Showing posts with label کامیابی کی شاہراہ. Show all posts
Showing posts with label کامیابی کی شاہراہ. Show all posts

کامیابی کی شاہراہ۔۔۔۔ منزل تمہاری ہے


                                                                  *** منزل تمہاری ہے ***

                                                            ***ہاں میں کر سکتا ہوں***



                                                               اگر تم ہارنے کا سوچو گے تو ہار جاو گے

                                  اگر تم سوچو گے کہ تم میں حوصلہ نہیں ہے تو خود میں حوصلہ نہیں پاو گے

                                               اگر تم خواہش رکھتے ہو ئے بھی سوچو کہ جیت نہیں سکتے

                                                                      تو امکان یہی ہے کہ تم جیت نہ سکو گے

                                                                       اگر تم گنوانے کا سوچو گے تو گنوا دو گے

                                                                                 وہ، جو کچھ ہم دنیا میں حاصل کرتے ہیں

                                                                                             کامرانی کی ابتدا انسان کی آرزو سے ہوتی ہے

                                                                   یہ سب کچھ تو انسانی ذہن پر منحصر ہوتا ہے

                                                                   اگر تم سوچو گے کہ تم اعلیٰ ارفع ہو تو تم ہو

                                      تمہیں بلند ہونے کے لیے سوچ کو بلند رکھنا ہو گا

                                                       پہلے اپنی ذات پر یقین کامل حاصل کرنا ہو گا

                                                                             پھر تم جو چاہو گے پا سکو گے

                                                                                                           زندگی کی بازی ہمیشہ

                                                                                                             قوی اور تیز شخص ہی نہیں جیتتا

                                                                                                           بلکہ جلد یا بدیر وہی شخص جیتتا ہے

                                                                                                               جو
                                                                                                                  سوچتا ہے کہ وہ ایسا کر سکتا ہے

سفر کا آغاز کیجئے ، آہستہ آہستہ اور مستقل قدموں کی ساتھ منزل کی جانب بڑھتے رہیے یہ سوچے بغیر کہ دوسرے     کیا کر رہے ہیں ،وہ کہاں چلے جا رہے ہیں اور میں کہاں ہوں ۔ 


راستے میں آنے والی رکاوٹوں اور ناکامیوں سے سیکھ کر آگے بڑھتے جائیے ۔ 
 نئی کوششوں اور ہمت کے ساتھ ، منزل دور ہے مگر ملے گی ضرور ۔


کوئی بھی کامیابی آخری نہیں ہوتی ہے اور اسی طرح کوئی بھی ناکامی ہمیشہ کےلیے نہیں ہوتی ہے، یہ ایک سفر ہے جو کامیابیوں اور ناکامیوں پر مشتمل ہے اور اس سفر میں جو چیز اہمیت رکھتی ہے وہ ہمت اور حوصلہ ہے جس کی بدولت آپ میدان میں جمے رہتے ہیں اور مقابلہ کرتے ہیں ۔ 
یہ مقابلہ اگر خود کے ساتھ، اپنی بہتری اور ترقی کے ساتھ ہو تو کامیاب رہتا ہے ،سیکھنے کو بہت کچھ ملتا ہے ۔
اکثر حالات سے دلبرداشتہ ہو کر ہم خود کا دوسروں سے مقابلہ کرنے لگ جاتے ہیں پھر گلے شکوے ہوتے ہیں کہ فلاں نے بھی تو میرےساتھ سفر شروع کیا تھا مگر وہ مجھ سے آگے کیسے نکل گیا؟ 
ضرور کسی دو نمبری کا نتیجہ ہے، یہ نظام ہی ایسا ہے ۔ہم یہ نہیں کرتے کہ دیکھیں کہ فلاں نے کیسے یہ کامیابی حاصل کی ،کتنی محنت کی اور ہم سے کہاں غلطی ہوئی ہے۔ ہمیں اسے سمجھنا چاہیے اور اس سے سبق سیکھ کر آگے بڑھنا چاہیے دوسروں کی کامیابیوں پر کڑنے سے تکلیف اور پریشانی کے سوا کچھ نہیں ملتا ۔اس سے بہتر ہے اپنی محنت بڑھا لی جائے اور کوشش دوگنی کر دی جائے ۔

ایک انگریز لیڈر کا کہنا ہے کہ کوئی کامیابی آخری نہیں ہوتی اور نہ ہی کوئی ناکامی جان لیوا ہے یہ ہمت ہے جو اہمیت کی حامل ہے ۔


پالو کا کہنا ہے کہ اپنے خوابوں کو پہچانیں اور ان کےلیے لڑیں، آپ کو پتا ہونا چاہیے کہ آپ کو زندگی سے کیا چاہئے اور اس کی کھوج لگائیں ۔کچھ بھی آپ کے خوابوں کو حقیقت بننے سے نہیں روک سکتا سوائے ناکامی کے ڈر کے ۔




                                                                                      نہ تو آئے گا نہ چین آئے گا
                                                                                  دل بس یونہی شور مچائے گا

                                                          نہ راستہ تھمے گا نہ میں روکوں گا
                                                         منزل کی جانب یونہی چلتا رہوں گا

                                                کبھی دل خوف سے ڈر جائے گا
                                                 کبھی امید کے دلاسے دلائے گا

                           منزل کی جستجو میں بس گھمائے گا
                                 دل یونہی تم کو ہر دم ستائے گا

                 پر گر کوشش تم نہ چھوڑوں گے
                 اور مشکلوں سے تم نہ ہارو گے

تو خدا بھی مہربان تم پہ ہو گا
اور منزل تجھ سے ملا دے گا

                                                         راستے مشکل چاہے کتنے ہوں گے
                                                           حوصلے تمہارے نگہبان ہوں گے


                                                   @@منزل تمہاری ہے@@


                                                                                                              اگر تم دل گرفتہ ہو
                                                                                                    کہ تم کو ہار جانا ہے
                                                                                        تو پھر تم ہار جاؤ گے
                                                                               اگر خاطر شکستہ ہو
                                                               کہ تم کچھ کر نہیں سکتے
                                                                        یقیناً کر نہ پاؤ گے

                                                                    یقیں سے عاری ہو کر
                                                            منزلوں کی سمت چلنے سے
                                                                   کبھی منزل نہیں ملتی
                                                       کبھی کنکر کے جتنے حوصلے والوں
                                                                 سے بھاری سل نہیں ہلتی
                                                                                               زمانے میں ہمیشہ کامیابی
                                                                                                   اُن کے حصے میں ہی آتی ہے
                                                                                                    جو اول دن سے اپنے ساتھ
                                                                                                      اک عزمِ مصمّم لے کے چلتے ہیں
                                                         کہ جن کے دل میں عزم و حوصلہ اک ساتھ پلتے ہیں

                                                                   اگر تم چاہتے ہو کامیاب و کامراں ہونا
                                                        تو بس رختِ سفر میں
تم یقین و عزم کی مشعل جلا رکھنا
                                                        سفر دشوار تر ہو
                                              تب بھی ہمت، حوصلہ رکھنا

                                                                       سفر آغاز جب کرنا
                                                                       تو بس اتنا سمجھ لینا

                                                      جہاں میں کامیابی کی یقیں والوں سے یاری ہے

                                                                                                اگر تم بھی یقیں رکھو
                                                                                                       تو پھر منزل تمھاری


ھدایت اتنی سستی نہیں ہوتی کہ ہر کوئی فیض یاب ہوجائے بات ایک بار سمجھائ جاتی ہے سمجھنے والے ایک ہی دفعہ میں سمجھ لیتے ہیں اور جن کو نہ سمجھنا ہو ان کیلئے صدیاں ناکافی ہوتی ہیں۔۔۔۔

دنیا میں جن لوگوں نے کامیابی کی زندگی گزاری ان کے حالات پڑھیں تو معلوم ہوتا ہے کہ وہ اپنے کام سے عشق کرتے تھے دن رات محنت کوشش جدوجہد کرتے تھے پاگل ہو جاتے تھے اور پھر انہیں اس کا صلہ ملتا تھا صدیوں کی نسلیں سرخرو ہو جاتی ہیں ہر انسان کو اپنے حصے کا کام کرنا چاہیے اپنے شعبے میں امانت و دیانت داری سے، لگن سے کام کرنا چاہیے اور نتیجہ ہمیشہ اللہ پہ چھوڑو، وہ تمہیں تمہاری محنت کا صلہ دیگا وہ کسی کی بھی محنت کو ضائع نہیں کرتا۔ 

اگر زندگی میں کچھ پانا چاہتے ہیں، کچھ بننا چاہتے ہیں کچھ حاصل کرنا چاہتے ہیں، مشکلات، پریشانیوں، بیماریوں سے چھٹکارا پانے کی خواہش ہے، مرادوں کا حصول چاہتے ہیں تو نور لیکر ساتھ چلیں، اللہ کا نور، عبادت کا نور، روحانیت کا نور، ذکر و درود کا نور۔  کوئی بھی مقصد ہو کوئ بھی منزل ہو انسان کی لگن جستجو عشق کام کرتا ہے اپنے کام سے عشق نشہ پیدا کرتا ہے اور یہ نشہ انسان کو تھکنے نہیں دیتا اس کے قدم نہیں ڈگمگاتے۔  ہمارا دھیان، توجہ لگن، جدوجہد استقامت کنسنٹریشن ہمیں مقاصد میں کامیابی دلواتی ہے۔ جتنا بڑا مقصد اتنی بڑی کوشش اتنی زیادہ محنت اور اتنی ہی بڑی کامیابی۔۔۔ اور کامیابی کا نشہ ہی کچھ اور ہوتا ہے۔ ۔۔ منزل دینے والی ذات اللہ تعالیٰ کی ہے ہدایت اسی سے مانگو۔ 
یہ دنیا اسباب کی دنیا ہے اور وہ اللہ وہ مسبب الاسباب ہے اسباب وہ پیدا کردے گا پہلا قدم آپ اٹھالو۔  یقین رکھو کیونکہ یقین بند تالوں کی چابی ہے یقین کامیابی کی چابی ہے اس چابی کو کھونے مت دینا اللہ کی رحمت سے مایوس نہ ہونا کیونکہ کہ اس کی رحمت سے تو بس کافر ہی مایوس ہوتے ہیں۔ امید کا دامن ہاتھ سے نہیں جانے دینا کچھ نہ ہو پھر بھی اس بات کا یقین کامل رہے کہ خدا میرے ساتھ ہے اور یہ یقین بہت خوبصورت ہے۔   شکوہ نہ کریں شکوہ کرنے سے برکت ختم ہو جاتی ہے ہر حال میں اپنے پروردگار کا شکر ادا کرو یہ شکر تمہارے لئے راستے کھول۔ دیگا۔ آزما کے دیکھ لیں۔ گارنٹی ہے اور گارنٹی بھی سارے جہانوں کا پروردگار دے رہا ہے کہ شکر کرنے والوں کو میں نواز دونگا۔ اللہ کی بات میں تو کوئی شک نہیں ہے۔ پھر اسی سے لو لگالو اسی کے بھروسے پہ اپنا ہر کام شروع کرو اور وہ ذات پاک دھوکہ نہیں دیتی اللہ سے جڑ جاؤ اسی میں کامیابی ہے۔ 




سورہ توبہ کی آخری دو آیات کا ورد ہمیشہ کرو یہ آیات آپ کو مشکلات مصائب الجھنوں پریشانیوں سے نجات دلائے گی۔
 اپنے دن کا آغاز ان آیات سے کیجئے دن میں وقفے وقفے سے پڑھتے رہیں اور کمال دیکھیں ہم نے قرآن پاک کو چھوڑ دیا نتیجہ یہ ہوا کہ ہمیں مصائب الجھنوں پریشانیوں نے گھیر لیا اسی راستے پہ واپس آؤ جو راستہ ہم نے چھوڑا ہے اسی راستے میں ہمارے لئے سعادت ہے کامیابی ہے وہی راستہ نجات اور بخششِ کا راستہ ہے۔

 اپنی زندگی میں توازن رکھیں اپنے اوقات کار کو ضائع نہ کریں بے مقصد زندگی نہ گزاریں زندگی کا ہر لمحہ قیمتی ہے ان لمحات کو خوبصورت بنائیں اپنے کام سے ۔ کام وہ کریں جس سے مخلوق خدا فیضیاب ہو۔ جو بھی آپ کا شعبہ ہے اس میں پوری دیانت داری سے کام کریں اگر اللہ نے آپ کو کسی کام کے لئے چنا ہے تو یہ آپکی خوش قسمتی ہے پوری تندہی سے آپ نے اپنا کام کرنا ہے کارخانہ قدرت میں انسان کو بیکار پیدا نہیں کیا گیا اللہ تعالیٰ خود فرماتا ہے۔۔۔۔ 
تم کیا سمجھے کہ ہم نے انسان کو بیکار پیدا کیا ہے۔۔۔۔۔  اللہ آپ سے آپکی زندگی کا حساب لیگا ایسے کام کرو کہ کہہ سکو مولا زندگی اس کام میں لگا کے آیا ہوں۔۔۔۔۔۔۔ کھانا پینا عیش موج و مستی زندگی نہیں ہے ۔ ۔ زندگی اللہ کا دیا ہوا تحفہ ہے اسے اسی کی راہوں میں لگا دو۔



کامیابی حاصل کرنے کے لئے قیمت چکانی پڑتی ہے، قربانیاں دینا پڑتی ہیں لیکن اس کا صلہ بہت سکون بخش ہوتا ہے چند سیکنڈ کی پرفارمینس کے لئے سالوں ریاضتیں کرنی پڑتی ہیں کامیابی پلیٹ میں سجا کر کبھی نہیں ملتی جب انسان اپنے پروردگار کی رضا و خوشنودی کے لئے کام کرتا ہے نا تو رکاوٹیں، محرومیاں، مشکلات، تکلیفیں ایسے انسان کا کچھ نہیں بگاڑ سکتیں، 

انسانیت کے جزبے سے کام کرنے والا انسان کبھی ناکام نہیں ہوتا، جب انسان کام کو عبادت سمجھ کر کرتا ہے تو اس میں رنگ بھرتے ہیں وہ ہر قدم خوشی سے اٹھاتا ہے اس کے ہر کام میں محبت اور محنت جھلکتی ہے یہ محنت اور محبت اسے ہر کام میں کامیاب بنادیتی ہے۔ ۔۔۔۔۔۔

 اللہ تعالیٰ فرماتا ہے۔" اور تمہیں وہی ملیگا جس کی تم نے کوشش کی ہے" 


 جب اپ اس کی رضا کے لئے اس کی راہ میں نکلتے ہیں تو وہ آپ کو سبھی رنج و الم سے دور لیجاتا ہے آپ کے راستے آسان بنادیتا ہے۔۔۔۔  اگر آپ اللہ کی بارگاہ میں اپنا مقام دیکھنا چاہتے ہیں تو یہ دیکھیں کہ اس نے آپ کو کس کام میں لگا رکھا ہے۔  جب آپ اسکا کام کرتے ہیں تو وہ آپ کے راستے کی رکاوٹیں دور کرتا ہے، الجھنوں کو سلجھا دیتا ہے، دشمنوں حاسدوں سے اپکو اپنی پناہ میں رکھتا ہے۔  آپ کا کام صرف اپنی بہترین کوشش کرنا ہے اپنے کام پر توجہ مرکوز رکھیں سچی اور کھری جستجو کے ساتھ، نتائج اللہ پہ چھوڑ دیں، ، اپنی آرزوؤں، خوابوں اور امیدوں کا مرکز و محور اللہ کو بنالیں اسی سے مانگیں اپنا تعلق اسی سے جوڑیں اس کی بارگاہ میں بھکاری بن کر کھڑے ہو جائیں اس سے کہیں کہ وہ آپ کا ہاتھ تھام لے اور اگر اس نے آپ کا ہاتھ تھام لیا تو وہ آپ کو آپ کی سوچ سے بھی زیادہ اونچی بلندی پر پہنچا دیگا جہاں آپ کا گمان بھی نہیں ہوگا۔۔۔۔۔۔

                                           فرشتے سے بڑھ کر ہے انسان بننا 

                                           مگر اس میں لگتی ہے محنت زیادہ

                                                                                                  اختتام۔
Join us
Facebook.com/Articlesbyshumaila
Emai:  mazharshumaila755@gmail.com
*********************************************************

کامیابی کی شاہراہ۔۔۔ باب دہم

                                                                              غلطیوں سے سیکھیں


زندگی میں ناکامیوں کو استاد کہا جاتا ہے، یہ تلخ اور دررناک لمحات مستقبل کی کامیابیوں میں مددگار ثابت ہوسکتے ہیں اگر آپ اپنی کمزوریوں کو ختم کرکے نئے جذبے کے ساتھ میدان میں اتریں۔ اس کا سب سے بڑا فائدہ یہ ہوسکتا ہے کہ آپ ایک ہی طرح کی وجوہات سے بار بار ناکام نہیں ہوں گے۔
جلدی اور روزانہ اٹھنا عادت بنالیں۔۔۔۔

                                                                ناکامیاں، کامیابی کا زینہ ہیں 



اکثر افراد ناکامیوں سے ڈر جاتے ہیں، پیچھے ہٹ جاتے ہیں یا راستہ بدل لیتے ہیں۔ یاد رکھیں، ناکامیاں، کامیابیوں کی     بنیاد ہیں۔ اِن سے سیکھیں، معاملات و عادات کو صحیح کیجئے اور آگے بڑھیں۔


                                                           صدا ایک ہی رخ نہیں ناؤ چلتی 


                                                             چلو تم ادھر کو ہوا ہو جدھر کی 


بانی پاکستان حضرت قائداعظمؒ بھی فرمایا کرتے تھے کہ ’’ناکامی ایک ایسا لفظ ہے جس سے میں واقف نہیں‘‘ ۔ انہوں نے جو چاہا وہ حاصل کیا۔ایسے ہی ہزار ہا افراد نے اپنی محنت سے اپنی زندگیاں بدل ڈالیں۔


                                                                             جہدِ مسلسل، کامیابی



کامیابی پر خوش ہونا اچھی بات ہے بلکہ خوشی ہی کامیابی ہے، مگر کامیابی کو حتمی سمجھنا غفلت اور بے وقوفی ہے۔ زندگی جہدِ مسلسل ہے، یہ نام ہے کامیابیوں اور ناکامیوں کے سلسلے کا اور اِس اصول کو فراموش مت کیجئے۔


                                             ہے جستجو کہ خوب سے ہے خوب تر کہاں 


                                               اب ٹھہرتی ہے دیکھیے جا کر نظر کہاں 


سوچنا اچھی بات ہے۔ سوچ سمجھ کر فیصلہ کرنا بہت اچھی بات مگر بہت زیادہ سوچنا فیصلوں کو کمزور کردیتا ہے۔ وقت ضائع کرنے سے بہترہے، کر گزرو۔ نتیجے میں جیت جاؤ گے یا سیکھ جاؤ گے۔

                   معاشرے میں محنت اور جدوجہد کے بغیر کامیابی ممکن نہیں


                                                                             ماہر      اقتصادیات ایمان أبو تمیم کا مشہور قول ہے
کسی تاجر کے لیے سب سے بڑا چیلنج یہ ہے کہ وہ اپنے آپ کے ساتھ سچا ہو جائے، جو نہ کر سکتا ہو اس کا دعوی نہ کرے، اگر غلطی ہو جائے تو برضا و رغبت قبول کرے۔ یاد رکھیے! غلطی کا اقرار کر لینا علاج کی پہلی سیڑھی ہوتی ہے۔ آئیے! اپنی غلطیوں کا اعتراف کرنا سکھیں اور ترقی کی نئی راہوں پر گامزن ہو جائیں۔


                                                                        کمی کوتاہیوں کا اعتراف 



 اس دنیا میں کوئی انسان بھی کامل نہیں ہے۔ آپ جتنی بھی منصوبہ بندی کر لیں کچھ نہ کچھ کمی رہ جاتی ہے۔ کوئی چھوٹا سا مسئلہ تب اسکینڈل کی شکل اختیار کر لیتا ہے جب ذمہ دار اپنی غلطیوں کا اعتراف نہیں کرتے تو یہی چیز بعد میں کئی مسائل جنم دینے کا سبب بھی بنتی ہے۔ جو لوگ اپنے کاموں پر خود احتسابی کی نظر ڈالتے رہتے ہیں وہ ہمیشہ بہتر سے بہتر تر کی جانب گامزن ہوتے رہتے ہیں ۔۔۔


                                                                                  غلطیوں کا تدارک 



 جب آپ کو اپنے کاروبار میں ہونے والی کمی کوتاہیوں کا اعتراف ہو چکا۔ اب وقت ہے ان کا تدارک کا۔ آپ اپنے فیصلوں سے ضرور جان چکے ہوں گے کہ نقصان کہاں کہاں سے ہو رہا ہے۔ اپنے فیصلوں میں بتدریج تبدیلی لائیے۔ اپنی غلطی کو کبھی انانیت کا مسئلہ نہ بننے دیجیے۔ ہمارے لیے مشکل اسی وقت ناسور کی شکل اختیار کر لیتی ہے جب ہم اس کو اپنی عزت اور ذلت کا مسئلہ سمجھنے لگتے ہیں۔ اپنی غلطیوں کا اعتراف خندہ پیشانی سے کریں، اس سے نہ صرف آپ کا وقار بلند ہو گا بلکہ آپ کے ملازمین اور عملہ میں بھی حوصلہ پیدا ہو گا۔

اس دنیا میں جو اپنی غلطیوں سے سبق سیکھ گیا، وہ ہمیشہ کے لیے ترقی کی راہوں پر چل پڑا۔ بدلتی دنیا میں ہر انسان روزانہ کچھ نہ کچھ نیا ضرور سیکھتا ہے، اسی قدر غلطیوں کے امکان بھی بڑھ جاتے ہیں۔ ہمارے غلطیاں بھی ہمارے لیے مفید ثابت ہو سکتی ہیں، جب ہم ان سے سبق سیکھنا شروع کر دیں۔ سو، نئے عزم کے ساتھ آگے بڑھیے، جو کچھ ہو چکا اسے یکسر بھلا کر اپنی منزل کو پا لیجیے۔
  ماضی میں کی ہوئی غلطیوں کو دہرانے کی بجائے ان سے سبق سیکھنا چاہئے،،، غلطیاں انسان کو بہت بڑا سبق سکھاتی ہیں غلطیوں کو دہرانا نہیں چاہئے بلکہ ان سے سبق سیکھ کر زندگی میں آگے بڑھنا چاہئے۔


ہر شخص کی زندگی میں ناکامیاں آتی ہیں۔ کبھی اپنی مرضی کا کام نہیں ملتا تو کبھی سخت محنت کے باوجود اس کا مناسب صلہ نہیں ملتا۔ لیکن کامیابی کا خواب دیکھنے والے لوگ ناکامیوں کے آگے ہتھیا ر نہیں ڈالتے وہ مایوسیوں کے بیچ سے امکانات کے پہلو تلاشنے کے بعد نئی توانائی کے ساتھ سفر جاری رکھتے ہیں۔

ان کی مسلسل محنت اور مستقل مزاجی بالآخر انہیں منزل سے ہمکنار کر دیتی ہے۔ ہمارے ارد گرد ایسی کئی کہانیاں بکھری پڑی ہیں جو ہمت ،حوصلے اور جہدمسلسل سے عبارت ہیں۔ یہاں دنیا کے کچھ مشہور اور کامیاب لوگوں کی زندگی کے نشیب وفراز کی ایک جھلک پیش کی جارہی ہے، جنہوں نے ناکامیوں کو اپنا تعارف نہیں بننے دیا۔انہوں نے سخت محنت کو اپنا وطیرہ بنایا اور آج دنیا ان کا نام احترام اور محبت سے لیتی ہے۔


                                                            ایک  معذور ایتھلیٹ  کیسےبنتا ہے



یہ ایک ایسے بچے کی کہانی ہے جو اسکول میں آتشزدگی کا شکار ہو گیا تھا۔اس کی حالت دیکھ کر کہا جاتا تھا کہ یہ نہیں بچ سکے گا۔اس کی ماں کو ڈاکٹر کی طرف سے کوراجواب دے دیا گیا تھا۔اسکول میں اچانک بھڑک اٹھنے  والی آگ سے اس کا زیریں دھڑ مکمل طور پر جھلس چکا تھا۔
 ڈاکٹرنے مہین سی امید دلاتے ہوئے کہہ دیا تھا اگر یہ بچ بھی گیا تو ساری عمر کے لیے معذور ہو جائے گا۔

لیکن بہادر لڑکا مرنا چاہتا تھا ، نہ ہی معذوری کی زندگی جینا چاہتا تھا۔اس کے جذبات میں توانائی اور تموج تھا اور اس کے جسم کا نچلا حصہ ہلنے سے قطعی قاصر تھا ۔ اس کی پتلی اور بے جان ٹانگیں اس کے اوپری دھڑ کے ساتھ لٹکتی دکھائی دیتی تھیں۔اسی حالت میں وہ ہسپتال سے فارغ کر دیا گیا اور گھر پر وہ ایک وہیل چیئر تک محدود ہو کر رہ گیا لیکن اس کے دل میں اپنے پاؤں پر چلنے کی شدید خواہش تھی۔

ایک دن تنگ آکر اس نے خودکو وہیل چیئر سے نیچے گرا دیا اور ہاتھوں کی مدد سے گھاس پر گھسٹنے لگا اور اس کی بے جان ٹانگیں اس کے ساتھ ساتھ گھسٹ رہی تھیں۔ کافی کوشش کے بعد وہ ایک جنگلے تک پہنچ گیا اور ہاتھوں سے جنگلا پکڑ کر آگے بڑھنے لگا۔ وہ چل نہیں رہا تھا بلکہ گھسٹ رہا تھا۔

پھر اس نے اپنی اس عادت کو معمول بنا لیا۔ اسے کامل یقین تھا کہ ایک دن وہ بغیر کسی سہارے کے اپنے پاؤں پر چلنے کے قابل ہو جائے گا۔ اپنے آہنی عزم اور پوری توجہ کے نتیجے میں اس نے خود کو کھڑا ہونے کے قابل بنا لیا اور پھرآہستہ آہستہ لنگڑانے لگا۔ایک دن وہ بھی آیا کہ وہ اپنے پاؤں پر نا صرف یہ کہ چل رہا تھا بلکہ دوڑبھی سکتا تھا۔

پہلے اس نے چل کر اسکول جانا شروع کیا اور پھر بھاگ کر جانے لگا۔ عزم کی توانائی اس کا ساتھ دیتی رہی اور اس نے بالآخر اسکول میں ایک ٹریک ٹیم بنا لی۔

پھر 1934ء میں نیویارک شہر کے مشہور میڈسن اسکوائر گارڈن میں لوگوں نے اس شخص کو دنیا کی تیز ترین دوڑ جیتتے دیکھا، جس کے بچنے کی امید بھی نہیں تھی۔ جی ہاں یہ بہادر شخص ڈاکٹر کنگھم کے نام سے جانا جاتا ہے ۔گلین کنگھم کی کہانی مثبت سوچ اور آہنی عزم کی ایک زندہ مثال ہے جو مایوسیوں کے اندھیروں میں ٹامک ٹوئیاں مارنے والے انسانوں کو نئی توانائی فراہم کرتی ہے۔

آئن سٹائن آج کی سائنسی دنیا کاپوپ مانا جاتا ہے، اس کی ہسٹری میں لکھا ہے کہ اپنے بچپن میں جب وہ سکول جاتا تھا تو بس کنڈیکٹر سے پیسے کا لین دین کرتا تو وہ اس سے روزانہ جھگڑا کرتا کہ تم نے مجھے پورے پیسے واپس نہیں کیے لیکن آئن سٹائن جب دوبارہ گنتی کرتا تو ٹھیک ہوتے۔جب کئی دفعہ ایسا ہوا تو بس کنڈیکٹر نے کہا کہ تم کیا پڑھنے جاتے ہو تمہیں تو گنتی اچھی طرح نہیں آتی۔یہ بات اس کے دل میں گھر کر گئی اور اس نے عہد کر لیا کہ وہ حساب میں محنت کرے گا۔چنانچہ اس نے اتنی محنت کی کہ اس نے Theory of Relativity کا نظریہ پیش کیا جو آج کی دنیا کا بڑا سائنسی نظریہ مانا جاتا ہے۔


                                                                ** جو گزر گیا سو گزر گیا ** 



                                                                                                                      جو گزر گیا سو گزر گیا۔ 
                                                                                                               نہ تو ماضی کا غم کرنا چاہئیے 
                                                                                           اور نہ ہی مستقبل کا اندیشہ دل میں رکھنا چاہیے۔ 
                                                                              اپنی پوری صلاحیت کو آج کے لئے اپنے کام پر وقف کر دیں۔ 
                                        کل زندگی رہی تو ایک نیا دن ہوگا، ایک نئی لگن ہوگی۔ ایک نئی سوچ ایک نیا جذبہ ہوگا۔
                                                                                                                                       آج میں جینا سیکھو۔
                                                                                                   یہ سوچو کہ میرے پاس صرف آج کا دن ہے
                                                                                                             اور
                                                                                                        اپنے آج کے لئے جو کر سکتے ہو کر گزرو۔
                                                                                                             کل کے بارے میں کوئی بات طے نہیں۔
                                                                                                                            کل کسی کو نظر نہیں آتا۔
                                                                                                           اور نہ ہی کل کے بارے میں کوئی
                                                                                                پیشنگوئی کی جا سکتی ہے۔
                                                                             کیونکہ سانسوں کی ڈور پہ کسی کی اجارہ داری نہیں ہے            جسے اگلے پل، اگلی سانس کی خبر نہ ہو
                                                         پھر کل کی فکر کیوں کریں۔
                                                                                         کسی کو نہیں معلوم اگلی سانس 
                                                                       اس کی ہے بھی یا نہیں۔

                                                                                               لہذا اگر آپ چاہتے ہیں کہ
                                                                           فکر اور پریشانی آپ کے قریب نہ آئے تو
                                                    آپ ماضی اور مستقبل کو دروازے سے
                                                باہر نکال دیں  ۔
                  اور آج کی دنیا میں کھل کے جئیں۔
                                                                         ںخطروں کے کھلاڑی بنیں۔ خطروں سے کھیلنا آنا چاہیے۔
                                                  اپنے آج کے چوبیس گھنٹوں میں زیادہ سے زیادہ فائدہ اٹھائیں۔
                                  اپنے آج کے چوبیس گھنٹوں کو زیادہ سے زیادہ مفید اور کار آمد بنائیں۔
                                       زیادہ سے زیادہ مسرتیں اور کامیابیاں حاصل کرنے کی کوشش کریں۔
                                               بس سمجھیں کہ آپ کے پاس صرف آج کا دن ہے اور آج ہی سب کچھ کرنا ہے۔


***********************************************************************************

کامیابی کی شاہراہ۔۔ باب نہم


                                                                            

                                                          پر اعتماد رہیں

خود اعتمادی خود یقینی کا دوسرا نام ہے۔ یہ خوبی انسان کے بہترین اوصاف میں شمار ہوتی ہے۔ جس آدمی میں خود اعتمادی کی صفت ہو وہ بہترین انسان سمجھا جاتا ہے۔ خود اعتمادی والا انسان دنیا میں بہت آگے جا سکتا ہے۔

                                                                            خود اعتمادی کا مطلب ہے اپنی ذات پر آپ بھروسہ کرنا۔ 
ایسا انسان زندگی کے ہر مرحلے میں کامیاب اور کامران ہوتا ہے۔ دنیا کی کوئی تکلیف اور مصیبت اس کو متزلزل نہیں کر سکتی۔ خوداعتماد انسان دشمن کو زیر کر سکتا ہے۔وہ اپنی صفت سے دشمنوں کی صفوں کو اس طرح چیرتا ہوا نکل جاتا ہے جس طرح ایک تیز رفتار جہاز بادلوں کو چیرتا ہوا نکل جاتا ہے۔ دراصل خود اعتمادی انسان کی ہمت اور استقلال کا نام ہے۔

خود اعتمادی سے دنیا کے عظیم اور اھم کار سرانجام پائے جاتے ہیں۔ جو لوگ دنیا میں بڑے ہوئے ہیں انہیں اپنے نفس پر پورا بھروسہ تھا یہی سبب ہے کہ دنیا کی کوئی مشکل اور کھٹائی ان کے پائے استقلال میں جنبش نہ لاسکی۔ خوداعتمادی والے انسانون نے دنیا میں نہ صرف اپنا نام روشن کیا ہے بلکہ بسا اوقات اپنی قوم کو بام عروج پر پہنچایا ہے۔مولانا شبلی، مولانا حالی، مرزا غالب، علامہ اقبال، محمد علی جناح گاندھی جی وغیرہ ایسے افراد گزرے ہیں جنہوں نے اپنی خود اعتمادی اور ہمت سے پوری دنیا کے لوگوں کا دل جیت لیا۔۔۔۔۔۔ 
ان لوگوں نے ہمت اور حوصلے سے کام لے کر اپنا مشن جاری رکھا انگریزوں کی حکومت نے ان کو ڈرایا اور دھمکایا لیکن یہ سب بزرگ خوداعتمادی کے جذبے کے بل بوتے پر آگے بڑھے اور قوم کو سیدھا راستہ دکھایا۔

خود اتمادی والے انسان کو اپنے کام کی درستی پر مکمل بھروسہ ہوتا ہے۔مخالف حالات سے اس کے ارادوں اور استقلال میں ذرہ بھر فرق نہیں آتا۔وہ ایک چٹان کی طرح اپنے مقصد کے لئے ڈٹ جاتا ہے نتیجہ یہ ہوتا ہے کہ بہت       جلد کامیابی اس کے قدم چومتی ہے۔

خود اعتمادی انسان کو اپنی ذات پر بھروسہ کرنے کا حوصلہ عطا کرتی ہے۔ وہ اپنی تقدیر آپ بناتا ہے۔ وہ اپنی زندگی کی جنگ لڑنے کے لیے کسی پر بھروسہ نہیں کرتا۔ تاریخ شاہد ہے کہ خود اعتمادی والے انسانوں نے اپنی قسمت آپ بنائی ہے۔ صلاح الدین ایوبی، بابر اور کتنوں کے نام لیے جائیں، خود اعتمادی والے لوگوں کی ایک پوری کہکشاں ہے جنہوں نے اپنی خود اعتمادی سے دنیا کو درس دیا ہے۔

علامہ اقبال کی خودی کا نظریہ دراصل اپنے پر اعتماد نہ کرنے والا تقدیر کے ہاتھوں میں بس ہوتا ہے۔مگر خود یقینی رکھنے والا انسان اپنی تقدیر کا خالق خود ہوتا ہے۔ بے اعتماد انسان کے نزدیک انسان کچھ بھی نہیں۔ وہ تقدیر کے ہاتھوں بے دست و پا ہے لیکن خود دار اور خود اعتمادی والے سب کچھ ہوتے ہیں۔ خود اعتمادی کی بدولت دنیا میں بڑے بڑے اور نئے نئے انکشافات اور ایجادات ہوتی ہیں، جیسے ہوائی جہاز، ریڈیو، ٹیلی فون، ٹیلی ویژن، کمپیوٹر وغیرہ۔ اور ستاروں پر کمند لگانے والے بھی خود اعتمادی کے جذبے سے سرشار لوگ ہی ہوتے ہیں اور چاند پر بھی وہی جا سکتے ہیں۔

خوداعتماد والے شیشے کی طرح رجائیت پسند ہوتے ہیں۔ وہ مخالف حالات میں بھی اپنے مقصد کی کامیابی سے ناامید نہیں ہوتے۔ گزرے ہوئے زمانے میں ہمیں اس کی بہترین مثال دوسری بڑی لڑائی کے دوران ملتی ہے کہ کس طرح اتحادیوں نے ہٹلر کو اپنی خوداعتمادی کے جذبے سے کام لے کر شکست فاش دی۔

خود اعتمادی کسی قوم کا کردار بناتی ہے اس کے برعکس بےیقین قوم کا کردار کچھ بھی نہیں ہوتا۔ خود اعتمادی دیگر انسانوں کی طرح طالب علموں کے لئے بھی نہایت ضروری ہے۔ عام طور پر دیکھنے میں آیا ہے کہ بہت سے ذہین طلبہ وطالبات اپنے امتحانات میں اس لیے ناکام ہوتے ہیں کہ ان میں خود یقینی نہ تھی، وہ اپنے ہر ایک سبق کو شک کی نظروں سے دیکھتے تھے۔ یہی وجہ ہوتی کہ وہ امتحان کے موقع پر ناکام رہے۔
 اس کے برعکس بہت سے کند ذہن طلبہ خود یقینی کی وجہ سے نہایت اعلی نمبرات پر کامیاب ہوتے ہیں۔ خود یقینی اور خود اعتمادی کی وجہ سے انسان اپنی جماعت کی قلت کی مطلق پرواہ نہیں کرتا۔

خود اعتمادی عزت نفس کا قائل ہوتا ہے۔ وہ ناداری کی حالت میں بھی کسی کے سامنے دست سوال دراز نہیں کرتا۔ ہمت حوصلے اور استقلال سے کام لے کر پتھر سے لعل اور مٹی سے سونا نکالتا ہے۔ 
                             بہت سے بے بس انسانوں کی خود  اعتمادی نے دنیا کو بلند مراتب پر پہنچا دیا۔ 


انسان کی فطرت میں خواہشات وسیع تر ہیں مگر کوششیں کم ترین حالانکہ قرآن ہمیں جب یہ کہتا ہے کہ اﷲ کا    فضل تلاش کرو تو دراصل یہ کمفرٹ زون سے نکلنے کا ایک پیغام ہے۔ 
اﷲ نے تو زمین و آسمان کو انسان کے سامنے مسخر کر دیا مگر ہم یہ تسخیر نہیں چاہتے۔ تسخیر بغیر کوشش کے تو نہیں ہو سکتی اور کوشش کے لئے کمفرٹ زون یعنی آرام دہ بستر سے باہر آنا پڑے گا۔ کل کے کمفرٹ زون کے لئے آج کا کمفرٹ زون قربان کرنا پڑے گا۔ ہمارے لئے بہترین مثال ہمارے پیارے نبی صلی اﷲ علیہ وآلہ وسلم کی ہے انہیں اپنے مشن کی تبلیغ کے لئے بے شمار مسائل کا سامنا کرنا پڑا مگر وہ کبھی کمفرٹ زون میں نہیں رہے۔ آپ صلی اﷲ علیہ             وآلہ وسلم کی ذات ہر انسان کے لئے بہترین نمونہ ہے۔

رسک نہ لینا اپنے خوابوں اور صلاحیتوں کا قتل ہے۔ بغیرخواب دیکھے بغیر منصوبہ بندی اور بغیر کام کئے ناکامی کا خوف ہماری زندگیوں کا حصہ بن چکا ہے۔

۔ بڑے خواب دیکھنے والے ہی رسک لیتے ہیں اور وہ بہترین منصوبہ ساز بھی ہوتے ہیں
رسک وہ لوگ لیتے ہیں جو اﷲ تعالیٰ سے ہمیشہ خوش گمان ہوتے ہیں کیونکہ اﷲ کا فرمان ہے کہ ’’میں تمہیں تمہارے گمان کے مطابق دیتا ہوں‘‘ رسک لینے والے بے حد پراعتماداور مثبت سوچ کے مالک ہوتے ہیں آگے بڑھنے کے لئے خطروں کے کھلاڑی بننا پڑے گا۔

علامہ اقبال نے نوجوانوں کو خودی کا پیغام دیا اور فرمایا کہ نوجوان خود شناسی سے خدا شناسی کا سفر طے کریں، اپنے اندر خود اعتمادی پیدا کریں اور بڑے قومی مقاصد کے لیے اپنے آپ کو دوسروں پر غالب کرنے کی کوشش کریں اور اپنے سماج سے ہر قسم کی برائی کو ختم کرکے ایک مثالی معاشرہ قائم کرنے کی کوشش کریں جس میں امن سلامتی برداشت رواداری اور اخوت‘ سخاوت اور محبت جیسی خوبیاں موجود ہوں۔ علامہ اقبال چاہتے تھے کہ نوجوانوں کے خیالات بلند ہوں، 



                                                                      ، علامہ اقبال نے فرمایا




                                           محبت مجھے ان جوانوں سے ہے


                                              ستاروں پہ جو ڈالتے ہیں کمند



                                    اس قوم کو شمشیر کی حاجت نہیں رہتی


                                 ہو جس کے جوانوں کی خودی صورت فولاد

********************************************************

کامیابی کی شاہراہ۔۔۔۔ باب ہشتم

                                                                                      کامیابی کیا ہے؟

                                                                                                  حقیقت میں کامیابی صرف دو چیزوں کا نام ہے
                                                                                                                              اندرونی سکون کا احساس 
                                                                                                                      اور اپنی قدرو قیمت کا احساس۔  جس کو یہ دو احساسات نصیب ہوگئے وہ کامیاب ہوجاتا ہے۔                                                                      ۔
یہ دونوں احساسات اس وقت نصیب ہوتے ہیں جب انسان ترقی کی منازل طے کرنے کے لئے اس کے بنیادی لوازمات کو جان جاتا ہے اور اس پر عمل کرتے ہوئے آگے بڑھتا چلا جاتا ہے۔ کامیابی پانے کے لئے دل و دماغ کو استعمال کرنا شروع کیجئے۔ دل اس لئے کہ وہ سکوں پا سکے اور دماغ اس لئے کہ عقل لڑا سکے۔ آپ کو یہ سوچنا ہو گا کہ آخر مجھے کرنا کیا ہے؟ اصل کامیابی کی   ہے کیا؟؟                                                                                             ں

     کامیاب زندگی گزارنے کا راز پُر اعتمادی میں پوشیدہ ہے ۔


جیسے جیسے انسان کے دل میں اس کی زندگی کا مقصد واضح ہوتا ہے ویسے ویسے اُس کے اعتماد میں اضافہ ہوتا رہتا ہے، ہر انسان کسی نہ کسی نظریے کی تلاش میں رہتا ہے، جب اُس کا نظریہ اس کو مل جائے تو اس کے بعد پھر    اُس کے ذہن اور سوچ میں ٹھہراؤ آجاتا ہے، یوں اُس کی شخصیت میں ایک اعتماد آتا ہے۔

قدرت نے ہر انسان کو یکساں صلاحیتوں کے ساتھ پیدا کیا ہے لیکن وہ لوگ کامیاب کہلاتے ہیں جو اپنی صلاحیتیں        منزل کے حصول پر ہی  خرچ کرتے ہیں۔
 ایک شخص فوج میں بھرتی ہونے چلا گیا مگربدقسمتی سے وہ دیکھ نہیں سکتا تھا اس سے پوچھا گیا کہ نوجوان تم تو دیکھ نہیں سکتے‘ لوگ تمہیں اندھا کہیں گے۔ فوج میں کیا کرو گے؟ کہنے لگا‘ مجھے اندھا دھند فائرنگ کے لئے                            رکھ لیں‘‘۔


یاد رکھیں! زندگی اندھا دھند فائرنگ کا نام نہیں ہے اﷲ تعالیٰ نے ہماری پیدائش کا کوئی مقصد رکھا ہے اور ہمیں اچھا و برا دونوں راستے بتا دیئے ہیں ان میں سے اچھا راستہ اپنانے کی دعا (صراط الذین انعمت علیہم) کی صورت      میں سکھا دی اور اچھے‘ برے راستے کا نتیجہ بھی بتادیا۔ 
                                                اﷲ تعالیٰ نے اچھے اور برے فیصلے کی طاقت بھی انسان    کو عطا کر دی۔

بالغ ہونے کے بعد انسان نے یہ فیصلہ خود کرنا ہے کہ وہ کس سمت جائے گا۔ سب سے پہلے ایک بامقصد زندگی کا فیصلہ کریں۔ انسان کو اﷲ تعالیٰ نے اشرف المخلوقات بنایا‘ فرشتوں سے سجدہ کروایا۔ اشرف المخلوق ہوتے ہوئے انسان کا یہ فرض بنتا ہے کہ وہ کام بھی اشرف ہی کرے۔ ایک بات بڑی عام ہے کہ فلاں شخص تو جانوروں کی سی زندگی گزارتا ہے گویا کہ جانوروں کی زندگی بے مقصد ہے حالانکہ وہ بھی بامقصد تخلیق ہیں۔ اﷲ تعالیٰ نے انہیں بھی انسانوں کی خدمت کیلئے پیدا کیا۔ سورۃ انعام میں آیت کا مفہوم ہے کہ

’’وہی تو ہے جس نے ہر قسم کے مویشی پیدا کئے‘ ان میں سے ایسے ہیں جن سے سواری اور باربرداری کا کام لیا جاتا ہے اور ایسے بھی ہیں جو صرف کھانے اور بچھانے کے کام آتے ہیں‘‘

ایک اور بات ضرور یاد رکھیں! اگر ہماری زندگی کا کوئی مقصد نہیں یعنی ہم نے فیصلہ ہی نہیں کیا کہ کرنا کیا ہے تو ہماری زندگی جانورں سے بدتر ہے‘ برتر تو کسی صورت نہیں اپنی زندگی کی کتاب چند صفحوں تک محدود نہ کریں۔ زندگی صرف ڈاکٹر اور انجینئر بننا نہیں ہے اپنے آپ کو ٹٹولیں‘ اپنے آپ کو چھیڑیں‘ اپنے آپ کو جانیں‘ اپنے آپ سے پوچھیں کہ کرنا کیاہے تو بہت سے سوالات کے جوابات آپ کے قدموں میں ہوں گے جیسے اشتہارات میں لکھا ہوتا ہے ناسنگدل محبوب آپ کے قدموں میں‘ بالکل اسی طرح اپنے آپ کو ٹٹولنے‘ چھیڑنے‘ اپنے آ پکو جاننے اور سوال کرنے سے نئے مواقع سامنے آئیں گے‘ آپ کے صلاحیتوں کی ایک لمبی فہرست آپ کے سامنے آ جائے گی۔

آپ اپنے آپ کو جان پائیں گے کہ اﷲ تعالیٰ نے کتنا عظیم انسان آپ کے اندر چھپایا ہوا تھا۔ ڈاکٹر اور انجینئر بننے کے علاوہ بے شمار شعبہ جات ایسے ہیں جن میں آپ

سکون و اطمینان، مُسرت، اچھی صحت، اپنے خواب پورے ہوتے دیکھنا، پریشانی سے آزادی، اپنا مقصدِ زندگی پا لینا، اعلیٰ تعلیم، مالی اطمینان، اچھا خاندان، اپنی صلاحیتوں کا بہتر استعمال، ترقی پانا، سوشل ریلیشنز کا بہترین ہونا  وغیرہ۔


کامیابی کا حصول اور زندگی کی خوشیاں حاصل کرنا ہر انسان کی خواہش اور حق ہے، لیکن اِس پُرعزم سفر کیلئے مرحلہ وار کوششوں کا ایک سلسلہ ہے جسے طے کرکے ہی انسان کامیابی کی سند پاتا ہے، ایسے ہی چند بنیادی اصول اور نکات درج میں تحریر کئے جارہے ہیں جو مایوس اور دل برداشتہ انسانوں کیلئے تبدیلی کی بنیاد ثابت ہوسکتے ہیں۔

                                                                                                                                                                                    کامیابی نام ہے خوشی کا

خوش رہنا اور مسکرانا سیکھیے اور شکایات کرنا چھوڑدیں۔ سوچیں کہ آپ کیا چاہتے ہیں اور جو آپ سے پیار کرتے ہیں، وہ کیا چاہتے ہیں؟ اچھی طرح سوچیں اور فیصلہ کریں اور پھر محنت شروع کیجئے۔ کوئی کچھ بھی کہے، کچھ بھی سوچے، حالات کیسے ہی ہوں، محنت کرتے رہیں۔ وقت خود آپ کو کامیاب ثابت کردے گا۔

یقیناً اکثر حالات موافق نہیں ہوتے، نتائج اُمیدوں کے خلاف نکلتے ہیں مگر یہی صبر، برداشت اور مستقل مزاجی کی 
منزل ہے۔ محنت اِس منزل پر رکتی نہیں آگے بڑھتی ہے اور جو بڑھ گیا، وہ کامیاب ہوا۔



بعض لوگ یہ سوچ کر بھی محنت اور کوشش نہیں کرتے کہ وہ سکول، کالج اور حتیٰ کے یونیورسٹی کی زندگی میں 
بھی اساتذہ سے اپنے متعلق صرف یہی سُنتے آئے ہیں کہ
                                                                                                                                 ’’تم کچھ نہیں کر سکتے‘‘
                                                                                                                                             ’’تم نالائق ہو‘‘
                                                                                                                                     ’’تم کچھ نہیں جانتے‘‘
                                                                                                             اور ’’تم کبھی کامیاب نہیں ہوسکتے‘‘۔
کیا ایسے لوگوں کو یہ خوشخبری نہ سُنا دی جائے کہ اساتذہ کے ان جملوں کے باوجود آپ کامیاب ہو سکتے ہیں اور  ترقی پا سکتے ہیں اگر صرف کوشش کرنا شروع کر دیں ۔


انسانی جسم کو چھ سے آٹھ گھنٹے نیند کی ضرورت ہوتی ہے، اگر انسان جلد سونے اور جلد اٹھنے کی عادت اپنا لے تو وقت کا زیادہ بہتر استعمال کرسکتا ہے اور اس وقت جب دوسرے سو رہے ہوں انسان دن سے متعلق شیڈول بنا کر یا کسی مثبت سرگرمی میں حصہ لے کر اس وقت سے فائدہ اٹھاسکتا ہے۔

                                                                                  مثبت رویہ اپنائیں


اگر انسان ہر وقت خوف کا شکار رہے تو یہ کیفیت اس پر طاری ہوجاتی ہے اور پھر یہ خوف ہر راستے میں آکھڑا ہوتا ہے۔ یہ کامیابی کے حصول میں رکاوٹ بن سکتا ہے۔ ہمیشہ منفی کے بجائے مثبت رویہ اپنائیں۔
اپنے لیے روزانہ کی بنیاد پر ہدف مقرر کریں

روزانہ کی بنیاد پر اپنے لیے ٹاسک مقرر کریں اور سونے سے پہلے اپنی کارکردگی کا جائزہ لیں۔ اس سے ایک تو توجہ اپنے ہدف پر مسلسل مرکوز رکھنے میں مدد ملے گی دوسرا اس سے مسلسل رکاوٹ یا ناکامی کا تجزیہ کرنے میں بھی آسانی ہوگی۔
                                                                               اپنے ساتھ اور اردگرد کام کرنے والوں سے زیادہ محنت کریں
اپنی خواہش کے مطابق پروفیشن کا انتخاب کرکے اس میں کامیابی حاصل کرنا آسان کام نہیں ہے، ضروری ہے کہ فیصلہ کرلینے کے بعد پوری قوت اپنے مقاصد پر خرچ کریں اور خود کو غیرضروری سرگرمیوں سے بچائیں۔ اس کے علاوہ ساتھ کام کرنے والوں کو نہ خود پر سوار ہونے دیں اور نہ ہی خود ان پر غالب آنے کی کوشش کریں۔
اپنے ہدف واضح طورپرکاغذ پرلکھ لیں

زندگی میں کہاں پہنچنا ہے اور کیا کرنا ہے اگر آپ کی منزل واضح ہے تو اس بات کا زیادہ امکان ہے کہ آپ زیادہ توجہ سے اپنا کام کریں گے کیونکہ آپ کے سامنے ہدف موجود ہوگا۔ یہ کسی بھی مسئلے یا وجہ کے باعث توجہ ہٹنے پر واپس ادھر ہی مرکوز کرنے میں مددگار ثابت ہوسکتا ہے۔
مثبت سوچ رکھنے والے کامیاب لوگوں کے ساتھ وقت گزارایں

 ہارورڈ یونیورسٹی کی ایک ریسرچ نے ثابت کی ہے کہ کسی بھی انسان کے کامیاب ہونے اور خوش حالی پانے میں اس کی اعلیٰ ذہانت اور اعلیٰ تعلیم کا کردار صرف 15 فیصد ہے۔ مختلف ریسرچرز کے مطابق انسان کی کامیابی میں 80 فیصد کردار کامیابی کے اصول جان لینے، کوشش، محنت اور مسلسل محنت کا ہے۔
کامیابی حاصل کرنے کے لئے مشکلات سے گزرنا پڑتا ہے ایسا نہیں ہے کہ کامیابی بغیر کچھ کئے مل جائے۔ 

                                                                                                          کسی مفکر کاقول ہے 

’’جو لوگ کامیاب ہوتے ہیں ان کو ان لوگوں سے کم مشکلات کا سامنا نہیں ہوتا جو ناکام ہوتے ہیں۔ مشکلات سے آزاد لوگ صرف قبرستان میں ملتے ہیں‘‘۔


سو چھوٹی چھوٹی ناکامیوں سے پریشان ہونے کی بجائے اپنی کامیابی کی شکل وصورت جاننے کی کوشش کیجیے۔ خود آپ کس معرکے کو کامیابی کہتے ہیں، کس کام میں آگے بڑھ جانا یا کس مقصد کو پالینا آپ کے لیے کامیابی ہے۔ایسا کیجیے کہ ہاتھ میں کاغذ اور پینسل رکھ لیجیے۔ اب بیس سیکنڈز کے لئے آنکھیں بند کریں۔ کچھ سوچنا نہیں بلکہ ان بیس سیکنڈز کو گننا ہے۔ ایک۔۔دو۔۔تین۔۔اور پھر۔۔بیس۔ آنکھیں کھولیں اور فوری تین مقاصد لکھیں جنہیں آپ زندگی میں لازمی حاصل کرنا چاہتے ہیں۔ یہ مقاصد غیر واضح ہرگز نہیں ہونے چاہیے۔اگر آپ لکھیں ’’میں ترقی چاہتا ہوں‘‘ تو یہ درست مقصد نہیں ہے۔ آپ کتنی اور کیسی ترقی چاہتے ہیں، کس لیول پر پہنچنا چاہتے ہیں اور کتنی مدت میں پہنچنا چاہتے ہیں اس سب کو ذہن میں رکھ کر لکھیں۔
یاد رکھیں بنا سوچے سمجھے اچانک اس طرح لکھے گئے تین مقاصد آپ کی زندگی کے حقیقی مقاصد ہیں۔ ان مقاصد پر مزید غور و فکر کیجیے۔ ان سے متعلق ہر وہ پوائنٹ تفصیل سے لکھیں جس سے ان مقاصد کا حصول آسان ہوتا ہو۔ انہیں مزید سے مزید واضح کرتے چلے جائیں۔ ہر مقصد کے ساتھ وقت کی قید لگانا ضروری ہے۔




                                                                                                          سیکھنا، سمجھنا، لکھنا، علم کی بنیاد ہے
علم کامیابی کی کنجی ہے۔ کسی بھی کام پر دسترس اُسی وقت حاصل کی جا سکتی ہے، جب اُس کے بارے میں مکمل علم ہو۔ علم کا حصول ممکن ہے سیکھنے سے۔ کسی دوسرے کے تجربے سے فائدہ اُٹھانا اور اُسے سننا بھی ایک طرح سے سیکھنا ہے۔ لکھنے یا بیان کرنے سے علم مزید پختہ ہوجاتا ہے۔



                         طولِ  شبِ   فراق   سے    گھبرا نہ    اے جگر

                          ایسی بھی کوئی شام ہے جس کی سحر نہ ہو



اپنے حال میں کام کرو تاکہ آپ کا مستقبل سنور جائے۔ ماضی گزرنے کے لئے ہوتا ہے وہ گزر جاتا ہے ماضی اچھا تھا یا برا حال کو اس سے فرق نہیں پڑتا۔ حال میں آپ کو کام کرنا ہے۔ جو زمانہ حال میں کریں گے وہی آپ کے مستقبل کی پہچان بنے گا۔ آپ کامیابی حاصل کرنے کے خواہشمند ہیں تو اپنے حال کو اپنا وقت دیں۔ ہر انسان کو کام کے لیے ایک مخصوص وقت ملا ہے اور یہ وقت بہت جلدی گزر جانا ہے اپنے وقت کو اپنے لمحوں کو کار آمد بنالو۔ انسان کو جو وقت ملا ہے وہ بہت مختصر ہے ۔ عقل مند وہ ہے جو اس وقت کو کام میں لے آئے نہیں تو آپ خالی ہاتھ رہ جائیں گے۔
ہر کام کا وقت ہوتا ہے وہ ہر کام اپنے وقت پر اچھا بھی لگتا ہے۔ کام کا وقت گزر جائے، پھر انسان کے پاس پچھتاوے اور مایوسی کے سوا کچھ نہیں بچتا۔

اب ہوائیں ہی کریں گی روشنی کا فیصلہ 
جس دئیے میں جان ہوگی وہ دیا رہ جائے گا




**********************************************************************************

کامیابی کی شاہراہ۔۔۔۔ باب ہفتم

                                               **مایوسی سے بچیں**

                                                                                                  اللہ تبارک وتعالیٰ کا کلام ایک اصول بتاتا ہے

”‏اگر تُو مصیبت کے دن ہمت ہار کر ڈھیلا ہو جائے تو تیری طاقت جاتی رہے گی۔‏“‏—‏"

                                                                              *اصول کا مطلب۔ **

مایوسی کی وجہ سے آپ کی صلا‌حیتوں اور طاقت کو زنگ لگ جاتا ہے اور آپ اپنے حالات کو بہتر بنانے یا مشکلوں        کا مقابلہ کرنے کے قابل نہیں رہتے۔‏


                                                         **قربانی  دینے کے لیے تیار رہیں**


اگر انسان کسی چیز کا خواہشمند ہے تو وہ مفت نہیں ملے گی، اس کے لیے مطلوبہ قیمت ادا کرنی پڑے گی۔ اگر کامیاب ہونا چاہتے ہیں تو آج کی مشکلات سے مایوس نہ ہوں بلکہ مستقبل کے لیے اسے سرمایہ کاری سمجھ کر     بہادری سے مقابلہ کریں۔

قدرت نے انسان کو جو مختلف صلاحیتیں عنایت کی ہیں ان میں سے ایک بڑی قوت سوچ ہے زندگی کی اکثر خوشیاں اور مصائب اسی سوچ کی مرہون منت ہیں انسان کے تمام خیالات پر اس ابتدائی سوچ کا نمایاں اور گہرا اثر پڑتاہے۔ سوچ کے عمل کوہمیشہ صحت مند رکھنا ضروری ہے اپنے مستقبل کی تعمیر اور ترقی کیلئے آپ کو جو ساز وسامان درکار ہے وہ سب آپکے ذہن میں موجود ہے ذہن کو پراگندگی اور پریشانی سے محفوظ رکھیں۔اپنے کاروباریا پیشے میں ترقی کے لئے ہمیشہ نئے اور اچھوتے خیالات کے بارے میں سوچیں۔کسی چیز کو اپنے اوپر حاوی نہ کریں۔

ہنری فورڈ سے کسی نے ۷۵ سال کی عمر میں اچھی صحت کا راز پوچھا تو وہ کہنے لگاکہ میں نہ تو زیادہ کھاتاہوں،نہ زیادہ فکر وترددکرتاہوں اور جب کسی بات پر پوراعلم اور تجربہ صرف کرلیتاہوں تو مجھے کامل یقین ہوتاہے کہ اس کوشش کا جوبھی نتیجہ نکلے گا وہ لازماً اچھا اور بہترین ہوگا۔

اسی طرح آپ بھی ان سنہری اصولوں کو اپنانے کی کوشش کریں ماضی میں اگر آپکی کو ئی تلخ یادیں ہیں تو انھیں اپنی کمزوری نہ بنائی بلکی نصیحت سمجھ کر آگے قدم بڑھائیں ہر پریشانی اپنے اندر ہی اپنا حل رکھتی ہے ماضی تو دوبارہ نہی آسکتالیکن ماضی کی تلخ یادوں میں رہ کر اپنا حال برباد نہ کریں اور خوب سے خوب تر مستقبل کی جدوجہد کریں۔

  عجیب بات ہے کہ زندگی آسان ہو رہی ہے مگرلوگ مایوس ہورہے ہیں، کیوں؟ ہم بہت ہی انوکھے دورمیں جی رہے ہیں۔ مادی اعتبار سے سب کچھ بہترین ہے۔ ہم سے زیادہ کوئی آزاد نہیں۔ انسانی تاریخ میں ہم سے زیادہ صحت مند اور دولت مند کوئی نہ گزرا۔ مگرافسوس ہے، روئے زمین پرہرجانب تباہی ہے۔ زمین کی گرمی بڑھ رہی ہے۔ حکومتیں ناکام ہورہی ہیں۔ معیشتیں زمین بوس ہورہی ہیں۔ ہرکوئی ٹوئٹرپرناراض نظرآتا ہے۔ تاریخ کے اس لمحے میں، جب ہماری اُس ٹیکنالوجی تک رسائی ہے، وہ تعلیم اورابلاغ میسر ہے جس کا خواب تک ہمارے باپ دادا نہ دیکھ سکتے تھے، ہم میں سے اکثرمایوس ہیں۔ آخریہ ہو کیا رہا ہے؟” 

مغرب مایوس ہے۔ مایوسی کفر ہے۔ کفرتباہی ہے۔ تباہی واضح ہے۔ واضح احساس ہے۔ یہ امید چاہتا ہے۔ امید کیا ہے؟ کہاں ہے؟ کیسے ہو؟ مغرب میں یہ سوالات رائج لبرل اقدار روند رہے ہیں۔ سوال اٹھانے والوں میں ایک نمایاں نام نیویارک سُپر بلاگر مارک مینسن کا ہے۔ مسٹر مینسن جدید دنیا کے باطن کی گندگی نمایاں کرتے ہیں۔ ٹیکنالوجی کی افیون کس طرح انسانی نفسیات برباد کررہی ہے، یہ ان کی تحریروں میں حال کی مثالوں سے واضح کیا گیا ہے۔  وہ مغربی معاشرے کی دُکھتی رگ پر اُنگلی رکھتے ہیں، اورمثالوں سے ثابت کرتے ہیں کہ جو کچھ ہورہا ہے وہ محسوس کررہے ہیں اوربیان کررہے ہیں، اورحل ڈھونڈ رہے ہیں۔  مغربی معاشرے کا سب سے بڑا مسئلہ ’مایوسی‘ ہے۔ لہٰذا ’امید‘ کی ضرورت ہے۔ 

                                                       ہم خوش نصیب ہیں کہ اللہ تعالیٰ نے ہمیں امید دلائی ہے۔


                                                 اب ہوائیں ہی کریں گی روشنی کا فیصلہ 

                                              جس دئیے میں جان ہوگی وہ دیا رہ جائے گا


کامیاب انسان، روشن ستاروں کی طرح ہوتے ہیں۔ جن کی روشنی سے ہزاروں دلوں میں اُمید کی کرنیں پیدا ہوتی ہیں۔ اِس لئے کامیاب انسانوں سے سیکھئے اور اگر ممکن ہے تو اُن کی صحبت اختیار کیجئے،،، اور ناکام لوگوں سے دور رہیں کیونکہ وہ آپ کو بھی ناکامی ہی کا سبق پڑھائیں گے،،،، مایوس لوگوں سے کنارہ اختیار کریں یا پھر مایوس لوگوں میں آپ امید کی کرن پیدا کردیں
مایوسی کو اپنے قرب و جوار میں پھٹکنے بھی نہ دیں ورنہ وہ آپ کی ذات کو کھوکھلا کر دے گا۔

                                                              


                                                                                   اقبال نے ایک پیغام دیا ہے،،،،


علامہ اقبال نے اپنی مثنوی اسرار و رموز میں ایک حکایت بیان کی جس میں ایک نوجوان نے سید علی ہجویری رحمتہ اللہ علیہ سے دشمنوں کا خوف دور کرنے کے لیے راہنمائی طلب کی تو انہوں نے فرمایا،،،،،

" اے راز حیات سے ناواقف نوجوان تو زندگی کے آغاز اور انجام سے غافل ہے تو دشمنوں کا خوف دل سے نکال دے تیرے اندر ایک قوت خوابیدہ موجود ہے اس کو بیدار کر ۔ "


                                                  علامہ اقبال نے اپنی اردو شاعری میں نوجوانوں کو مخاطب کرتے ہوئے فرمایا۔

                                            کبھی اے نوجواں مسلم تدبر بھی کیا تو نے

                                      وہ کیا گردوں تھا تو جس کا ہے ایک ٹوٹا ہوا تارا


آج ہم  جس جدید دور میں سانس لے رہے ہیں اور جتنی آسائشیں  ہم انسانوں  کو ملی ہوئی ہیں یہ سب ایک دن میں حاصل نہیں ہوئی اس کے لیے انسان نےبرسوں خواب دیکھے اور محنت کی ہے لیکن آج کا انسان اس  کے پیچھےچھپی ہوئی کاوشوں کو بھول گیا ہے۔ہر انسان کامیابی چاہتا ہےمگر بہت کم لوگ کامیابی حاصل کرپاتے ہیں لوگ شدید محنت کرتے ہیں مگر زندگی میں انہیں کچھ خاص کامیابی حاصل نہیں ہوتی لیکن دوسری طرف ایسے لوگ بھی ملتے ہیں جو بغیر  محنت کئے بہت کچھ پالیتے ہیں  -   ایسا کیوں ہوتا ہے؟
ایسا اس لیے ہوتا ہے کہ وہ کسی قیمت پر بھی مایوس نہیں ہوتے وہ اپنے لئے راستے چنتے ہیں پھر ان شاہراہوں پر عزم و ہمت سے ڈٹ جاتے ہیں استقامت دکھانے والوں کو کامیابی ملتی ہے
جو ڈٹ گیا وہ جیت گیا۔۔
اپنے مقصد کے لیے جمے رہنے والوں کو، ڈٹے رہنے والوں کو منزل ملتی ہے۔


یہ رات اپنے سیاہ پنجوں کو جس قدربھی دراز کر لے
میں تیرگی کا غبار بن کر نہیں جیوں گا
مجھے پتہ ہے کہ ایک جگنو کے جاگنے سے
یہ تیرگی کی دبیز چادر نہیں کٹے گی
مجھے خبر ہے کہ میری بے زور ٹکروں سے
فصیلِ دہشت نہیں ہٹے گی
میں جانتا ہوں کہ میرا شعلہ
چمک کے رزقِ غبار ہو گا
تو بے خبر یہ دیار ہو گا
میں روشنی کی لکیر بن کر
کسی ستارے کی مثل بکھروں گا
بستیوں کو خبر نہ ہو گی
میں جانتا ہوں کہ میری کم تاب
روشنی سے سحر نہ ہو گی
مگرمیں پھر بھی سیاہ شب کا
غبار بن کر نہیں جیوں گا
کرن ہو کتنی نحیف لیکن کرن ہے پھر بھی
وہ ترجماں ہے کہ روشنی کا وجود زندہ ہے
اور جب تک
یہ روشنی کا وجود زندہ ہے رات اپنے
سیاہ پنجوں کو جس قدربھی درازکر لے
کہیں سے سورج نکل پڑے گا


مایوسی کا کانٹا نکال کر زندگی سے بہت دور پھینک دو ہمت سے آگے بڑھتے رہو اللہ کی ذاتِ مبارکہ پر بھروسہ کرو اور نتائج کی پرواہ نہ کرو۔
اگر تمہارا مقصد سچا ہے تو جیت تمہاری ہوگی۔

 "اللہ کی رحمت سے تو صرف کافر ہی مایوس ہوتے ہیں"



                                ہم کو مٹا سکے یہ زمانہ میں دم نہیں 

                              ہم سے زمانہ خود ہے زمانے سے ہم نہیں 


*******************************************************************

کامیابی آپ کی منتظر ہے

اگر تم کامیابی و کامرانی چاہتے ہو۔۔۔ زندگی میں خوشحالی چاہتے ہو۔۔۔ امن سکون چاہتے ہو۔۔۔ تو اپنے آپ کو۔۔۔ اپنے رب سے جوڑ لو۔۔۔ جو رب سے جڑ گی...