نور کا سفر

 مبارک ساعتیں۔۔۔ جن میں دعائیں قبول ہوتی ہیں۔۔۔

فجر میں نور ہے۔۔۔

فجر میں اللہ کی رحمتوں کا نزول ہوتا ہے۔۔۔ اس کی برکتیں تقسیم ہوتی ہیں۔۔۔ رزق کی تقسیم ہوتی ہے۔۔۔ فجر میں فرشتوں کی۔۔۔ ڈیوٹیاں تبدیل ہوتی ہیں۔۔۔ اس کی رحمتوں کی چھما چھم۔۔۔ بارش ہوتی ہے۔۔۔ مانگنے والے محروم نہیں رہتے۔۔۔ نماز نیند سے بہتر ہے۔۔۔ جاگنے والے پالیتے ہیں۔۔۔ سونے والے۔۔۔ ساری برکتوں سے محروم۔۔۔ ہوجاتے ہیں۔۔۔ ساعت سعد ہیں۔۔۔ فجر کی گھڑیاں۔۔۔ ان لمحوں کو ضائع نہ کرو۔۔۔ ان لمحات کو۔۔۔ قیمتی بنالو۔۔۔ جو فجر کو پالے۔۔۔ اللہ رب العزت۔۔۔ اس کے دن بھر کے کاموں میں۔۔۔ کفالت کرتا ہے۔۔۔

فجر مشہود ہے۔۔۔ فرشتے فجر میں۔۔۔ گواہ بنتے ہیں۔۔۔ بندوں کو دعاؤں پر آمین کہتے ہیں۔۔۔ 

حدیثِ مبارکہ کا مفہوم ہے کہ۔۔۔

جو بندہ نماز فجر کے بعد۔۔۔ سورہ یسین پڑھ لے۔۔۔ اللہ اس کے دن بھر کے۔۔۔ سارے کاموں کا کفیل ہو جائے گا۔۔۔

 سحر کے وقت۔۔۔

    ہر رات کے آخری حصہ میں۔۔۔ اجابت دعا کے خصوصی لمحات ہوتے ہیں۔۔۔ 

اس وقت میں ۔۔۔ دعا واستغفار کرنے والوں کی۔۔۔ اللہ تعالیٰ نے۔۔۔ کلام پاک میں کئی جگہ تعریف وتوصیف فرمائی ہے۔۔۔

ارشادباری تعالیٰ ہے۔۔۔

    وَالْمُسْتَغْفِرِیْنَ بِالْاَسْحَار۔

    ’’اور پچھلی رات کو ۔۔۔بخشش مانگنے والے۔‘‘(آل عمران17)۔۔۔

     نیز ارشاد ربانی ہے۔۔۔

    کَانُوْا قَلِیْلًا مِّنَ الَّیْلِ مَا یَہْجَعُوْنَ،وَبِالْاَسْحَارِ ہُمْ یَسْتَغْفِرُوْن۔

    ’’(ﷲ کے وہ بندے) رات کو۔۔۔ بہت کم سویاکرتے تھے۔۔۔ اورسحر کے وقت وہ (توبہ و)استغفار کیا کرتے تھے۔۔۔‘‘(الذاریات 18,17)۔

 استغفار بھی دعا ہی کی ایک قسم ہے۔۔۔

    نبی کریم کا ارشاد گرامی ہے۔۔۔

    ’’ہمارا رب تبارک وتعالی۔۔۔ٰ ہر رات کے آخری تہائی حصہ میں ۔۔۔آسمانِ دنیا پر نزول فرماتا ہے۔۔۔ اوریہ اعلان کرتا ہے۔۔۔

 ہے کوئی مجھ سے مانگنے والا ۔۔۔میں اس کی دعائیں قبول کروں۔۔۔ ہے کوئی مجھ سے سوال کرنے والا ۔۔۔میں اس کو عطا کروں۔۔۔ ہے کوئی مجھ سے بخشش۔۔۔ طلب کرنے والا میں۔۔۔ اس کی مغفرت کردوں۔۔۔‘‘

    سیدنا عمرو بن عبسہ رضی اللہ عنہ روایت کرتے ہیں۔۔۔ کہ رسول اللہ نے فرمایا۔۔۔

    ’’رات کے آخری حصے میں۔۔۔ آدمی اپنے رب کے بہت قریب ہوتا ہے۔۔۔ اگر تم ان گھڑیوں میں اللہ کا ذکر کرسکو۔۔۔ تو ضرورکیا کرو۔۔۔‘‘

رات کے آخری حصے میں۔۔۔ انسان اپنے رب کے۔۔۔ بہت قریب ہوتا ہے۔۔۔  اگر تم ان گھڑیوں میں۔۔۔ اللہ کا ذکر کرسکو تو ۔۔۔ ضرورکیا کرو۔۔۔ یہ گھڑیاں تمہیں اپنے رب سے۔۔۔ قریب کردیں گی۔۔۔ ان لمحوں میں۔۔۔ ان گھڑیوں میں۔۔۔ جو مانگو۔۔۔ مل جاتا ہے۔۔۔ فیصلے ہو جاتے ہیں۔۔۔  یہ مبارک لمحے ہیں۔۔۔ راز و نیاز کی گھڑیاں ہیں۔۔۔ ان میں اللہ کی رحمت۔۔۔ برستی ہے۔۔۔ ان لمحوں میں مانگنے والا۔۔۔ مایوس نہیں ہوتا۔۔۔ سوالی خالی نہیں لوٹتا۔۔۔ مزدوری کرنے والے کو۔۔۔ اس کا اجر مل جاتا ہے۔۔۔ رات کی گھڑیوں میں مانگ۔۔۔ صبح قبول ہوتا دیکھ۔۔۔

عبادت کا سودا۔۔۔ اندھیرے اندھیرے۔۔۔

منافع  کمایا ۔۔۔۔  سویرے   سویرے۔۔۔ ‘‘

مانگو والوں نے۔۔۔ انہیں لمحوں کی برکت سے۔۔۔ ہر چیز پائی ہے۔۔۔

سورہ آل عمران میں۔۔۔ حق سبحانہ کا ارشادِ مقدس ہے۔۔۔

’’پھر ان کے رب نے۔۔۔  ان کی دعا قبول فرما لی۔۔۔ (اور فرمایا)۔۔۔ یقینا میں تم میں سے ۔۔۔کسی محنت والے کی ۔۔۔ مزدوری ضائع نہیں کرتا ۔۔۔خواہ مرد ہو یا عورت۔۔۔‘‘

(آل عمران۔۔۔ 195)

جمعہ کے دن ۔۔۔ قبولیت کے اوقات۔۔۔

اللہ تعالیٰ نے قرآن کریم میں۔۔۔ جمعہ کے دن کی۔۔۔ اور عرفہ کے دن کی۔۔۔ قسم اٹھائی ہے۔۔۔

جس چیز کی قسم۔۔۔ اللہ نے کھائی ہو۔۔۔ اس میں کوئی بات۔۔۔ کوئی راز تو ہوگا۔۔۔ کوئی انتہا تو ہوگی کہ اللہ قسم کھا کر۔۔۔ اس کی اہمیت بتلا رہا ہے۔۔۔ اے مانگنے والے۔۔۔ جن لمحوں کی۔۔۔ جن اوقات کی۔۔۔جن مہینوں کی۔۔۔ جن دنوں کی قسم۔۔۔ اللہ رب العزت نے اٹھائی ہے۔۔۔ ان میں مانگ کے دیکھ۔۔۔ نامراد نہیں لوٹو گے۔۔۔

 سورۃ البروج میں ارشاد باری تعالیٰ ہے۔۔۔

    ’’وَشَاہِدٍ وَمَشْہُودٍ‘‘۔

    حضرت ابوہریرہ رضی اللہ عنہ فرماتے ہیں کہ۔۔۔

 نبی کریم نے فرمایا۔۔۔

  ’’ الشَّاہِدُ یَوْمُ الْجُمُعَۃِ وَالْمَشْہُودُ یَوْمُ عَرَفَۃَ ‘‘(البیہقی)

  عشرہ ذوالحجہ میں کی جانے والی دعا

  ذوالحجہ کے پہلے10 دن پورے سال کے دنوں سے زیادہ افضل اور قیمتی ہیں۔۔۔ 

سیدنا عبد ﷲ بن عباس رضی اللہ عنہ سے روایت ہے کہ۔۔۔

 رسول اﷲ نے فرمایا۔۔۔

    ’’پورے سال میں کوئی بھی دن۔۔۔

 ایسے نہیں جن میں۔۔۔ نیک عمل اللہ کو۔۔۔ اس قدر محبوب ہو ۔۔۔ ںجس قدر ذو الحجہ کے ان10 دنوں میں کئے گئے۔۔۔ نیک اعمال اللہ کو محبوب ہوتے ہیں۔۔۔ ‘‘

    صحابہ کرام نے عرض کیا۔۔۔

 اللہ کے رسول۔۔۔! کیا اللہ کی راہ میں جہاد بھی نہیں۔۔۔؟

    آپ نے فرمایا ۔۔۔

جہاد بھی نہیں۔۔۔  الا یہ کہ کوئی شخص۔۔۔ اپنی جان ومال لے کر نکلے۔۔۔ اور

۔۔۔ اور پھر اس میں سے کچھ بھی لے کر واپس نہ آئے۔۔۔‘‘(ابو داؤد)

جمعہ کے دن۔۔۔ میں قبولیت کی گھڑی کون سی ہے۔۔۔

قرآن پاک میں ارشاد ہوتا ہے۔۔۔

"اے لوگو۔۔۔! جب تمہیں نماز جمعہ کے لئے۔۔۔ بلایا جائے تو۔۔۔ سب کام چھوڑ دو۔۔۔ اور پھر نماز کے بعد۔۔ زمین میں پھیل جاؤ۔۔۔ اور اپنے رب کا فضل تلاش کرو۔۔۔"

قرآن کریم کی اس آیت مبارکہ سے ثابت ہوتا ہے کہ۔۔۔ اللہ کا فضل۔۔۔ جمعہ کی نماز کے بعد کی۔۔۔ گھڑیاں ہیں۔۔۔ لوگوں نے اس کے تجربات کئے ہیں۔۔۔ اور حق پایا ہے۔۔۔ اللہ کے فضل کو ان اوقات میں پایا ہے۔۔۔ ان لمحوں میں مانگی ہوئی۔۔۔ دعائیں قبول ہوئیں ہیں۔۔۔ رزق روزی میں برکت دیکھی گئی ہے۔۔۔ خدا کا فضل تلاش کرنے والوں نے۔۔۔ ان گھڑیوں میں۔۔۔ بے بہا نعمتیں پائی ہیں۔۔۔

 زوال کے بعد۔۔۔ نماز ظہر سے قبل دعا۔۔۔

    سیدنا عبد اللہ بن سائب رضی اللہ عنہ روایت کرتے ہیں۔۔۔ کہ رسول اللہ زوال آفتاب کے بعد۔۔۔ نماز ظہر سے پہلے ۔۔۔4 رکعت نماز ادا کرتے اورفرماتے۔۔۔

    ’’یہ ایک ایسی گھڑی ہے ۔۔۔جس میں آسمان کے دروازے ۔۔۔کھول دئیے جاتے ہیں۔۔۔۔ اورمیں یہ پسند کرتا ہوں کہ ۔۔۔ان لمحات میں میرے نیک اعمال اوپر جائیں۔۔۔‘‘(ترمذی)۔۔۔

 

بارش کے وقت۔۔۔

بارش اللہ تعالیٰ کی رحمت ہے۔۔۔ حدیث کے مطابق۔۔۔ بارش کے ہر قطرے کیساتھ۔۔۔ ایک فرشتہ اترتا ہے۔۔۔ 

جب بارش ہو رہی ہو۔۔۔اُسوقت کی گئی دعا۔۔۔ زیادہ قبول ہوتی ہے۔۔۔

سیدنا سہل بن سعدؓ روایت کرتے ہیں کہ۔۔۔

 نبی کریم نے فرمایا۔۔۔

دو اوقات میں۔۔۔ مانگی گئی دعا۔۔۔ رد نہیں ہوتی۔۔۔

 ایک تو اذان کے وقت۔۔۔

 اور دوسری اس وقت کی دعا جب۔۔۔ بارش ہو رہی ہو۔۔۔

فضیلت والے اوقات۔۔۔ میں دعا کرنا۔۔۔

  اذان کے وقت۔۔۔۔

    مؤذن جب اذان کہتا ہے تو۔۔۔ ایسے وقت میں کی جانے والے دعا ۔۔۔ زیادہ قبول ہوتی ہے۔۔۔ سیدنا انس رضی اللہ عنہ رسول اللہ ۔۔۔ بیان کرتے ہیں کہ۔۔۔ پیارے نبی کریم نے فرمایا۔۔۔

    ’’جب مؤذن اذان کہتا ہے۔۔۔ توآسمان کے دروازے کھول دئیے جاتے ہیں۔۔۔ اور دعائیں قبول کی جاتی ہیں۔۔۔‘‘ 

اذان و اقامت کے درمیان۔۔۔

    اذان اور اقامت کے درمیان۔۔۔ دعاؤں کی قبولیت کے امکانات۔۔۔ بہت زیادہ ہوتے ہیں۔۔۔ نبی کریم کا فرمان مقدس ہے۔۔۔

    ’’ اذان اوراقامت کے درمیان ۔۔۔مانگی جانے والی دعا نامنظور نہیں ہوتی۔۔۔ ‘‘

    صحابہ کرامؓ نے عرض کیا۔۔۔

اے اللہ کے رسول۔۔۔! ہم اس وقت میں کیا مانگا کریں۔۔۔؟

    آپ نے فرمایا۔۔۔

    ’’اللہ تعالیٰ سے دنیا اور آخرت۔۔۔ کی عافیت کا سوال کیا کرو۔۔۔‘‘(ترمذی)۔۔۔

اس کی رحمت تو۔۔۔ اپنے بندوں کو دینے کے۔۔۔ بہانے ڈھونڈتی ہے۔۔۔ وہ بڑا کریم ہے۔۔۔ انسان ہی بس غافل

افطار کے وقت۔۔۔

    روزہ دار کی دعا زیادہ ۔۔۔قبول ہوتی ہے۔۔۔

 افطار کے وقت رحمت الٰہی خصوصاً۔۔

بندے کی طرف۔۔۔ زیادہ متوجہ ہوتی ہے۔۔۔

حضرت ابوہریرہ رضی اللہ عنہ سے مروی ہے کہ۔۔۔

رسول اللہ نے فرمایا۔۔۔

    ’’تین اشخاص کی دعا ۔۔۔ نامنظور نہیں ہوتی۔۔۔

روزہ دار کی۔۔۔  حتیٰ کہ وہ روزہ افطار کرلے۔۔۔

امام عادل کی۔۔۔

 اور مظلوم کی ۔۔۔

‘ترمذی۔۔۔

دعائیں تقدیر بدل دیتی ہیں۔۔۔ دعائیں وہ کام کر دکھاتی ہیں جو۔۔۔ ناممکن ہو۔۔۔ دعا عرش پار کر جائے تو پھر۔۔۔ قبولیت کی مہر۔۔۔ لگوا کر ہی۔۔۔ پلٹتی ہے۔۔۔

دعائیں تقدیر بدلنے کی۔۔۔ صلاحیت رکھتی ہیں۔۔۔

تاریخ کے دھارے کو۔۔۔ موڑ دیتی ہیں۔۔۔

جنگ بدر میں۔۔۔ مٹھی بھر مسلمانوں کے مقابلے میں۔۔۔ کفار ومشرکین کا۔۔۔ ٹھاٹھیں مارتا سمندر تھا۔۔۔

رحمت دوعالم صلی اللہ علیہ وآلہ وسلم نے۔۔۔ اللہ کی بارگاہ میں التجا کی۔۔۔

" یا اللہ۔۔۔!! یہ مٹھی بھر مسلمان۔۔۔ آج ختم ہوگئے تو۔۔۔ دنیا میں کوئی۔۔۔ تیرا نام لینے والا نہیں رہے گا۔۔۔ یا اللہ۔۔۔ تو ہم پر اپنا کرم۔۔۔ نازل فرما۔۔۔ اور ہماری مدد فرما۔۔۔"

تاریخ گواہ ہے کہ۔۔۔ پھر کس طرح۔۔۔ اللہ رب العزت نے۔۔۔ اپنے پیغمبر کی دعا کو۔۔۔ شرف قبولیت بخشا۔۔۔ اور مٹھی بھر مسلمانوں نے۔۔۔ فتح پائی۔۔۔ قدرت رکھنے والے نے۔۔۔ اپنی تدبیر سے۔۔۔ اپنے فرشتے بھیج کر۔۔۔ مومنین کی مدد فرمائی۔۔۔

پیر اور جمعرات کے۔۔۔ مبارک دن۔۔۔

     ہفتہ میں دو مرتبہ۔۔۔

 بندوں کے اعمال۔۔۔  بارگاہ الہٰی میں پیش کئے جاتے ہیں۔۔۔

پیراور جمعرات کے دن۔۔۔  مغفرت کے فیصلے ہوتے ہیں۔۔۔  چنانچہ ان ایام میں دعا کرنے والا ۔۔۔رحمت اور مغفرت سے محروم نہیں رہتا۔۔۔

صحیح مسلم میں۔۔۔ امام الانبیاء کا ارشاد گرامی ہے۔۔۔

    ’’ جنت کے دروازے۔۔۔ پیر اور جمعرات کو کھولے جاتے ہیں۔۔۔ اس موقع پر ہر اس شخص کی مغفرت ہو جاتی ہے۔۔۔ جو اللہ کے ساتھ ۔۔۔ شرک نہ کرتا ہو۔۔۔

 سوائے اس شخص کے۔۔۔ جس کی اپنے بھائی کے ساتھ کوئی اَن بن ہو ۔۔۔ 

 ان کے بارے میں فرمایا جاتا ہے۔۔۔

 ان دونوں کامعاملہ اس وقت تک۔۔۔

 مؤخر رکھو ۔۔۔ جب تک یہ آپس میں۔۔۔ صلح نہیں کرلیتے۔۔۔۔‘‘(مسلم) ۔۔۔

حضرت سہل بن سعد سے ۔۔۔ ہیکہ۔۔۔

رحمت دوعالم صلی اللہ علیہ وآلہ وسلم نے ارشاد فرمایا۔۔۔

    ’’دو گھڑیاں ایسی ہیں ۔۔۔ کہ ان میں کسی دعا کرنے والے کی ۔۔۔ دعا کم ہی نا منظور ہوتی ہے۔۔۔

ایک تو جب اذان ہوتی ہے۔۔۔

 اوردوسرے جب اللہ کی راہ میں۔۔۔ قتال کے لئے صفیں درست کی جائیں۔۔۔‘‘

 رکوع وسجود میں۔۔۔ دعا کی قبولیت۔۔۔

    سیدہ عائشہ رضی اللہ عنہا فرماتی ہیں۔۔۔

 کہ نبی کریم صلی اللہ علیہ وآلہ وسلم۔۔  رکوع میں یہ دعا۔۔۔  کثرت سے پڑھا کرتے تھے۔۔۔

    ’’اے اللہ۔۔۔ ! میں نے تجھی کو رکوع کیا۔۔۔ تجھی پر ایمان لایا۔۔۔ تیرے لئے فرماں بردار ہوا۔۔۔ میری سماعت۔۔۔ میری بصارت۔۔۔ میرا دماغ ۔۔۔ میری ہڈیاں ۔۔۔ اور میرے اعصاب ۔۔۔ سب تیرے سامنے جھکے ہوئے ہیں۔۔۔" (نسائی)۔۔۔

     سجدہ میں دعا کی قبولیت۔۔۔۔

سجدہ میں انسان۔۔۔ اپنے رب کے سب سے زیادہ۔۔۔ قریب ہوتا ہے۔۔۔ اپنی پیشانی کو زمین پر جھکا کر۔۔۔ اپنی عاجزی اور انکساری کا۔۔۔ اظہار کرتا ہے۔۔۔ اور انسان کا یہ انداز بارگاہ کریمی میں مقبول ہے۔۔۔ رحمت الٰہی اپنے زوروں پر۔۔۔ آتی ہے۔۔۔ حکم ہوتا ہے۔۔۔ مانگ کیا مانگتا ہے۔۔۔ اور اس وقت عبد۔۔۔ معبود سے جو سوال کرے۔۔۔ پورا کیا جاتا ہے۔۔۔

   فرمان رسول کریم  ہے۔۔۔

    ’’ آدمی اپنے رب سے۔۔۔ سب سے زیادہ قریب اس وقت ہوتا ہے ۔۔۔جب وہ حالت سجدہ میں ہوتا ہے۔۔۔‘‘(مسلم)۔

اس وقت مانگنے والا۔۔۔ محروم نہیں رہتا۔۔۔

بدھ کے روز۔۔۔  ظہر اور عصر کے۔۔۔ درمیان  دعا کی قبولیت کا راز۔۔۔

    سیدنا جابر بن عبد اللہ رضی اللہ عنہ سے روایت ہے ۔۔۔

    رسول اللہ صلی اللہ علیہ وآلہ وسلم۔۔۔

 نے مسجد فتح میں تین  روز تک دعا کی ۔۔۔

پیر کے دن۔۔۔ منگل کے دن۔۔۔ اور بدھ کے دن۔۔۔

 آپ کی دعا ۔۔۔ بدھ کے روز دو نمازوں ۔۔۔

(ظہر و عصر)۔۔۔ کے درمیان قبول ہوگئی۔۔۔

 تو آپ کے چہرہ انور پرخوشی کے۔۔۔

 آثار نمایاں ہوگئے۔۔۔

 سیدنا جابر کہتے ہیں ۔۔۔

 اس کے بعد جب بھی مجھے ۔۔۔

کوئی مشکل صورت حال پیش آئی۔۔۔ تو میں نے انہی گھڑیوں میں دعا مانگی ۔۔۔اور میرا مسئلہ حل ہو گیا۔۔۔‘‘(مسند احمد)

دعا کے فضائل۔۔۔۔

دعا زندگی ہے۔۔۔ دعا سے امیدوں کا گلشن۔۔۔ ہرا بھرا رہتا ہے۔۔۔

دعا پیاسے دل کی۔۔۔ پیاس ہے۔۔۔

بیقراریوں میں۔۔۔ قرار ہے۔۔۔ 

دعا دین و دنیا کی حاجات وضروریات۔۔۔ کی تکمیل کا زینہ ہے۔۔۔

دعا غموں اور مصیبتوں کو دور کرنے۔۔۔ کا عظیم ترین ذریعہ وسیلہ ہے۔۔۔

دعا بندے اور معبود کے رشتے کو مضبوط کرتا ہے۔۔۔ 

دعااللہ سے بندے کے تعلقات۔۔۔ کو استوار کراتی ہے۔۔۔

دعا وہ مہکتا ہوا گلاب ہے۔۔۔ جس کی خوشبو سے۔۔۔  مایوس دلوں میں۔۔۔ روشنی پیدا ہوتی ہے۔۔۔

دعااحساس دلاتی ہے کہ میرا رب ۔۔۔ قدرت  رکھتا ہے۔۔۔ وہ ہر چیز پر قادر ہے۔۔۔

دعاآدابِ حیات سکھاتی ۔۔۔اور انہیں دل کے نہاں خانوں ميں پیوست کرتی ہے۔۔۔

دعا مومنوں ۔۔۔ مسلمانوں کا ہتھیار ہے۔۔۔

دعاعبادت ہے۔۔۔ اور عبادت ذریعہ ہے خوشنودی ۔۔۔رب کے حصول کا۔۔۔

دعازندگی کی زینت وآرائش ہے۔۔۔ جو امیدوں کا گلشن سجادیتی ہے۔۔۔

دعا صحرا میں۔۔۔ پیاس ہے۔۔۔

دعا  تقدیر بدلنے کی۔۔۔ طاقت رکھتی ہے۔۔۔

دعا زندگی کا وہ گل سر سبز ہے۔۔۔ جو پو رے گلشن حیات کو معطر رکھتا ہے۔۔۔

دعااحساس بندگی کی وہ معراج ہے۔۔۔ جس کے اوپر کوئی معراج نہیں۔۔۔

دعاخالق ومخلوق کے درمیان کا وہ پل ہے ۔۔۔جو خالق سے مخلوق کو سید ھا جوڑ دیتا ہے۔۔۔

دعا سرگوشی ہے۔۔ جو ربِّ کائنا ت سے کی جاتی ہے۔۔۔

دعا قربت الہٰی کا وہ وسیلہ ہے ۔۔۔جس سے بڑھ کر کوئی دوسرا وسیلہ نہیں۔۔۔

دعا ربِّ کا ئنات کو محبوب ہے۔۔۔ اور یہ ایسی فضیلت ہے۔۔۔ جو کسی عبادت کو بھی حاصل نہیں۔۔۔

 حضرت نعمان بن بشیر رضی اللہ عنہما فرما تے ہیں کہ ۔۔رسولِ  خدا صلی اللہ علیہ وسلم نے فرمایا ۔۔۔ دعا عبادت کا مغز ہے۔”

(ترمذی، أبو داود)

“حضرت ابوہریرہ رضی اللہ عنہ بیان کرتے ہیں کہ۔۔۔

 رسول اللہ صلی اللہ علیہ وسلم نے فرمایا۔۔۔

"دنیا کی کوئی بھی شے اللہ کے... نزدیک دعا سے زیادہ برتر وعزیز تر نہیں..."

حضرت ابوہریرہ رضی اللہ عنہ سے روایت ہے کہ۔۔۔ اللہ کے رسول صلی علیہ وسلم نے فرمایا۔۔۔

"اللہ تعالیٰ ارشاد فر ماتا ہے... کہ میں اپنے بندے کے گمان کے پاس ہوتا ہوں ...اور جب وہ مجھے پکا رتا ہے تو میں اس کے ساتھ ہوتا ہوں۔.."

 اللہ سے جیسا گمان رکھو گے۔۔۔ اللہ تمہارے ساتھ ویسا ہی۔۔۔ معاملہ فرمائیگا۔۔۔ اور نیک گمان رکھنا۔۔۔ عبادت حسنہ میں سے ہے۔۔۔ 

اور غلط گمان رکھنے سے دین مبین نے۔۔۔ منع فرمایا ہے۔۔۔

 قرآن میں آتا ہے۔۔۔

اے لوگو۔۔۔!! بہت زیادہ گمان ( غلط) کرنے سے بچو۔۔۔ بعض گمان گناہ ہوتے ہیں۔۔۔"

حضرت عبادہ بن صامت رضی اللہ عنہ روایت کرتے ہیں کہ۔۔۔ نبی کریم صلی اللہ علیہ وسلم نے فرمایا۔۔۔

"روئے زمین پر کوئی بھی مسلمان... اللہ سے کوئی دعا کرے تو۔۔۔ اللہ اس کی دعا ضرور قبول کرتا ہے۔۔۔یا تو اس کی مانگی ہوئی مراد ۔۔۔فوری طور پر اسے مل جا تی ہے ۔۔۔ یا دعاء کے بقدر۔۔۔ اس کی مصیبت ٹال دی جاتی ہے۔۔۔ شرط یہ ہے کہ اس کی دعا گناہ یا قطع رحمی پر مبنی نہ ہو۔۔۔ 

یا پھر اس کی دعا کو۔۔۔ آخرت کے لیے۔۔۔ ذخیرہ کر لیا جاتا ہے۔۔۔"

دعا صرف اللہ سے کیجئے۔۔۔  اپنے دل کی ہر مراد۔۔۔ اللہ سے مانگیں۔۔۔ اس کے سوا آپ کی خیر خواہی۔۔۔ چاہنے والا کوئی نہیں ہو سکتا۔۔۔ 

سوالی بن کر مانگیں۔۔۔ جھولیاں پھیلا کر مانگیں۔۔۔ گڑ گڑا کر۔۔۔ عاجزی و انکساری کیساتھ مانگیں۔۔۔ اسے اس کے وعدوں کا۔۔۔ واسطہ دیکر مانگیں۔۔۔ رحمت والی۔۔۔ قبولیت والی۔۔۔ فضل والی۔۔۔ گھڑیوں میں۔۔۔ لمحوں میں مانگیں۔۔۔ ساعت فضل میں مانگیں۔۔۔ تب اللہ کی رحمت جوش میں ہوتی ہے۔۔۔  بندے کو نواز دیا جاتا ہے۔۔۔ کوئی سوالی خالی نہیں لوٹتا۔۔۔

دعائیں کیسے قبول ہوتی ہیں؟؟؟۔۔۔

دوسروں کے لیے مانگیں۔۔۔ امت کے لئے مانگیں۔۔۔

بخشش۔۔۔ کرم۔۔۔ عطائیں۔۔۔ امت کیلئے مغفرت۔۔۔

دوسروں کے لیے مانگنے سے۔۔۔ دوسروں کے لیے۔۔۔ دعا کرنے سے۔۔۔ دعاؤں کی طاقت و تاثیر۔۔۔ بڑھ جاتی ہے۔۔۔ دوسروں کے لیے۔۔۔ آسانیاں پیدا کریں۔۔۔ اللہ آپ کی راہوں کو۔۔۔ آسان کر دے گا۔۔۔ دوسروں کی مشکلات کو حل کرنے میں۔۔۔ ان کی مدد کریں۔۔۔ اللہ آپ کی۔۔۔ مشکلات کو حل فرما دے گا۔۔۔ دوسروں کے راستوں کے۔۔۔ کانٹے چن لیں۔۔۔ اللہ آپ کی راہوں میں۔۔۔ پھول بکھیر دے گا۔۔۔ اللہ کی سنت کو اپنائیں۔۔۔ دوسروں کو دیں جیسے۔۔۔ اللہ دیتا ہے۔۔۔ دوسروں کو معاف کر دیں۔۔۔ جیسے اللہ معاف کر دیتا ہے۔۔۔ اللہ کی صفات اپنائیں۔۔۔ اللہ آپ کو اپنے قریب کر لیگا۔۔۔ مخلوق کی خدمت کرنا بھی۔۔۔ عبادت ہے۔۔۔ 

حدیثِ مبارکہ کا مفہوم ہے۔۔۔

"جس نے اپنے مسلمان بھائی کی مدد کی۔۔۔ اللہ اس کی مدد کرے گا۔۔۔ جس نے اپنے مسلمان بھائی کی پردہ پوشی کی۔۔۔ اللہ دنیا و آخرت میں۔۔۔ اس کی پردہ پوشی فرما ئے گا۔۔۔ "

دعا میں اخلاص کا ہونا بہت ضروری ہے۔۔۔

دعا میں اخلاص نہ ہو۔۔۔ یقین نہ ہو۔۔۔ تو دعا قبول نہیں ہوتی۔۔۔اخلاص سے مانگی ہوئی دعا۔۔۔ اللہ کی بارگاہ میں۔۔۔ قبولیت حاصل کرتی ہے۔۔۔

سورہ اعراف آیت 29  میں اس بات کا تذکرہ موجود ہے۔۔۔

(وَادْعُوهُ مُخْلِصِينَ لَهُ الدِّينَ) 

"اور عبادت اللہ تعالی کیلئے... خالص کرتے ہوئے [دعا میں]اسی کو پکارو..."

جس سے مانگ رہے ہو۔۔۔ اس کی ذات پر۔۔۔ اس بات کا یقین اور ایمان رکھو۔۔۔ کہ اس کے سوا۔۔۔ تمہاری حاجتوں کو۔۔۔ پورا کرنے والا کوئی نہیں ہے۔۔۔ وہی ہے جو تمہیں مشکلوں سے۔۔۔ نکال سکتا ہے۔۔۔اس کے سوا کوئی تمہارا۔۔۔ چارہ گر۔۔۔ نہیں ہے۔۔۔

دعا کی شرائط۔۔۔ اور آداب۔۔۔

حلال کھانا پینا۔۔۔ احکامات الہیہ کی تعمیل۔۔۔ اخلاص۔۔۔ للہیت۔۔۔ حاضر قلبی ۔۔۔

اللہ تعالی کے اسما و صفات کا واسطہ۔۔۔

 نبی ﷺ پر درود۔۔۔

 جلد بازی سے اجتناب۔۔۔

 اور قبولیتِ دعا کے۔۔۔ زمان و مکان   شامل ہیں ۔۔۔

دعا کی قبولیت کے اسباب۔۔۔

  وہ کون کون سے اسباب و۔۔۔  وسائل ہیں جن کو اختیار کرنے سے۔۔۔ دعا کی قبولیت کے امکانات بڑھ جاتے ہیں ۔۔۔

رزق حلال۔۔۔

حدیثِ مبارکہ کا مفہوم ہے۔۔۔

لقمہ حرام کھانے والے کی۔۔۔ کوئی عبادت قبول نہیں۔۔۔ اور جب عبادت ہی قبول نہیں تو۔۔۔ دعا کیسے قبول ہوسکتی ہے۔۔۔

  

    رزق حرام کمانے والا۔۔۔ شخص طویل سفر کی صعوبتیں۔۔۔ برداشت کرنے کے۔۔۔ بعد بیت اللہ شریف میں۔۔۔ پہنچ کر دونوں ہاتھ۔۔۔ بلند کرکے بلند آواز سے۔۔۔ رب تعالیٰ کو پکارے ۔۔۔ تو بھی اس کی غذا۔۔۔ اور لباس حرام ذرائع سے حاصل ہونے کے باعث اس۔۔۔ کی دعا قبول نہیں کی جاتی۔۔۔

     سیدنا سعد بن ابی وقاص ؓنے ۔۔۔ نبی کریم سے عرض کیا۔۔۔

    " اللہ کے رسول... ! میں مستجاب الدعوات کیسے بن سکتا ہوں..."

     آپ نے فرمایا...

    أَطِبْ مَطْعَمَکَ تَکُنْ مُسْتَجاَبَ الدَّعْوَۃِ۔

     ’’ اپنا کھانا پینا مشتبہات سے ...پاک رکھو تو مستجاب الدعوات بن جاؤگے ۔۔۔‘‘

ہماری دعاؤں کے قبول۔۔۔ نہ ہونے میں۔۔۔ ہمارے گناہوں کا۔۔۔ بہت بڑا ہاتھ ہوتا ہے۔۔۔ گناہ رکاوٹ بن جاتے ہیں۔۔۔ اس لئے کثرت سے۔۔۔ استغفار کرنا چاہیے اور۔۔۔ ان کاموں سے۔۔۔ بچنا چاہیے جو۔۔۔ گناہوں کا سبب بنتے ہیں۔۔۔ دعا مانگنے سے پہلے۔۔۔ اللہ کی جناب میں۔۔۔  سچی توبہ و استغفار کرے۔۔۔ بیشک اللہ معاف کرنے والا۔۔۔ غفور الرحیم ہے۔۔۔

 اللہ عزو جل نے ۔۔۔ نوح علیہ السلام کی زبانی فرمایا۔۔۔ سورہ نوح میں ارشاد ربانی ہے۔۔۔

ہماریُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا (10) يُرْسِلِ السَّمَاءَ عَلَيْكُمْ مِدْرَارًا (11) وَيُمْدِدْكُمْ بِأَمْوَالٍ وَبَنِينَ وَيَجْعَلْ لَكُمْ جَنَّاتٍ وَيَجْعَلْ لَكُمْ أَنْهَارًا (12))

ترجمہ۔۔۔ [نوح علیہ السلام کہتے ہیں] اور میں نے ان سے کہا۔۔۔  کہ اپنے پروردگار سے معافی مانگ لو۔۔۔  بلاشبہ وہ بڑا معاف کرنے والا ہے ۔۔۔(10)

 اللہ تعالی تم پر آسمان سے۔۔۔ خوب بارشیں برسائے گا۔۔۔ (11) 

اور تمہاری مال اور ۔۔۔اولاد سے مدد کرے گا۔۔۔ تمہارے لیے باغ پیدا کرے گا ۔۔۔ اور نہریں جاری کرے گا ۔۔۔ نوح/ 10-12

ذاکرین کی دعا۔۔۔ بہت جلد قبول ہوتی ہے۔۔۔

اللہ کا ذکر۔۔۔ کثرت سے کرنے والے کی دعا۔۔۔ بہت جلد قبول ہوتی ہے۔۔۔ ذاکرین کو اللہ۔۔۔ مستجاب الدعوات بنادیتا ہے۔۔۔

قرآن پاک میں۔۔۔ ذاکرین کا تذکرہ اس طرح سے کیا گیا ہے۔۔۔

" ذکر کرنے والے مرد۔۔۔ اور ذکر کرنے والی عورتیں"

اللہ ذاکرین کے درجات کو۔۔۔ بلند فرما دیتا ہے۔۔۔

باوضو رہیں۔۔۔ مرادیں پائیں۔۔۔

ہر وقت باوضو رہنے والے۔۔۔ کی دعائیں قبول ہوتی ہیں۔۔۔ باوضو انسان سے۔۔۔ شیطان دور ہو جاتا ہے۔۔۔ وسوسوں سے نجات ملتی ہے۔۔۔ اور طہارت حاصل ہوتی ہے۔۔۔ جو انسان ہمیشہ۔۔۔ باوضو رہتا ہے۔۔۔ اللہ کی رحمت۔۔۔ اس بندے کو ڈھانپ لیتی ہے۔۔۔ اور معصوم فرشتے۔۔۔ اس بندے کے حق میں۔۔۔ توبہ واستغفار کرتے ہیں۔۔۔ وضو کی برکت سے۔۔۔ رزق روزی میں۔۔۔ اضافہ ہوتا ہے۔۔۔

اللہ تبارک وتعالیٰ ہماری۔۔۔ جائز حاجات کو پورا فرمائے۔۔۔ ہمیں صرف اس کے در کا۔۔۔ فقیر رکھے۔۔۔ اور ہمیں بہت زیادہ۔۔۔ دعائیں مانگتے کی۔۔۔ توفیق عطا ہو۔۔۔ آمین ثم آمین یارب العالمین۔۔۔۔۔

»»»»»»»»»»»»»»»»»»»»»»»»»»»»»»»»»»»»»»»»»»»