پروین شاکر 5

پروین شاکر

بارش میں گلاب جل رہا ہے

موسم کا عذاب چل رہا ہے
بارش میں گلاب جل رہا ہے

پھر دیدہ و دل کی خیر یارب!
پھر ذہن میں خواب پل رہا ہے

صحرا کے سفر میں کب ہوں
تنہا ہمراہ سراب چل رہا ہے

آندھی میں دُعا کو بھی نہ اُٹھا
یوں دستِ گُلاب شل رہا ہے

کب شہرِ جمال میں ہمیشہ
وحشت کا عتاب چل رہا ہے

زخموں پہ چھڑک رہا ہے خوشبو
آنکھوں پہ گلاب مَل رہا ہے

ماتھے پہ ہَوانے ہاتھ رکھے
جسموں کو سحاب جھل رہا ہے

موجوں نے وہ دُکھ دیے بدن کو
اب لمسِ حباب کَھل رہا ہے

قرطاسِ بدن پہ سلوٹیں ہیں
ملبوسِ کتاب ،گل رہا ہے

****************************************
دُکھ اپنے ہَوا سے کہہ رہا ہے

سناّٹا فضا میں بہہ رہا ہے

دُکھ اپنے ہَوا سے کہہ رہا ہے

برفیلی ہوا میں تن شجر کا

ہونے کا عذاب سہہ رہا ہے

باہر سے نئی سفیدیاں ہیں

اندر سے مکان ڈھہہ رہا ہے

حل ہو گیا خون میں کُچھ ایسے

رگ رگ میں وہ نام بہہ رہا ہے

جنگل سے ڈرا ہُوا پرندہ

شہروں کے قریب رہ رہا ہے

***************************************
سفر میرا تعاقب کر رہا ہے

سفر ، میرا تعاقب کر رہا ہے

رہی ہوں بے اماں موسم کی زد پر

ہتھیلی پر ہَوا کی ، سر رہا ہے

میں اِک نو زائیدہ چڑیا ہوں لیکن

پُرانا باز ، مُجھ سے ڈر رہا ہے

پذیرائی کو میری شھرِ گل میں

صبا کے ہاتھ میں پتّھر رہا ہے

ہَوائیں چُھو کے رستہ بُھول جائیں

مرے تن میں کوئی منتر رہا ہے

میں اپنے آپ کو ڈسنے لگی ہوں

مجھے اب زہر اچھا کر رہا ہے

کھلونے پا لیے ہیں میں نے لیکن

مرے اندر کا بچہ مر رہا ہے
***************************************
کنکر سا کوئی کھٹک رہا ہے

اشک آنکھ میں پھر اٹک رہا ہے
کنکر سا کوئی کھٹک رہا ہے

میں اُس کے خیال سے گُریزاں
وہ میری صدا جھٹک رہا ہے

تحریر اُسی کی ہے ، مگر دل
خط پڑھتے ہُوئے اٹک رہا ہے

ہیں فون پہ کس کے ساتھ باتیں
اور ذہن کہاں بھٹک رہا ہے

صدیوں سے سفر میں ہے سمندر
ساحِل پہ تھکن پٹک رہا ہے

اک چاند صلیبِ شاخِ گُل پر
بالی کی طرح لٹک رہا ہے

***************************************

دیکھوں تو نظر بدل رہا ہے

سوچوں تو وہ ساتھ چل رہا ہے
دیکھوں تو نظر بدل رہا ہے

کیوں بات زباں سے کہہ کے کھوئی
دل آج بھی ہاتھ مَل رہا ہے

راتوں کے سفر میں وہم ساتھا
یہ میں ہوں کہ چاند چل رہا ہے

ہم بھی ترے بعد جی رہے ہیں
اور تُو بھی کہیں بہل رہا ہے

سمجھا کے ابھی گئی ہیں سکھیاں
اور دل ہے کہ پھر مچل رہا ہے

ہم ہی بُرے ہو گئےِ_کہ تیرا
معیارِ وفا بدل رہا ہے

پہلی سی وہ روشنی نہیں اب
کیا درد کا چاند ڈھل رہا ہے

**************************************
وہ سویا ہے کہ کچھ کچھ جاگتا ہے

کھلی آنکھوں میں سپنا جھانکتا ہے
وہ سویا ہے کہ کچھ کچھ جاگتا ہے

تری چاہت کے بھیگے جنگلوں میں
مرا تن، مور بن کر ناچتا ہے

مجھے ہر کیفیت میں کیوں نہ سمجھے
وہ میرے سب حوالے جانتا ہے

میں اس کی دسترس میں ہوں ، مگر وہ
مجھے میری رضا سے مانگتا ہے

کسی کے دھیان میں ڈوبا ہوا دل
بہانے سے مجھے بھی ٹالتا ہے

سڑک کو چھوڑ کر چلنا پڑے گا
کہ میرے گھر کا کچّا راستہ ہے

***************************************

پروین شاکر 4

گرد چہرے پر قبائے خاک تن پر سج گئی

رات کی گم گشتگی جیسے بدن پر سج گئی

جا چکے موسم کی خوشبو ، صورتِ تحریرِ گل
یاد کے ملبوس کی اک اک شِکن پر سج گئی

میں تو شبنم تھی ہتھیلی پر ترے گُم ہو گئی
وہ ستارہ تھی سو تیرے پیرہن پر سج گئی

کُچھ تو شہرِ درد کا احوال آنکھوں نے کہا
اور کچھ گلیوں کی سفاکی تھکن پر سج گئی

**************************************

عذاب اپنے بکھیروں

عذاب اپنے بکھیروں کہ مُرتسم کر لوں
میں ان سے خود کو ضرب دُوں کہ منُقسم کر لوں

میں آندھیوں کی مزاج آشنا رہی ہوں مگر
خُود اپنے ہاتھ سے کیوں گھر کو منہدم کر لوں

بچھڑنے والوں کے حق میں کوئی دُعا کر کے
شکستِ خواب کی ساعت محتشم کر لوں

بچاؤ شیشوں کے گھر کا تلاش کر ہی لیا
یہی کہ سنگ بدستوں کا مُنصرم کر لوں

میں تھک گئی ہوں اِس اندر کی خانہ جنگی سے
بدن کو ’’سامرا‘‘ آنکھوں کو ’’معتصمِ‘‘ کر لوں

مری گلی میں کوئی شہر یار آتا ہے
ملا ہے حکم کہ لہجے کو محترم کر لوں
***************************************
دیکھوں تو نظر بدل رہا ہے

سوچوں تو وہ ساتھ چل رہا ہے 
دیکھوں تو نظر بدل رہا ہے

کیوں بات زباں سے کہہ کے کھوئی
دل آج بھی ہاتھ مَل رہا ہے

راتوں کے سفر میں وہم سا تھا 
یہ میں ہوں کہ چاند چل رہا ہے

ہم بھی ترے بعد جی رہے ہیں
اور تُو بھی کہیں بہل رہا ہے

سمجھا کے ابھی گئی ہیں سکھیاں
اور دل ہے کہ پھر مچل رہا ہے

ہم ہی بُرے ہو گئے __کہ تیرا 
معیارِ وفا بدل رہا ہے

پہلی سی وہ روشنی نہیں اب
کیا درد کا چاند ڈھل رہا ہے

***************************************
جدائی کا منظر نگاہ میں ہے

دُعا کا ٹوٹا ہُوا حرف، سرد آہ میں ہے
تری جُدائی کا منظر ابھی نگاہ میں ہے

ترے بدلنے کے با وصف تجھ کو چاہا ہے
یہ اعتراف بھی شامل مرے گناہ میں ہے

اب دے گا تو پھر مجھ کو خواب بھی دے گا
میں مطمئن ہوں ، مرا دل تری پناہ میں ہے

بکھر چُکا ہے مگر مُسکرا کے ملتا ہے
وہ رکھ رکھاؤ ابھی میرے کج کلاہ میں ہے

جسے بہار کے مہمان خالی چھوڑ گئے
وہ اِک مکا ن ابھی تک مکیں کی چاہ میں ہے

یہی وہ دن تھے جب اِک دوسرے کو پایا تھا
ہماری سالگرہ ٹھیک اب کے ماہ میں ہے

میں بچ بھی جاؤں تو تنہائی مار ڈالے گی
مرے قبیلے کا ہر فرد قتل گاہ میں ہے!

***************************************
میرے دل پہ چھایا ہے۔ میرے گھر کا سناٹا

آنگنوں میں اُترا ہے بام و در کا سناٹا
میرے دل پہ چھایا ہے میرے گھر کا سناٹا

رات کی خموشی تو پھر بھی مہرباں نکلی
کِتنا جان لیوا ہے دوپہر کا سناٹا

صُبح میرے جُوڑے کی ہر کلی سلامت نکلی
گونجتا تھا خوشبو میں رات بھر کا سناٹا

اپنی دوست کو لے کر تم وہاں گئے ہو گے
مجھ کو پوچھتا ہو گا رہگزر کا سناٹا

خط کو چُوم کر اُس نے آنکھ سے لگایا تھا 
کُل جواب تھا گویا لمحہ بھر کا سناٹا

تُو نے اُس کی آنکھوں کو غور سے پڑھا قاصد!
کُچھ تو کہہ رہا ہو گا اُس نظر کا سناٹا

**************************************



فاصلے

پہلے خط روز لکھا کرتے تھے
دوسرے تیسرے ، تم فون بھی کر لیتے تھے
اور اب یہ ، کہ تمھاری خبریں
صرف اخبار سے مل پاتی ہیں !
***************************************

کتھا رس
میرے شانوں پہ سر رکھ کے
آج
کسی کی یاد میں وہ جی بھر کے رویا !
***************************************

چاند

ایک سے مسافر ہیں
ایک سا مقدر ہے
میں زمین پر تنہا
اور وہ آسمانوں میں !​
‏*************************************
نوید
سماعتوں کو نوید ہو ۔۔۔ کہ
ہوائیں خوشبو کے گیت لے کر
دریچۂ گل سے آ رہی ہیں !
**************************************


خوشبو بتا رہی ہے کہ وہ راستے میں ہے
موجِ ہوا کے ہاتھ میں اس کا سراغ ہے

***************************************

تشکر

دشتِ غربت میں جس پیڑ نے
میرے تنہا مسافر کی خاطر گھنی چھاؤں پھیلائی ہے
اُس کی شادابیوں کے لیے
میری سب انگلیاں ۔۔۔
ہوا میں دعا لکھ رہی ہیں !​
‏****************************************

میں جب بھی چاہوں ، اُسے چھو کے دیکھ سکتی ہوں
مگر وہ شخص کہ لگتا ہے اب بھی خواب ایسا 
***************************************

موسم کی دُعا

پھر ڈسنے لگی ہیں سانپ راتیں
برساتی ہیں آگ پھر ہوائیں
پھیلا دے کسی شکستہ تن پر
بادل کی طرح سے اپنی بانہیں !
***************************************

مقدّر

میں وہ لڑکی ہوں
جس کو پہلی رات
کوئی گھونگھٹ اُٹھا کے یہ کہہ دے ۔۔
میرا سب کچھ ترا ہے ، دل کے سوا !
****************************************

تیری ہم رقص کے نام
رقص کرتے ہوئے
جس کے شانوں پہ تُو نے ابھی سَر رکھا ہے
کبھی میں بھی اُس کی پناہوں میں تھی
فرق یہ ہے کہ میں
رات سے قبل تنہا ہوئی
اور تُو صبح تک
اس فریبِ تحفظ میں کھوئی رہے گی !
****************************************
‏
حال پوچھا تھا اُس نےابھی
اور آنسو رواں ہو گئے !
***************************************

پکنک

سکھیاں میری
کُھلے سمندر بیچ کھڑی ہنستی ہیں
اور میں سب سے دور ، الگ ساحل پر بیٹھی
آتی جاتی لہروں کو گنتی ہوں
یا پھر
گیلی ریت پہ تیرا نام لکھے جاتی ہوں !
***************************************

جان پہچان

شور مچاتی موجِ آب
ساحل سے ٹکرا کے جب واپس لوٹی تو
پاؤں کے نیچے جمی ہوئی چمکیلی سنہری ریت
اچانک سرک گئی !
کچھ کچھ گہرے پانی میں
کھڑی ہوئی لڑکی نے سوچا
یہ لمحہ کتنا جانا پہچانا سا لگتا ہے!
***************************************

دوست

اس اکیلی چٹان نے
سمندر کے ہمراہ
تنہائی کا زہر اتنا پیا ہے
کہ اس کا سنہری بدن نیلا پڑنے لگا ہے !
****************************************

سلا رہا تھا نہ بیدار کر سکا تھا مجھے
وہ جیسے خواب میں محسوس کر رہا تھا مجھے

یہی تھا چاند اور اس کو گواہ ٹھہرا کر 
ذرا سا یاد تو کر تو نے کیاکہا تھا مجھے

تمام رات میری خواب گاہ روشن تھی
کسی نے خواب میں اک پھول دے دیا تھا مجھے 

وہ دن بھی آئے کہ خوشبو سے میری آنکھ کھلی 
اور ایک رنگ حقیقت میں چھو رہا تھا مجھے 

میں اپنی خاک پہ کیسے نہ لوٹ کر آتی 
بہت قریب سے کوئی پکارتا تھا مجھے 

درون خیمہ ہی میرا قیام رہنا تھا
تو میر فوج نے لشکر میں کیوں لیا تھا مجھے​
****************************************

غیر مردّف

براہِ راست مُلاقات کو زمانہ ہُوا
میں راہ دیکھتی رہی وہ راستہ بدل گیا
آئی ہے عجب گھڑی وفا پر
تمام رات میں یاقوت چُن رہی تھی مگر
کس مان پہ تجھ کو آزماؤں
ہَوا ہوں ، اپنی گرہیں آپ کھولوں
آؤ کوئی زخم گر تلاشیں
آسمانوں پہ کہیں تنگ نہ ہو جائے زمیں
سیلاب کی سماعتیں ، آندھی کو رہن تھیں
کشش بچھانے لگا ہے ہر اگلا سیارہ
اچھی ندیا! آج ذرا آہستہ بہہ
ذرا سی دُھوپ نکل آئی اور ماند ہُوئی
برسات میں بھی یاد نہ جب اُن کو ہم آئے
میں جانتی تھی، پال رہی ہوں سنپولیے
**************************************

نیند کی جھیل پہ اِک خواب پرانا اُترا
مُسکراتے ہوئے رخصت کرنا

میرے دل پہ چھایا ہے میرے گھر کا سناٹا

سِواہے رنج ہمیں تیری بے وفائی کا

اے چشمِ انتظار ! ترا زخم سِل چُکا

مسئلہ پُھول کا ہے ، پُھول کدھر جائے گا

وہ لمس میرے بدن کو گلاب کر دے گا

وہ جو اس کی صبحِ عروج تھی وہی میرا وقتِ زوال تھا

پلک جھپکتے ، ہَوا میں لکیر ایسا تھا

سرطان مرا ستارا کب تھا

بچھڑنے والوں میں اک میرا ہمسفر ہی نہ تھا

نیند میں ساری رات چلتا رہا

وہ رنگ رنگ میں اُترا، کرن کرن میں رہا

اس نے بھی بھول جانے کا وعدہ نہیں کیا

ہَوا کے ساتھ مسافر کا نقشِ پا بھی گیا

چشمِ صدف سے گوہرِ نایاب لے گیا

****************************************

بارشوں کی ہوا میں بن کی طرح
دست گُل پھیلا ہُوا ہے مرے آنچل کی طرح
مجھ میں اُتر گیا ہے وہ سرطان کی طرح
دل پہ اُتریں گے وہی خواب عذابوں کی طرح
****************************************

ہجر کی شب اورایسا چاند؟
جنس نایاب ہو گئی شاید

***************************************
حرف آتا ہے مسیحائی پر
قریب آنے لگا دُوریوں کا موسم پھر

****************************************
ذرا  سی دھوپ میں کچھ چاندنی کی آمیزش


بچھڑ گیا تری صُورت، بہار کا موسم
***************************************

رات بھر جاگی ہوئی جیسے دُلہن کی خوشبو
ایسے موسم میں جو خواب آئیں غنیمت جانو
وہ ذرا بھی نہیں بدلا، لوگو
کوئی وجود محبّت کا استعارہ ہو
کبھی تو رنگ مرے ہاتھ کا حِنائی ہو!
کام ، پت جھڑ کے اسیروں کی دُعا آئی ہو
****************************************

جنگل کی ہوا رہوں کہاں تک

اِس اماوس کی گھنی رات میں مہتاب کہاں
جو زخم ایک بار کھُلا پھر سلا کہاں
میں ان سے خود کو ضرب دُوں کہ منقتسمِ کر لوں
اِک ذرا شعر کہوں اور میں کیا کیا دیکھوں
خود کو خوشبو میں سمو کر دیکھوں
شکستہ کشتیوں پر بادباں ہوں
ہَوا میں جذب ہوں ، خوشبو کے انگ انگ میں ہوں
حیرت سے پلک جھپک رہی ہوں
نیند چنتے ہُوئے ہاتھ ہی تھک گئے وہ بھی جب آنکھ کی سوئیاں رہ گئیں
پاؤں سے ہواؤں کے، بیڑیاں نہیں کھلتیں
مگر وہ زخم جو اُس دستِ شبنمیں سے ملیں
بہہ گئے سب نیند کے سیلاب میں
ایک پَل کو چھاؤں میں ، اور پھر ہَواؤں میں
کوئی تو سمجھادیا رِ غیر میں اپنا ہمیں
صبح کے ہونٹ کِتنے نیلے ہیں !
چاہنے والے ایک دفعہ بن باس تو لیتے ہیں
جانے وہ آج بھی سویا کہ نہیں !
شکستِ خواب کے اب مجھ میں حوصلے بھی نہیں
***************************************

ایسی برساتیں کہ بادل بھیگتا ہے ساتھ ساتھ
کیا تجھے بھی کوئی یاد آتا ہے برسات کے ساتھ

****************************************
اے خدا اب کے چلے زرد ہوا ، آہستہ
بھیجے مری سوچوں کو اب الفاظ کا رشتہ
حیرت ہے مجھے ، آج کدھر بُھول پڑے وہ

****************************************
سلا رہا تھا نہ بیدار کر سکا تھا مجھے
وہ جیسے خواب میں محسوس کر رہا تھا مجھے

یہی تھا چاند اور اس کو گواہ ٹھہرا کر 
ذرا سا یاد تو کر تو نے کیاکہا تھا مجھے

تمام رات میری خواب گاہ روشن تھی
کسی نے خواب میں اک پھول دے دیا تھا مجھے 

وہ دن بھی آئے کہ خوشبو سے میری آنکھ کھلی 
اور ایک رنگ حقیقت میں چھو رہا تھا مجھے 

میں اپنی خاک پہ کیسے نہ لوٹ کر آتی 
بہت قریب سے کوئی پکارتا تھا مجھے 

درون خیمہ ہی میرا قیام رہنا تھا
تو میر فوج نے لشکر میں کیوں لیا تھا مجھے​
***************************************

حسن کے سمجھنے کو عمر چاہیئے جاناں 
دو گھڑی کی چاہت میں لڑکیاں نہیں کھلتیں 

***************************************

اب بھی برسات کی راتوں میں بدن ٹوٹتا ہے 
جاگ اٹھتی ہیں عجب خواہشیں انگڑائی کی 

****************************************


وہ تو خوش بو ہے ہواؤں میں بکھر جائے گا 
مسئلہ پھول کا ہے پھول  کدھر جائے گا 

**************************************


میں سچ کہوں گی مگر پھر بھی ہار جاؤں گی 
وہ جھوٹ بولے گا اور لا جواب کر دے گا 

*************************************

چلنے کا حوصلہ نہیں رکنا محال کر دیا 
عشق کے اس سفر نے تو مجھ کو نڈھال کر دیا 

**************************************
  
اب تو اس راہ سے وہ شخص گزرتا بھی نہیں 
اب کس امید پہ دروازے سے جھانکے کوئی
*************************************

پروین شاکر 3

ہم سے جو کُچھ کہنا ہے وہ بعد میں کہہ
اچھی ندیا! آج ذرا آہستہ بہہ

ہَوا! مرے جُوڑے میں پھُول سجاتی جا
دیکھ رہی ہوں اپنے من موہن کی راہ

اُس کی خفگی جاڑے کی نرماتی دھُوپ
پارو سکھی! اس حّدت کو ہنس کھیل کے سہہ

آج تو سچ مچ کے شہزادے آئیں گے
نندیا پیاری! آج نہ کُچھ پریوں کی کہہ

دوپہروں میں جب گہرا سناٹا ہو
شاخوں شاخوں موجِ ہَوا کی صُورت بہہ

****************************************
بعد مدت اسے دیکھا لوگو

بعد مُدت اُسے دیکھا، لوگو
وہ ذرا بھی نہیں بدلا، لوگو

خُوش نہ تھا مُجھ سے بچھڑ کر وہ بھی
اُس کے چہرے پہ لکھا تھا، لوگو

اُس کی آنکھیں بھی کہے دیتی تھیں
رات بھر وہ بھی نہ سویا، لوگو

اجنبی بن کے جو گزرا ہے ابھی
تھا کِسی وقت میں اپنا ، لوگو

دوست تو خیر کوئی کس کا ہے
اُس نے دشمن بھی نہ سمجھا، لوگو

رات وہ درد مرے دل میں اُٹھا
صبح تک چین نہ آیا ، لوگو

پیاس صحراؤں کی پھر تیز ہُوئی
اَبر پھر ٹوٹ کے برسا، لوگو

***************************************

چارہ گر ہار گیا ہو جیسے

چارہ گر، ہار گیا ہو جیسے
اب تو مرنا ہی دَوا ہو جیسے

مُجھ سے بچھڑا تھا وہ پہلے بھی مگر
اب کے یہ زخم نیا ہو جیسے

میرے ماتھے پہ ترے پیار کا ہاتھ
رُوح پر دست صبا ہو جیسے

یوں بہت ہنس کے ملا تھا لیکن
دل ہی دل میں وہ خفا ہو جیسے

سر چھپائیں تو بدن کھلتا ہے
زیست مفلس کی رِدا ہو جیسے

***************************************


پت جھڑ سے گلہ ہے نہ شکایت ہوا سے ہے 
پھولوں کو کچھ عجیب محبت ہوا سے ہے 

سرشارئ شگفتگی گل کو کیا خبر
منسوب ایک اور حکایت ہوا سے ہے 

رکھا ہے آندھیوں نے ہی ہم کو کشیدہ سر
ہم وہ چراغ ہیں جنہیں نسبت ہوا سے ہے 

اس گھر میں تیرگی کے سوا کیا رہے جہاں 
دل شمع پر ہیں اور ارادت ہوا سے ہے 

بس کوئی چیز سلگتی ہے دل کے پاس 
یہ آگ وہ نہیں جسے صحبت ہوا سے ہے 

صر صر کو اذن ہو جو صبا کو نہیں ہے بار
کنج قفس میں زیست کی صورت ہوا سے ہے ​
**************************************

بہت رویا وہ ہم کو یاد کرکے
ہماری زندگی برباد کرکے 

پلٹ کر پھر یہیں آجایئں گے ہم 
وہ دیکھے تو ہمیں آزاد کرکے 

رہائی کی کوئی صورت نہیں ہے 
مگر ہاں منت صیاد کرکے

بدن میرا چھوا تھا اس نے لیکن 
گیا ہے روح کو آباد کرکے 

ہر آمر طول دینا چاہتا ہے 
مقرر ظلم کی معیاد کرکے​
****************************************

چلنے کا حوصلہ نہیں ، رکنا محال کر دیا
عشق کے اس سفر نے تو مجھ کو نڈھال کر دیا

اے میری گل زمیں تجھے چاہ تھی اک کتاب کی
اہل کتاب نے مگر کیا تیرا حال کر دیا 

ملتے ہوئے دلوں کے بیچ اور تھا فیصلہ کوئی 
اس نے مگر بچھڑتے وقت اور سوال کر دیا 

اب کے ہوا کے ساتھ ہے دامن یار منتظر
بانوئے شب کے ہاتھ میں رکھنا سنبھال کر دیا 

ممکنہ فیصلوں میں ایک ، ہجر کا فیصلہ بھی تھا
ہم نے تو ایک بات کی ، اس نے کمال کر دیا 

میرے لبوں پہ مہر تھی ، پر شیشہ رو نے تو 
شہر شہر کو میرا واقفِ حال کر دیا 

چہرہ و نام ایک ساتھ آج نہ یاد آسکے
وقت نے کس شبیہہ کو خواب و خیال کر دیا

مدتوں بعد اس نے آج مجھ سے کوئی گلہ کیا
منصب دلبری یہ کیا مجھ کو بحال کر دیا​
************************************

تخت ہے اور کہانی ہے وہی 
اور سازش بھی پرانی ہے وہی 

قاضی شہر نے قبلہ بدلہ
لیکن خطبے میں روانی ہے وہی 

خیمہ کش اب کے ذرا دیکھ کے ہو
جس پہ پہرہ تھا ، یہ پانی ہے وہی 

صلح کو فسخ کیا دل میں مگر
اب بھی پیغام زبانی ہے وہی 

آج بھی چہرہ ء خورشید ہے زرد
آج بھی شام سہانی ہے وہی 

بدلے جاتے ہیں یہاں روز طبیب
اور زخموں کی کہانی ہے وہی 

حجلہ غم یونہی آراستہ ہے 
دل کی پوشاک شہانی ہے وہی 

شہر کا شہر یہاں ڈوب گیا
اور دریا کی روانی ہے وہی​
‏**************************************

میں اس سے کہاں ملی تھی 
بس خواب ہی خواب دیکھتی تھی

سایہ تھا کوئی کنار دریا
اور شام کی ڈوبتی گھڑی تھی

کہرے میں چھپا ہوا تھا جنگل
چڑیا کہیں دور بولتی تھی

لپٹی ہوئی دھند کی ردا میں 
اک زرد گلاب کی کلی تھی 

اک سبز غبار تھا فضا میں 
بارش کہیں سانس لے رہی تھی 

بادل کوئی چھو گیا تھا مجھ کو 
چہرے پر عجیب تازگی تھی 

آنکھوں میں ٹھہر گئی تھی شبنم 
اور روح میں نرم روشنی تھی 

کیا چیز تھی جو میرے بدن میں 
آہستہ آہستہ کھل رہی تھی 

اک گیت ہوا کے ہونٹ پر تھا
اور اس کی زبان اجنبی تھی 

اس رات جبین ماہ پر بھی 
تحریر کوئی قدیم سی تھی 

یہ عشق نہیں تھا اس زمیں کا
اس میں کوئی بات سرمدی تھی​
‏***************************************
جب ساز کی لے بدل گئی تھی
وہ رقص کی کون سی گھڑی تھی

اب یاد نہیں کہ زندگی میں 
میں آخری بار کب ہنسی تھی

جب کچھ بھی نہ تھا یہاں پر ماقبل
دنیا کس چیز سے بنی تھی 

مٹھی میں تو رنگ تھے ہزاروں
بس ہاتھ سے ریت بہہ رہی تھی 

ہے عکس ، تو آئینہ کہاں ہے 
تمثیل یہ کس جہاں کی تھی 

ہم کس کی زبان بولتے ہیں 
گر ذہن میں بات دوسری تھی 

تنہا ہے اگر ازل سے انسان
یہ بزم کلام کیوں سجی تھی

تھا آگ ہی گر میرا مقدر
کیوں خاک میں پھر شفا رکھی تھی 

کیوں موڑ بدل گئی کہانی 
پہلے سے اگر لکھی ہوئی تھی​

***************************************

سلا رہا تھا نہ بیدار کر سکا تھا مجھے
وہ جیسے خواب میں محسوس کر رہا تھا مجھے

یہی تھا چاند اور اس کو گواہ ٹھہرا کر 
ذرا سا یاد تو کر تو نے کیاکہا تھا مجھے

تمام رات میری خواب گاہ روشن تھی
کسی نے خواب میں اک پھول دے دیا تھا مجھے 

وہ دن بھی آئے کہ خوشبو سے میری آنکھ کھلی 
اور ایک رنگ حقیقت میں چھو رہا تھا مجھے 

میں اپنی خاک پہ کیسے نہ لوٹ کر آتی 
بہت قریب سے کوئی پکارتا تھا مجھے 

درون خیمہ ہی میرا قیام رہنا تھا
تو میر فوج نے لشکر میں کیوں لیا تھا مجھے​
‏**************************************

کمالِ ضبط کو خود بھی تو آزماؤں گی
میں اپنے ہاتھ سےاس کی دلہن سجاؤں گی

سپرد کر کے اسے چاندنی کے ہاتھوں میں
میں اپنے گھر کے اندھیروں کو لوٹ آؤں گی

بدن کے کرب کو وہ بھی سمجھ نہ پائے گا
میں دل میں روؤں گی، آنکھوں میں مسکراؤں گی

وہ کیا گیا رفاقت کے سارے لطف گئے
میں کس سے روٹھ سکوں گی، کسے مناؤں گی

اب اُس کا فن تو کسی اور سے ہوا منسوب
میں کس کی نظم اکیلے میں گُنگناؤں گی

وہ ایک رشتہ بے نام بھی نہیں لیکن
میں اب بھی اس کے اشاروں پہ سر جھکاؤں گی

بچھا دیا تھا گلابوں کے ساتھ اپنا وجود
وہ سو کے اٹھے تو خوابوں کی راکھ اٹھاؤں گی

سماعتوں میں اب جنگلوں کی سانسیں ہیں
میں اب کبھی تری آواز سُن نہ پاؤں گی

جواز ڈھونڈ رہا تھا نئی محّبت کا
وہ کہہ رہا تھا کہ میں اُس کو بھول جاؤں گی

**************************************
حسن کو سمجھنے کو عمر چاہیے ، جاناں!

دو گھڑی کی چاہت میں لڑکیاں نہیں کھلتیں

وہ رت بھی آئی کہ میں پھول کی سہیلی ہوئی

مہک میں چمپا، روپ میں چنبیلی ہوئی

مجھ پہ چھا جائے وہ برسات کی خوشبو کی طرح

انگ انگ اپنا اسی رُت میں مہکتا دیکھوں

ہتھیلیوں کی دعا پھول لے کے آئی ہو

کبھی تو رنگ مرے ہاتھ کا حِنائی ہو!
***************************************

بڑھتی جاتی ہے کشش وعدہ گر ہستی کی

اور کوئی کھینچ رہا ہے عدم آباد سے بھی

ظلم کی طرح اذیت میں ہے جس طرح حیات

ایسا لگتا ہے کہ اب حشر ہے کچھ دیر کی بات

روز اک دوست کے مرنے کی خبر آتی ہے

روز اک قتل پہ جس طرح کہ مامور ہے رات

***************************************

  خود کو خوشبو میں سمو کر دیکھوں

  اُس کو بینائی کے اندر دیکھوں

  عمر بھر دیکھوں کہ پل بھر دیکھوں

  کس کی نیندوں کے چُرا لائی رنگ

  موجہ زُلف کو چُھوکر دیکھوں

  زرد برگد کے اکیلے پن میں

  اپنی تنہائی کے منظر دیکھوں

  موت کا ذائقہ لکھنے کے لیے

  چند لمحوں کو ذرا مَر دیکھوں!
***************************************

ہمیں خبر ہے ، ہوا کا مزاج رکھتے ہو
مگر یہ کیا ، کہ ذرا دیر کو رُکے بھی نہیں
****************************************

پیش کش

اتنے اچھے موسم میں
روٹھنا نہیں اچھا
ہار جیت کی باتیں
کل پہ ہم اٹھا رکھیں
آج دوستی کر لیں !
****************************************

واہمہ

تمھارا کہنا ہے
تم مجھے بے پناہ شدت سے چاہتے ہو
تمھاری چاہت
وصال کی آخری حدوں تک
مرے فقط میرے نام ہوگی
مجھے یقین ہے مجھے یقین ہے
مگر قسم کھانے والے لڑکے
تمھاری آنکھوں میں ایک تل ہے!
​
****************************************

سبز موسم کی خبر لے کے ہَوا آئی ہو
کام ، پت جھڑ کے اسیروں کی دُعا آئی ہو

لَوٹ آئی ہو وہ شب جس کے گُزر جانے پر
گھاٹ سے پائلیں بجنے کی صدا آئی ہو

اِسی اُمید میں ہر موجِ ہَوا کو چُوما
چھُو کے شاید میرے پیاروں کی قبا آئی ہو

گیت جِتنے لِکھے اُن کے لیے اے موج صبا!
دل یہی چاہا کہ تو اُن کو سُنا آئی ہو

آہٹیں صرف ہَواؤں کی ہی دستک نہ بنیں
اب تو دروازوں پہ مانوس صدا آئی ہو

یُوں سرِ عام، کھُلے سر میں کہاں تک بیٹھوں
کِسی جانب سے تو اَب میری ردا آئی ہو

جب بھی برسات کے دن آئے ، یہی جی چاہا
دھُوپ کے شہر میں بھی گھِر کے گھٹا آئی ہو

تیرے تحفے تو سب اچھے ہیں مگر موجِ بہار!
اب کے میرے لیے خوشبوئے حِنا آئی ہو

**************************************

یکطرفہ قیامت کرنا

دل پہ اِک طرفہ قیامت کرنا
مُسکراتے ہوئے رخصت کرنا

اچھی آنکھیں جو ملی ہیں اُس کو
کچھ تو لازم ہُوا وحشت کرنا

جُرم کس کا تھا سزا کِس کو مِلی
کیا گئی بات پہ حُجت کرنا

کون چاہے گا تمھیں میری طرح
اب کِسی سے نہ محبت کرنا

گھر کا دروازہ کھلا رکھا ہے
وقت مِل جائے تو زحمت کرنا

****************************************

برگ وبار کا موسم

خیال و خواب ہُوا برگ و بار کا موسم
بچھڑ گیا تری صُورت، بہار کا موسم

کئی رُتوں سے مرے نیم وا دریچوں میں
ٹھہر گیا ہے ترے انتظار کا موسم

وہ نرم لہجے میں کچھ تو کہے کہ لَوٹ آئے
سماعتوں کی زمیں پر پھوار کا موسم

پیام آیا ہے پھر ایک سرو قامت کا
مرے وجود کو کھینچے ہے دار کا موسم

وہ آگ ہے کہ مری پور پور جلتی ہے
مرے بدن کو مِلا ہے چنار کا موسم

رفاقتوں کے نئے خواب خُوش نما ہیں مگر
گُزر چکا ہے ترے اعتبار کا موسم

ہَوا چلی تو نئی بارشیں بھی ساتھ آئیں
زمیں کے چہرے پہ آیا نکھار کا موسم

وہ میرا نام لیے جائے اور میں اُس کا نام
لہو میں گُونج رہا ہے پکار کا موسم

قدم رکھے مری خُوشبو کہ گھر کو لَوٹ آئے
کوئی بتائے مُجھے کوئے یار کا موسم

وہ روز آ کے مجھے اپنا پیار پہنائے
مرا غرور ہے بیلے کے ہار کا موسم

ترے طریقِ محبت پہ با رہا سوچا
یہ جبر تھا کہ ترے اختیار کا موسم

***************************************

پروین شاکر 2

اپنی رسوائی، ترے نام کا چرچا دیکھوں
اِک ذرا شعر کہوں اور میں کیا کیا دیکھوں

نیند آ جائے تو کیا محفلیں برپا دیکھوں
آنکھ کھُل جائے تو تنہائی کا صحرا دیکھوں

شام بھی ہو گئی، دھُندلا گئیں آنکھیں بھی مری
بھُولنے والے، میں کب تک ترا رَستا دیکھوں

ایک اِک کر کے مجھے چھوڑ گئیں سب سکھیاں
آج میں خُود کو تری یاد میں تنہا دیکھوں

کاش صندل سے مری مانگ اُجالے آ کر
اتنے غیروں میں وہی ہاتھ ، جو اپنا دیکھوں

تو مرا کُچھ نہیں لگتا ہے مگر جانِ حیات!
جانے کیوں تیرے لیے دل کو دھڑکتا دیکھوں!

بند کر کے مِری آنکھیں وہ شرارت سے ہنسے
بُوجھے جانے کا میں ہر روز تماشہ دیکھوں

سب ضِدیں اُس کی میں پوری کروں ، ہر بات سُنوں
ایک بچے کی طرح سے اُسے ہنستا دیکھوں

مُجھ پہ چھا جائے وہ برسات کی خوشبو کی طرح
انگ انگ اپنا اسی رُت میں مہکتا دیکھوں

پھُول کی طرح مرے جسم کا ہر لب کھِل جائے
پنکھڑی پنکھڑی اُن ہونٹوں کا سایا دیکھوں

میں نے جس لمحے کو پُوجا ہے، اُسے بس اِک بار
اب بن کر تری آنکھوں میں اُترتا دیکھوں

تو مری طرح سے یکتا ہے، مگر میرے حبیب!
میں آتا ہے، کوئی اور بھی تجھ سا دیکھوں

ٹُوٹ جائیں کہ پگھل جائیں مرے کچے گھڑے
تجھ کو میں دیکھوں کہ یہ آگ کا دریا دیکھوں


****************************************

سکوں بھی خواب ہُوا، نیند بھی ہے کم کم پھر
قریب آنے لگا دُوریوں کا موسم پھر

بنا رہی ہے تری یاد مُجھ کو سلکِ کُہر
پرو گئی مری پلکوں میں آج شبنم پھر

وہ نرم لہجے میں کُچھ کہہ رہا ہے پھر مُجھ سے
چھڑا ہے پیار کے کومل سُروں میں مدھم پھر

تجھے مناؤں کہ اپنی انا کی بات سُنوں
اُلجھ رہا ہے مرے فیصلوں کا ریشم پھر

نہ اُس کی بات میں سمجھوں نہ وہ مری نظریں
معاملاتِ زباں ہو چلے ہیں مبہم پھر

یہ آنے والا نیا دُکھ بھی اُس کے سر ہی گیا
چٹخ گیا مری انگشتری کا نیلم پھر

وہ ایک لمحہ کہ جب سارے رنگ ایک ہوئے
کِسی بہار نے دیکھا نہ ایسا سنگم پھر

بہت عزیز ہیں آنکھیں مری اُسے، لیکن
وہ جاتے جاتے انہیں کر گیا ہے پُر نم پھر
****************************************

دست گل پھیلا ہوا ہے میرے آنچل کی طرح

پھر مرے شہر سے گزرا ہے وہ بادل کی طرح
دست گُل پھیلا ہُوا ہے مرے آنچل کی طرح

کہہ رہا ہے کسی موسم کی کہانی اب تک
جسم برسات میں بھیگے ہُوئے جنگل کی طرح

اُونچی آواز میں اُس نے تو کبھی بات نہ کی
خفگیوں میں بھی وہ لہجہ رہا کومل کی طرح

مِل کے اُس شخص سے میں لاکھ خموشی سے چلوں
بول اُٹھتی ہے نظر، پاؤں کی چھاگل کی طرح

پاس جب تک وہ رہے ، درد تھما رہتا ہے
پھیلتا جاتا ہے پھر آنکھ کے کاجل کی طرح

اَب کسی طور سے گھر جانے کی صُورت ہی نہیں
راستے میرے لیے ہو گئے دلدل کی طرح

جسم کے تیرہ و آسیب زدہ مندر میں
دل سرِ شام سُلگ اُٹھتا ہے صندل کی طرح

***************************************

وہ جب سے شہر خرابات کو روانہ ہُوا
براہِ راست مُلاقات کو زمانہ ہُوا

وہ شہر چھوڑ کے جانا تو کب سے چاہتا تھا
یہ نوکری کا بُلاوا تو اِک بہانہ ہوا

خُدا کرے تری آنکھیں ہمیشہ ہنستی رہیں
یہ آنکھیں جن کو کبھی دُکھ کا حوصلہ نہ ہُوا

کنارِ صحن چمن سبز بیل کے نیچے
وہ روز صبح کا مِلنا تو اَب فسانہ ہُوا

میں سوچتی ہوں کہ مُجھ میں کمی تھی کِس شے کی
کہ سب کا ہوکے رہا وہ، بس اِک مرا نہ ہُوا

کِسے بُلاتی ہیں آنگن کی چمپئی شامیں
کہ وہ اَب اپنے نئے گھر میں بھی پرانا ہُوا

دھنک کے رنگ میں ساری تو رنگ لی میں نے
اور  اب یہ دُکھ ، کہ پہن کر کِسے دِکھانا ہُوا

میں اپنے کانوں میں بیلے کے پھُول کیوں پہنوں
زبانِ رنگ سے کِس کو مُجھے بُلانا ہُوا
***************************************

وہ عکسِ موجۂ گل تھا، چمن چمن میں رہا
وہ رنگ رنگ میں اُترا، کرن کرن میں رہا

وہ نام حاصلِ فن ہوکے میرے فن میں رہا
کہ رُوح بن کے مری سوچ کے بدن میں رہا

سکونِ دل کے لیے میں کہاں کہاں نہ گئی
مگر یہ دل، کہ سدا اُس کی انجمن میں رہا

وہ شہر والوں کے آگے کہیں مہذب تھا
وہ ایک شخص جو شہروں سے دُور بَن میں رہا

چراغ بجھتے رہے اور خواب جلتے رہے
عجیب طرز کا موسم مرے وطن میں رہا

****************************************


آج ملبوس میں ہے کیسی تھکن کی خوشبو
رات بھر جاگی ہوئی جیسے دُلہن کی خوشبو

پیرہن میرا مگر اُس کے بدن کی خوشبو
اُس کی ترتیب ہے ایک ایک شکن کی خوشبو

موجۂ گُل کو ابھی اِذنِ تکلم نہ ملے
پاس آتی ہے کسی نرم سخن کی خوشبو

قامتِ شعر کی زیبائی کا عالم مت پُوچھ
مہربان جب سے ہے اُس سرد بدن کی خوشبو

ذکر شاید کسی خُورشید بدن کا بھی کرے
کُو بہ کُو پھیلی ہُوئی میرے گہن کی خوشبو

عارضِ گُل کو چھُوا تھا کہ دھنک سی بکھری
کِس قدر شوخ ہے ننھی سی کرن کی خوشبو

کِس نے زنجیر کیا ہے رمِ آہو چشماں
نکہتِ جاں ہے انہیں دشت و دمن کی خوشبو

اِس اسیری میں بھی ہر سانس کے ساتھ آتی ہے
صحنِ زنداں میں انہیں دشت وطن کی خوشبو

****************************************
چہرہ میرا تھا نگاہیں اُس کی

چہرہ میرا تھا، نگاہیں اُس کی
خامشی میں بھی وہ باتیں اُس کی

میرے چہرے پہ غزل لکھتی گئیں
شعر کہتی ہوئی آنکھیں اُس کی

شوخ لمحوں کا پتہ دینے لگیں
تیز ہوئی ہُوئی سانسیں اُس کی

ایسے موسم بھی گزارے ہم نے
صبحیں جب اپنی تھیں ، شامیں اُس کی

دھیان میں اُس کے یہ عالم تھا کبھی
آنکھ مہتاب کی، یادیں اُس کی

رنگ جوئندہ وہ، آئے تو سہی!
آنکھ مہتاب کی، یادیں اُس کی

فیصلہ موجِ ہَوا نے لکھا!
آندھیاں میری ، بہاریں اُس کی

خُود پہ بھی کھُلتی نہ ہو جس کی نظر
جانتا کون زبانیں اُس کی

نیند اس سوچ سے ٹوٹی اکثر
کس طرح کٹتی ہیں راتیں اُس کی

دُور رہ کر بھی سدا رہتی ہیں
مُجھ کو تھامے ہُوئے باہیں اُس کی
****************************************
رنگ میرے ہاتھ کا حنائی ہو

ہتھیلیوں کی دُعا پھول لے کے آئی ہو
کبھی تو رنگ مرے ہاتھ کا حِنائی ہو!

کوئی تو ہو جو مرے تن کو روشنی بھیجے
کِسی کا پیار ہَوا میرے نام لائی ہو!

گلابی پاؤں مرے چمپئی بنانے کو
کِسی نے صحن میں مہندی کی باڑھ اُگائی ہو

کبھی تو مرے کمرے میں ایسا منظر بھی
بہار دیکھ کے کھڑکی سے ، مُسکرائی ہو

وہ سوتے جاگتے رہنے کا موسموں فسوں
کہ نیند میں ہوں مگر نیند بھی نہ آئی ہو
**************************************

ہم سے جو کُچھ کہنا ہے وہ بعد میں کہہ
اچھی ندیا! آج ذرا آہستہ بہہ

ہَوا! مرے جُوڑے میں پھُول سجاتی جا
دیکھ رہی ہوں اپنے من موہن کی راہ

اُس کی خفگی جاڑے کی نرماتی دھُوپ
پارو سکھی! اس حّدت کو ہنس کھیل کے سہہ

آج تو سچ مچ کے شہزادے آئیں گے
نندیا پیاری! آج نہ کُچھ پریوں کی کہہ

دوپہروں میں جب گہرا سناٹا ہو
شاخوں شاخوں موجِ ہَوا کی صُورت بہہ

****************************************
بعد مدت اسے دیکھا لوگو

بعد مُدت اُسے دیکھا، لوگو
وہ ذرا بھی نہیں بدلا، لوگو

خُوش نہ تھا مُجھ سے بچھڑ کر وہ بھی
اُس کے چہرے پہ لکھا تھا، لوگو

اُس کی آنکھیں بھی کہے دیتی تھیں
رات بھر وہ بھی نہ سویا، لوگو

اجنبی بن کے جو گزرا ہے ابھی
تھا کِسی وقت میں اپنا ، لوگو

دوست تو خیر کوئی کس کا ہے
اُس نے دشمن بھی نہ سمجھا، لوگو

رات وہ درد مرے دل میں اُٹھا
صبح تک چین نہ آیا ، لوگو

پیاس صحراؤں کی پھر تیز ہُوئی
اَبر پھر ٹوٹ کے برسا، لوگو

***************************************
چارہ گر ہار گیا ہو جیسے

چارہ گر، ہار گیا ہو جیسے
اب تو مرنا ہی دَوا ہو جیسے

مُجھ سے بچھڑا تھا وہ پہلے بھی مگر
اب کے یہ زخم نیا ہو جیسے

میرے ماتھے پہ ترے پیار کا ہاتھ
رُوح پر دست صبا ہو جیسے

یوں بہت ہنس کے ملا تھا لیکن
دل ہی دل میں وہ خفا ہو جیسے

سر چھپائیں تو بدن کھلتا ہے
زیست مفلس کی رِدا ہو جیسے

***************************************

پت جھڑ سے گلہ ہے نہ شکایت ہوا سے ہے 
پھولوں کو کچھ عجیب محبت ہوا سے ہے 

سرشارئ شگفتگی گل کو کیا خبر
منسوب ایک اور حکایت ہوا سے ہے 

رکھا ہے آندھیوں نے ہی ہم کو کشیدہ سر
ہم وہ چراغ ہیں جنہیں نسبت ہوا سے ہے 

اس گھر میں تیرگی کے سوا کیا رہے جہاں 
دل شمع پر ہیں اور ارادت ہوا سے ہے 

بس کوئی چیز سلگتی ہے دل کے پاس 
یہ آگ وہ نہیں جسے صحبت ہوا سے ہے 

صر صر کو اذن ہو جو صبا کو نہیں ہے بار
کنج قفس میں زیست کی صورت ہوا سے ہے ​
**************************************


بہت رویا وہ ہم کو یاد کرکے
ہماری زندگی برباد کرکے 

پلٹ کر پھر یہیں آجایئں گے ہم 
وہ دیکھے تو ہمیں آزاد کرکے 

رہائی کی کوئی صورت نہیں ہے 
مگر ہاں منت صیاد کرکے

بدن میرا چھوا تھا اس نے لیکن 
گیا ہے روح کو آباد کرکے 

ہر آمر طول دینا چاہتا ہے 
مقرر ظلم کی معیاد کرکے​
****************************************

چلنے کا حوصلہ نہیں ، رکنا محال کر دیا
عشق کے اس سفر نے تو مجھ کو نڈھال کر دیا

اے میری گل زمیں تجھے چاہ تھی اک کتاب کی
اہل کتاب نے مگر کیا تیرا حال کر دیا 

ملتے ہوئے دلوں کے بیچ اور تھا فیصلہ کوئی 
اس نے مگر بچھڑتے وقت اور سوال کر دیا 

اب کے ہوا کے ساتھ ہے دامن یار منتظر
بانوئے شب کے ہاتھ میں رکھنا سنبھال کر دیا 

ممکنہ فیصلوں میں ایک ، ہجر کا فیصلہ بھی تھا
ہم نے تو ایک بات کی ، اس نے کمال کر دیا 

میرے لبوں پہ مہر تھی ، پر شیشہ رو نے تو 
شہر شہر کو میرا واقفِ حال کر دیا 

چہرہ و نام ایک ساتھ آج نہ یاد آسکے
وقت نے کس شبیہہ کو خواب و خیال کر دیا

مدتوں بعد اس نے آج مجھ سے کوئی گلہ کیا
منصب دلبری یہ کیا مجھ کو بحال کر دیا​
************************************

تخت ہے اور کہانی ہے وہی 
اور سازش بھی پرانی ہے وہی 

قاضی شہر نے قبلہ بدلہ
لیکن خطبے میں روانی ہے وہی 

خیمہ کش اب کے ذرا دیکھ کے ہو
جس پہ پہرہ تھا ، یہ پانی ہے وہی 

صلح کو فسخ کیا دل میں مگر
اب بھی پیغام زبانی ہے وہی 

آج بھی چہرہ ء خورشید ہے زرد
آج بھی شام سہانی ہے وہی 

بدلے جاتے ہیں یہاں روز طبیب
اور زخموں کی کہانی ہے وہی 

حجلہ غم یونہی آراستہ ہے 
دل کی پوشاک شہانی ہے وہی 

شہر کا شہر یہاں ڈوب گیا
اور دریا کی روانی ہے وہی​
‏**************************************
میں اس سے کہاں ملی تھی 
بس خواب ہی خواب دیکھتی تھی

سایہ تھا کوئی کنار دریا
اور شام کی ڈوبتی گھڑی تھی

کہرے میں چھپا ہوا تھا جنگل
چڑیا کہیں دور بولتی تھی

لپٹی ہوئی دھند کی ردا میں 
اک زرد گلاب کی کلی تھی 

اک سبز غبار تھا فضا میں 
بارش کہیں سانس لے رہی تھی 

بادل کوئی چھو گیا تھا مجھ کو 
چہرے پر عجیب تازگی تھی 

آنکھوں میں ٹھہر گئی تھی شبنم 
اور روح میں نرم روشنی تھی 

کیا چیز تھی جو میرے بدن میں 
آہستہ آہستہ کھل رہی تھی 

اک گیت ہوا کے ہونٹ پر تھا
اور اس کی زبان اجنبی تھی 

اس رات جبین ماہ پر بھی 
تحریر کوئی قدیم سی تھی 

یہ عشق نہیں تھا اس زمیں کا
اس میں کوئی بات سرمدی تھی​
‏***************************************
جب ساز کی لے بدل گئی تھی
وہ رقص کی کون سی گھڑی تھی

اب یاد نہیں کہ زندگی میں 
میں آخری بار کب ہنسی تھی

جب کچھ بھی نہ تھا یہاں پر ماقبل
دنیا کس چیز سے بنی تھی 

مٹھی میں تو رنگ تھے ہزاروں
بس ہاتھ سے ریت بہہ رہی تھی 

ہے عکس ، تو آئینہ کہاں ہے 
تمثیل یہ کس جہاں کی تھی 

ہم کس کی زبان بولتے ہیں 
گر ذہن میں بات دوسری تھی 

تنہا ہے اگر ازل سے انسان
یہ بزم کلام کیوں سجی تھی

تھا آگ ہی گر میرا مقدر
کیوں خاک میں پھر شفا رکھی تھی 

کیوں موڑ بدل گئی کہانی 
پہلے سے اگر لکھی ہوئی تھی​

***************************************

سلا رہا تھا نہ بیدار کر سکا تھا مجھے
وہ جیسے خواب میں محسوس کر رہا تھا مجھے

یہی تھا چاند اور اس کو گواہ ٹھہرا کر 
ذرا سا یاد تو کر تو نے کیاکہا تھا مجھے

تمام رات میری خواب گاہ روشن تھی
کسی نے خواب میں اک پھول دے دیا تھا مجھے 

وہ دن بھی آئے کہ خوشبو سے میری آنکھ کھلی 
اور ایک رنگ حقیقت میں چھو رہا تھا مجھے 

میں اپنی خاک پہ کیسے نہ لوٹ کر آتی 
بہت قریب سے کوئی پکارتا تھا مجھے 

درون خیمہ ہی میرا قیام رہنا تھا
تو میر فوج نے لشکر میں کیوں لیا تھا مجھے​
‏**************************************

کمالِ ضبط کو خود بھی تو آزماؤں گی
میں اپنے ہاتھ سےاس کی دلہن سجاؤں گی

سپرد کر کے اسے چاندنی کے ہاتھوں میں
میں اپنے گھر کے اندھیروں کو لوٹ آؤں گی

بدن کے کرب کو وہ بھی سمجھ نہ پائے گا
میں دل میں روؤں گی، آنکھوں میں مسکراؤں گی

وہ کیا گیا رفاقت کے سارے لطف گئے
میں کس سے روٹھ سکوں گی، کسے مناؤں گی

اب اُس کا فن تو کسی اور سے ہوا منسوب
میں کس کی نظم اکیلے میں گُنگناؤں گی

وہ ایک رشتہ بے نام بھی نہیں لیکن
میں اب بھی اس کے اشاروں پہ سر جھکاؤں گی

بچھا دیا تھا گلابوں کے ساتھ اپنا وجود
وہ سو کے اٹھے تو خوابوں کی راکھ اٹھاؤں گی

سماعتوں میں اب جنگلوں کی سانسیں ہیں
میں اب کبھی تری آواز سُن نہ پاؤں گی

جواز ڈھونڈ رہا تھا نئی محّبت کا
وہ کہہ رہا تھا کہ میں اُس کو بھول جاؤں گی
**************************************
حسن کو سمجھنے کو عمر چاہیے ، جانا!

دو گھڑی کی چاہت میں لڑکیاں نہیں کھلتیں

وہ رت بھی آئی کہ میں پھول کی سہیلی ہوئی

مہک میں چمپا، روپ میں چنبیلی ہوئی

مجھ پہ چھا جائے وہ برسات کی خوشبو کی طرح

انگ انگ اپنا اسی رُت میں مہکتا دیکھوں

ہتھیلیوں کی دعا پھول لے کے آئی ہو

کبھی تو رنگ مرے ہاتھ کا حِنائی ہو!
جاری ہے
***************************************