بالوں سے خشکی کیسے دور کی جائے

بالوں سے خشکی کیسے دور کی جائے؟

خشکی دور کرنے کے آسان مفید اور کارآمد ٹوٹکے کونسے ہیں؟

خشکی بالوں کی صحت کو متاثر کرتی ہے۔

سر میں خشکی بہت عام ہوتی جارہی ہے جس کا نتیجہ تکلیف دہ خارش کی شکل میں نکلتا ہے۔یہ مسئلہ صرف خواتین تک محدود نہیں بلکہ مرد حضرات کو بھی اس کا سامنا ہوتا ہے اور اس سے بچنے کیلئے نت نئے شیمپوز کا استعمال کرتے ہیں۔اس کی بڑی وجہ سر کی جلد کے مردہ خلیوں کا بہت زیادہ اترنا ہے، جو ہیئر فولیکل کو بند کرنے کا باعث بنتی ہے۔عام طور پر اس کی وجہ بالوں کی صفائی کا زیادہ خیال نہ رکھنا یا جلدی مسائل ہوتے ہیں .

سر کی خشکی سے بال جھڑنے لگتے ہیں، چہرے پر کیل مہاسے نکل آتے ہیں اور بال قبل از وقت سفید ہوجاتے ہیں جس سے انسان کی شخصیت متاثر ہوتی ہے اور وہ احساس کمتری میں مبتلا ہو جاتا ہے۔ 

سر دیو ں میں جہا ں سارے جسم میں پانی کی کمی ہو نے سے جسم میں خشکی ہو جاتی ہے۔ اسی طر ح باقی جسم کی طرح بال بھی روکھے اور بے رونق ہونے کے ساتھ سکری اور خشکی سے بڑھ جاتے ہیں۔جس کی وجہ گر م پانی کا استعمال، پانی کم پینا، غذا کا خیال نہ رکھنا شامل ہیں جس کی وجہ سے سر کی جلد خشک اور کھر دری ہو کر بے جان ہو نے لگتی ہے۔ خشکی مر دہ خلیے ہو تے ہیں ان کی وجہ سے سر میں کھجلی اور خارش ہوتی ہے۔ اکثر خشکی کے زخم اور کھر نڈ بھی بن جاتے ہیں جو تکلیف کا با عث ہو تے ہیں۔سر کی خشکی کی وجہ سے بال گر نے لگتے ہیں۔
سر کی خشکی دوسروں کا ہیئر برش، صابن اور تولیہ استعمال کرنے سے پھیلتی ہے۔ طبی ماہرین کے مطابق خشکی سے نجات پانا اتنا مشکل نہیں جتنا سمجھا جاتا ہے تاہم اس کا علاج ابتدائی مرحلے میں ہی کر لینا چاہئے۔ ایسے افراد جنہیں سر میں خشکی کی شکایت ہو وہ گھر میں موجود اشیاسے ہی علاج کرسکتے ہیں۔

خشکی ایک بیماری ہے جو چند وٹامن کی کمی سے ہو جا تی ہے اس لیے زنک کے سپلیمنٹ لینے سے اس پر قا بو پایا جاسکتا ہے۔

 دہی اور کالی مرچ 

گھریلو اشیاسے بنی دوائیں نہ صرف سستی اور مضر کیمیائی اثرات سے پاک ہوتی ہیں بلکہ یہ موثر بھی ہیں۔ یہ طویل عرصے تک آپ کو خشکی سے نجات دلاتی ہیں۔ 
دہی خشکی کے خاتمے کیلئے بہت ہی موثر ہوتا ہے۔ ایک کپ دہی میں دو چمچے پسی ہوئی کالی مرچ ملا کر اسے سر پر لگا کر ہلکا سا مساج کریں اور پھر ایک گھنٹے بعد شیمپو سے دھو لیں۔ نیم گرم زیتون کا تیل سر کے متاثرہ حصے پر باقاعدگی سے لگانے سے بھی خشکی ختم ہو جاتی ہے۔

انڈے اور پیاز

انڈے نہ صرف خشکی کا خاتمہ کرتے ہیں بلکہ خشک بالوں کیلئے بہترین کنڈیشنر کا کام بھی کرتے ہیں اور بالوں میں رونق اور چمک بھی لاتے ہیں۔ جراثیم کش خصوصیت کی حامل نیم کا پیسٹ سر پر لگانے سے خشکی کے ساتھ ساتھ جوؤں کا خاتمہ اور دیگر جلدی امراض کے علاج میں مدد فراہم کرتا ہے۔ پیاز میں بھی قدرتی طور پر خشکی کے خاتمے کی خاصیت پائی جاتی ہے۔ بالوں سے پیاز کی بو ختم کرنے کیلئے لیموں کے رس کا استعمال مفید ہوتا ہے۔

کافور

کافور کو ناریل کے تیل میں ڈال کر بیس منٹ دھو پ میں رکھیں پھر مالش کر یں اس سے خشکی دور ہو گی۔

اسپرین

 اسپرین ایسے اجزاء(سیلی کائی لیک ایسڈ) سے بھرپور دوا ہے جو بیشتر خشکی سے نجات دلانے والے شیمپوز کا حصہ ہوتے ہیں۔ اسپرین کی 2 گولیوں کو پیس کر سفوف کی شکل دیں اور سر پر لگانے کے لیے جتنا شیمپو لیتے ہیں اس میں شامل کرلیں، اس مکسچر کو اپنے بالوں پر ایک سے دو منٹ تک لگا رہنے دیں اور پھر اچھی طرح دھولیں، اس کے بعد پھر سادہ شیمپو سے سر کو دھوئیں آپ اس کا اثر دیکھ حیران رہ جائیں گے۔

چقندر

چقندر کو جڑوں کے ساتھ پانی میں ابا ل لیں اور اس سے روز بالوں کی جڑوں کا مساج کر یں۔ اس سے بالوں کی خشکی دور ہو گی۔

کھانے کا سوڈا

 آپ کا باورچی خانہ اپنے اندر سر کی خارش اور خشکی ختم کرنے کی کنجی چھپائے ہوئے ہوتا ہے۔ بس اپنے بالوں کو گیلا کریں اور پھر اس میں مٹھی بھر کر کھانے کا سوڈا زور سے رگڑیں، شیمپو کو چھوڑ کر بالوں کو دھولیں۔ یہ سوڈا خشکی کا باعث بننے والے عناصر کومتحرک ہونے سے روکتا ہے۔ ہوسکتا ہے کہ سوڈے سے دھونے کے بعد پہلے آپ کے بال خشک محسوس ہو مگر کچھ ہفتوں بعد آپ کے بال قدرتی تیل پیدا کرنے لگیں گے جس سے وہ نرم اور خشکی سے پاک ہوجائیں گے۔

دہی

دو چمچ دہی میں لیمو ں ڈال کر اچھی طر ح پھینٹیں اور پھر سر پر لگائیں اور بیس منٹ بعد دھو لیں۔ یہ کنڈیشنر بالوں کی خشکی دور کر نے میں اہم ہے۔

مہندی

مہندی، دہی اور چائے کا پانی ملائیں۔ پھر اس میں چند قطرے لیمو ں کا رس شامل کر یں اور بالوں کی جڑوں پر پندرہ منٹ لگائیں اور سر دھو لیں۔ ۔ ہرپندرہ دن بعد استعمال کر یں۔

ٹی ٹری آئل

ٹی ٹری تیل ، کھو پرے کا تیل اور زیتو ن کا تیل ملا کر بالوں کی جڑوں پر لگانے سے خشکی دور ہو تی ہے۔

سیب کے عرق کا سرکہ

 سیب کے عرق کا سرکہ سر کی خشکی کا بہترین حل ہے کیونکہ اس میں پائی جانے والی تیزابیت سر میں ایسی تبدیلیاں لاتی ہیں کہ وہاں خشکی کے پیدا ہونا مشکل ہوجاتا ہے۔ ایک چوتھائی کپ اس سرکے کو چوتھائی کپ پانی سے بھری اسپرے بوتل میں شامل کریں اور اپنے سر پر چھڑکاؤں کریں۔ اپنے سر پر تولیہ لپیٹ لیں اور پندرہ منٹ سے ایک گھنٹے تک آرام سے بیٹھ جائیں جس کے بعد سر کو معمول کے مطابق دھولیں۔ یہ عمل ہفتہ بھر میں دو بار کرنا خشکی کو ہمیشہ کے لیے بھگا دے گا۔

ماؤتھ واش

 بہت زیادہ خشکی کا علاج چاہتے ہو تو پہلے اپنے بالوں کو معمول کے شیمپو سے دھوئیں اور پھر انہیں ماؤتھ واش سے دھولیں جس کے بعد ہیئر کنڈیشنر کا بھی استعمال کریں۔ ماؤتھ واشنر میں پھپھوندی کو دور بھگانے والی خوبی خشکی کی روک تھام کرتی ہے۔

ناریل کا تیل

 ناریل کا تیل خشکی کا آزمودہ اور موثر علاج ثابت ہوتا ہے ۔ نہانے سے پہلے تین سے پانچ چائے کے چمچ ناریل کے تیل سے سر کی مالش کریں اور ایک گھنٹے تک لگا رہنے دیں۔ اس کے بعد سر کو شیمپو سے دھولیں، اس کے علاوہ آپ ایسا شیمپو استعمال کرکے بھی اس کی افادیت کو دوگنا بڑھا سکتے ہیں جس میں ناریل کے تیل کا استعمال بھی ہوتا ہو۔

لیموں

خشکی سے نجات پانے کے لیے دو چائے کے چمچ لیموں کے عرق یا جوس کی مالش اپنے سر پر کریں اور پانی سے دھولیں۔ اس کے بعد ایک چائے کا چمچ لیموں کا جوس ایک کپ پانی میں ملائیں اور اپنے سر کو اس سے بھگولیں۔ اس طریقہ کار کو روزانہ اس وقت استعمال کریں جب تک خشکی کا خاتمہ نہ ہوجائے۔ لیموں میں موجود تیزابیت آپ کے سر پر ہائیڈروجن کی سطح کو متوازن رکھتی ہے جس کے نتیجے میں خشکی کو دور بھاگنا پڑتا ہے۔

لیمو ں کے گو دے کو سر پر ملیں۔ پندرہ منٹ بعد تازے پانی سے دھو لیں ۔
اگر لیموں سے آپ کو خشکی نہیں ہوتی تو اس کو کھو پرے کے تیل میں ملا کر مالش کر یں۔
مالش خشکی کو ختم کر نے کا بہترین ذریعہ ہے کیو نکہ اس سے خو ن کی گر دش تیز ہو تی ہے۔

نمک

 شیمپو سے پہلے عام نمک کو سر پر رگڑنا یا مالش خشکی کا خاتمہ کرنے میں زبردست کردار ادا کرسکتا ہے۔ نمک دانی کو لیں اور کچھ مقدار میں نمک اپنے سر پر چھڑکیں اور پھر اسے بالوں میں پھیلالیں جس کے بعد کچھ دیر مالش کریں۔ کچھ دیر بعد سر کو شیمپو سے دھو کر حیرت انگیز اثر محسوس کریں۔

ایلوویرا

اپنی خارش کو دور بھگانے کے لیے شیمپو سے پہلے ایلو ویرا کے تیل یا جیل کی مالش کریں۔ آلو ویرا میں ٹھنڈک کا عنصر خارش سے نجات دلانے میں مددگار ثابت ہوتا ہے۔

لہسن

 لہسن کی پھپھوندی کی روک تھام کی خاصیت اس خشکی کا باعث بننے والے بیکٹریا کے خاتمے کے لیے بھی بہترین ثابت کرتی ہے۔ لہسن کو پیس کر اپنے سر پر مل لیں، اس کی بو سے بچنے کے لیے اس پیسے ہوئے لہسن میں شہد بھی شامل کرلیں اور پھر سر کی مالش کریں جس کے بعد سر کو معمول کے مطابق دھولیں۔

زیتون کا تیل

رات کو زیتون کے تیل کی مالش کرکے سو جانا خشکی کا صدیوں پرانا ٹوٹکا ہے، زیتون کے تیل کے دس قطروں کو سر پر ٹپکا کر اس کی مالش کریں اور سر کو کسی ٹوپی یا تولیے میں چھپا کر سوجائیں۔ صبح اٹھ کر سر کو دھولیں کچھ دنوں میں خشکی آپ سے دور بھاگ جائے گی، تاہم فوری اثر چاہتے ہیں تو ایسے شیمپو کو ترجیح دیں جس میں زیتون کے تیل بھی شامل ہو۔

Facebook/Articlesbyshumaila

نیم کے پتے

کچھ نیم کے پتے لے کر انہیں آدھے گھنٹے تک پانی میں ابالیں، اس کے بعد انہیں اچھی طرح پیس کر یہ پیسٹ سر میں لگائیں اور 40منٹ بعد سر دھو لیں، ایسا کرنے سے بھی آپ خشکی جیسی پریشانی سے نجات پا سکتے ہیں۔

نیم کے پتوں کو ناریل کے تیل میں ابا لیں۔ پتے نکا ل کر اس میں لیمو ں اور کسٹر آئل شامل کریں۔ اس تیل سے کھوپڑی کا مساج کریں۔ اس سے نہ صر ف خشکی کا خاتمہ ہو گا بلکہ بال صحت مند ہو ں گے۔

 میتھی کے بیج

میتھی کے بیج رات کو پانی میں بھگو دیں اور صبح کو پیس کر اسے سر میں لیپ کریں اور آدھ گھنٹہ تک لگا رہنے دیں، پھر نیم گرم پانی سے دھو لیں، یہ عمل ایک ہفتہ جاری رکھیں۔


میتھی دانہ باریک پیس کر دو لیمو ں کے رس کے ساتھ جڑوں میں اچھی طر ح لگائیں اور کپڑا باند ھ کر سو جائیں۔ صبح اٹھ کر مالش کر یں۔ اور کنگھی کر یں۔ پھر گر م پانی سے تو لیہ کے ساتھ ا سٹیم لیں۔ پندرہ منٹ بعد نہا لیں۔ اس کے بعد ایک چو تھائی چمچ زیتون کا تیل اور دو قطر ے لیمو ں ملا کر گیلے بالوں میں مالش کر یں ۔
زیتو ن اور بادام کا تیل ہم وزن لے کر سر پر لگائیں اس سے خشکی دور ہو گی۔

کوار گندل یعنی ایلو ویرا

 کوار گندل (ایلو ویرا) سر کے بیکٹیریا اور فنگس کے لئے بے حد مفید ہے لہٰذا اس کا جیل سر میں لگا کر 40منٹ بعد سر دھو لیں، اس سے آپ کا سر فنگس اور بیکٹیریا سے پاک ہوجائے گا۔
*************************************