین کی روشنی ہے ۔۔۔"

 اللہ نے اپنے بندوں کو۔۔۔ دعا کی تاکید کی ہے۔۔۔ اس کی قبولیت کا۔۔۔ وعدہ بھی کیاہے۔۔۔

ارشاد حق سبحانہ ہے۔۔۔

إنَّہُمْ کَانُوْا یُسَارِعُوْنَ فِیْ الْخَیْرَاتِ وَیَدْعُوْنَنَا رَغَبًا وَرَہَبًا وَکَانُوا لَنَا خَاشِعِیْن۔

 " بے شک وہ سب ... نیک کاموں میں جلدی کرنے والے ۔۔۔ تھے اور وہ ہمیں امید اور خوف سے۔۔۔ پکارتے تھے۔۔۔ اور وہ ہمارے سامنے ۔۔۔عاجزی کرنے والے تھے۔۔۔

 سورئہ فاطرمیں۔۔۔ اللہ تعالی نے ارشاد فرمایا ۔۔۔

 وَاللّٰہُ الْغَنِيُّ وَأنْتُمُ الْفُقَرَاءُ ۔۔۔

اللہ تعالی بے نیاز ہے۔۔۔ اور تم محتاج ہو۔۔۔

 حدیثِ قدسی میں آپ  صلی اللہ علیہ وسلم نے ارشاد فرمایا۔۔۔

 کُلُّکُمْ ضَالٌّ الاَّ مَنْ ہَدَیْتُہ فَاسْتَہْدُوْنِيْ اَہْدِکُمْ یَا عِبَادِيْ، کُلُّکُمْ جَائِعٌ الاَّ مَنْ أطْعَمْتُہ فَاسْتَطْعِمُوْنِيْ اُطْعِمْکُمْ، یَا عِبَادِيْ انَّکُمْ تَخْطَئُوْنَ بِاللَّیْلِ وَالنَّہَارِ، وَأنَا اَغْفِرُ الذُّنُوْبَ جَمِیْعًا فَاسْتَغْفِرُوْنِیْ اَغْفِرْلَکُمْ

 " اے میرے بندے! تم بے راہ ہو...جب تک میں تمہیں ہدایت نہ دوں ... لہٰذا تم مجھ سے ہدایت طلب کرو ... میں تمہیں ہدایت دوں گا ... اے میرے بندے۔۔۔ تم سب بھوکے ہو۔۔۔سوائے اس شخص کے۔۔۔ جسے میں کھلاؤں۔۔۔ لہٰذا تم مجھ سے کھانا مانگو۔۔۔ میں تمہیں کھلاؤں گا۔۔۔اے میرے بندے۔۔۔ تم رات اور دن غلطیوں کا ارتکاب کرتے رہتے ہو۔۔۔اور میں تمام گناہوں کو ۔۔۔ بخشنے والا ہوں۔۔۔ لہٰذا تم مجھ سے مغفرت طلب کرو۔۔۔ میں بخشش کرنے والا ہوں۔۔۔"

اپنے رب کی رحمتوں سے۔۔۔ کیوں مایوس ہوتے ہو۔۔۔ اس کی رحمت سے تو صرف۔۔۔ کافر ہی مایوس ہوتے ہیں۔۔۔ دعا کا دامن تھام لو۔۔۔ دعا سے جڑ جاؤ۔۔۔ اللہ تمہیں اپنی رحمتوں سے۔۔۔ نواز دے گا۔۔۔

یا اللہ۔۔۔!!! ذکر کرنے والی زبان۔۔۔ تجھے یاد کرنے والا دل۔۔۔ اور تجھ سے مانگنے والے ہاتھ۔۔۔ عطا فرما دے۔۔۔ آمین ثم آمین یارب العالمین

»»»»»»»»»»»»»»»»»»»»»»»»»»»»»»»

مجھے کچھ کہنا ہے

»»»»»»»»»»»»»»»»»»»»»»»»»»»»