چہرے پر مسام کیوں ہوتے ہیں

چہرے پر مسام کیوں ہوتے ہیں اور ان سے نجات کیسے ممکن ہے؟

ہماری جلد پر چھوٹے چھوٹے سوراخ ہوتے ہیں جو مسام کہلاتے  ہیں ۔ یہ مسام جلد کی چکنائی یا مردہ خلیوں 
بیکٹیریا کی وجہ سے بند ہوجاتے ہیں جس کے نتیجے میں جلد پر دانے نکل آتے ہیں ۔ 
اگر آپ کے ساتھ ایسا بار بار ہوتا ہے تو آپ کی جلد کو ایکنی کا مسئلہ درپیش ہے۔ایکنی ہونے کی مختلف وجوہات ہوسکتی ہیں جن پر قابو پاکر جلد کو مہاسوں سے پاک رکھا جاسکتا ہے۔۔۔

                                   ایکنی کی وجوہات 

                                                       ذہنی  دباؤ

ذہنی دباؤ ایکنی کی ایک اہم وجہ ہے کیونکہ ذہنی دباؤ کی صورت میں جسم زیادہ مقدار میں اینڈروجن بنانے لگتا ہے جو جلد کے آئل گلینڈز کو متحرک کرتا ہے ۔     جس کی وجہ سے مہاسے نکل آتے ہیں ۔ اس مسئلے سے نمٹنے کے لیے      ضروری ہے کہ خود کو ذہنی پریشانی سے بچایا جائے ۔۔۔۔
 اس کے لیے اپنے لیے وقت نکالا جائے ، ذہن کو پر سکون رکھنے کے لیے ورزش اور مراقبہ کیا جائے۔ ہارمونز ہارمونز                      لیول کا اتار چڑھاؤ بھی ایکنی کی وجہ ہے ۔ 
عمر کے مختلف حصوں میں ہارمونز کا غیر متوازن یعنی دوران حمل ، ماہواری اور پیریڈز بند ہونے کے قریب ایکنی ہونے کی وجہ بنتا ہے۔غیر متوازن ہارمونز کی وجہ سے جلد زیادہ چکنائی پیدا کرتی ہے جو ایکنی کا باعث بنتی ہے۔ اس لیے ضروری ہے کہ اپنے ہارمونز لیول پر توجہ دی جائے اور ایکنی سے بچنے کے لیے ہارمونز کو متوازن بنایا جائے۔،

                                                                  ،سیبم

جلد کے گلینڈز سے ایک طرح کا تیل نکلتا ہے جو سیبم کہلاتا ہے ۔ 
یہ بھی ایکنی کی وجہ بن سکتا ہے ۔ بعض اوقات سیبم سے جلد کے مسام بند ہوجاتے ہیں اور ان میں بیکٹیریا پرورش پانے لگتے ہیں جن سے مہاسے نکل آتے ہیں اس کے لیے ضروری ہے کہ کوئی اچھا کلینزر یا ماہر جلد کے مشورے سے دوا استعمال کی جائے ۔۔۔۔ 

                                                                   کاسمیٹکس 

اگر آپ کی جلد پر اکثر مہاسے نکل آتے ہیں تو کوئی بھی پروڈکٹ خریدنے سے پہلے اس کا لیبل ضرور پڑھیں اور آئل فری پروڈکٹس خریدیں۔ روزانہ استعمال ہونے والی اسکن کئیر پروڈکٹس بھی ایکنی بڑھانے والی نہ ہوں۔،،، جلد کو رگڑنا بہت سے لوگ دن میں کئی بار چہرہ دھوتے ہیں اور رگڑ رگڑ کر صاف کرتے ہیں اس طرح کی صفائی ایکنی کو کم کرنے کے بجائے اور بڑھاتی ہے ۔ جلد کی حد سے زیادہ صفائی کی وجہ سے جلد کے مسام سے زیادہ چکنائی نکلتی ہے جو مساموں میں جمع ہوکر مہاسوں کا باعث بنتی ہے۔
 دن میں دو مرتبہ کسی اچھے فیس واش سے چہرے کو دھوئیں اور زیادہ نہ رگڑیں۔

            

                               چہرے کے کھلے مسام کیسے بند کریں ؟

‎چہرے کی جلد  انسانی جسم کا حساس حصہ ہے  جسے مناسب دیکھ بھال کی سب سے زیادہ ضرورت ہوتی ہے . چہرے پر کھلے مسام بہت سے مسائل کا سبب بنتے ہیں مثلاً  آئلی اسکن ،  وقت سے پہلے بڑھتی عمر کے  اثرات ظاہر ہونا ،

                                         چہرے پر دانے نکلنا اور رنگت کا خراب ہونا .

  چہرے کے یہ کھلے مسام  بند کرنے کے لیے آپ گھریلو تدابیر  اختیار کر سکتی ہیں ۔،،

                                                   

   

                                                                   گھریلو علاج

 ایلوویراجیل اور لیموں کے جوس کا مکسچر بنا کر چہرے پر 20 منٹ تک لگائیں اور پھر ٹھنڈے پانی سے دھوددیں ۔

ایک چمچ سیب کا سرکہ ، ایک چمچ گندم کا آٹا اور ایک چمچ شہد لے کر اچھی طرح مکس کر لیں یہاں تک کہ وہ یک
 جان ہو جائیں . اس مکسچر کو روزانہ 20 منٹ کے لیے چہرے پر لگائیں۔۔۔۔۔۔۔۔۔ ۔

کھلے مساموں کو بند کرنے کے لیے پپیتے کا گودا روزانہ 20 منٹ چہرے پر لگانا اپنے اندر جادوئی فوائد رکھتا ہے ۔

چہرے  پر دہی کا استعمال بھی مساموں کو بند کرنے میں مدد دیتا ہے ۔لیموں اور ٹماٹر کے جوس کو مکس کر کے چہرے پر لگانا بھی زبردست نتائج دیتا ہے اس سے نہ صرف مسام بند ہوتے ہیں بلکہ جلد میں نکھار بھی پیدا ہوتا ہے ۔لیموں کے رس کو انڈے کی سفیدی میں مکس کر کے لگانا بھی ایک بہترین حل ہے ۔۔۔۔۔۔۔۔۔۔۔۔

اگر آپ کو اپنے چہرے کے کے مسام معمول سے ذیادہ بڑے نظر آتے ہیں تو اس کی وجہ مساموں میں جمی گرد اور چکنائی ہے جو ان میں جمع ہوکر ناصرف انھیں بند کردیتی ہے بلکہ سائز میں بڑھا بھی دیتی ہے جس سے جلد کی خوبصورتی متاثر ہوتی ہے،،ذیادہ کھلے ہوئے مساموں سے نجات حاصل کرنے کا بہترین طریقہ گھریلو ٹوٹکے ہیں کیونکہ یہ محفوظ ،سستے اور موئثر ہوتے ہیں ۔اپنی جلد پر کیمیکلز کا استعمال کرنے کے بجائے چند گھریلو ٹوٹکے      استعمال کریں جو یقینا کارآمد ہونگے۔

                                             بند مسام

 اسٹرابیری کا گودا، شہد، آٹے کی بھوسی ملاکر پیسٹ بنالیں۔ اسے پورے چہرے پر صرف آنکھوں کو بچاکر لگائیں اور 5 منٹ بعد صاف کردیں۔ یہ چہرے کے کھلے مساموں کو بند کرکے غیر ضروری روغنیات کو بھی زائل کرے گا۔

چہرے پر برف کی ٹکور کرنا بھی کھلے مساموں کو بند کردیتا ہے۔بند مساموں خصوصاً بلیک ہیڈز کی وجہ سے ناک پر اور ہونٹوں کے نیچے لیموں، کینو کے خشک چھلکوں کا پاؤڈر ملیں اور نیم گرم پانی سے صاف کردیں مساموں سے میل کچیل نکل جائے گا۔

                                     ملتانی مٹی کا فیس ماسک

ملتانی مٹی کا لیپ ہفتے میں ایک بار کریں بہت جلد کھلے مسام بند ہوجائیںگے۔ خصوصاً ناک، ہونٹوں کے نیچے تھوڑی اور ماتھے پر ان جگہوں پر زیادہ مسام کھلے نظر آتے ہیں۔ بیسن سے چہرہ دھوتے رہنے سے بھی کھلے مسام بند ہوجاتے ہیں۔ روزانہ کیلے کے چھلکے پر لگے گودے کو لگانے سے بھی کھلے مسام بند ہوجاتے ہیں۔
کھلے مساموں کے علاج کے لئے ملتانی مٹی کا استعمال بہت موثر ہے ۔
                                ۔۲ چمچ ملتانی مٹی کا پائوڈرعرق گلاب میں ملا کر پیسٹ بنالیں ۔
۔چند قطرے لیموں کا رس شامل کریں اور چہرے پر لگائیں ۔آدھے گھنٹے تک لگا رہنے دیں ۔پھر سادے پانی سے دھو لیں ۔
یہ ماسک مساموں میں سے چکنائی اور گرد کو صاف کرکے انھیں اپنے نارمل سائز پر لے آئے گا 

           

                                              شکر اور شہد کا اسکرب 

شہد میں اینٹی بیکٹیریئل خصوصیات ہیں شکر کے ساتھ مل کر یہ مساموں کی صفائی کرتا ہے۔اور ان کے نارمل سائز پر لے آتا ہے۔ساتھ ہی جلد کی نمی کو بھی برقرار رکھتا ہے۔شکر مردہ جلد کو ہٹانے میں مدد یتی ہے،،،۔ایک کھانے کے چمچ شہد میں ایک کھانے کا چمچ شکر ملائیں اور ساتھ ہی چند قطرے زیتون کا تیل شامل کریں ۔اس اسکرب کو مساموں پر اچھی طرح گولائی میں ملیں ۔اس سے کھلے مسام صاف ہوکر سکڑ جائیںگے اور اپنے نارمل سائز پر آجائیں گے۔

                                                             انڈے کی سفیدی

جلد کی چکنائی ختم کرنے کے لئے انڈے کی سفیدی کا استعمال کافی مفید ہے۔یہ مساموں کو چھوٹا کرکے جلد میں کھنچائو پیدا کرتی ہے اورزائد چکنائی کے اخراج کو روکتی ہے۔۔۔انڈے کی سفیدی کو اچھی طرح پھینٹ لیں یہاں تک کہ جھاگ بن جائیں ۔اس میں دو یا تین قطرے لیموں کا رس شامل کریں ۔۲۰ منٹ تک یا جب تک خشک نہ ہوجائے لگا  رہنے دیں پھر نیم گرم پانی سے دھو لیں ۔

                                                                       ٹی ٹری آئل 

چکنی جلد ،ایکنی اور ذیادہ کھلے مساموں کے علاج کے لئے ٹی ٹری آئل مفید ہے۔

۔ایک کپ پانی میں ۳ سے۴ قطرے ٹی ٹری آئل شامل کریں اور صاف اسپرے بوتل میں بھر لیں۔ دن میںدو مرتبہ کھلے مساموں پر اسپرے کریں ۔ یہ ٹونرروئی کی مدد سے بھی کھلے مساموں پر لگایا جاسکتا ۔استعمال سے پہلے چہرے کو میک اپ یا دوسری آلودگی سے اچھی طرح صاف کرلیں۔

                                                                          بیکنگ سوڈا 

ذیادہ کھلے مساموں کو کھولنے کے لئے ایک کپ نیم گرم پانی میں ۲کھانے کے چمچ بیکنگ سوڈا شامل کریں ۔ناک ،تھوڑی اور ماتھے پر ملیں اس سے مردہ جلد صاف ہوگی اورمسام صاف ہوکراپنے نارمل سائز پر آجائیں گے ۔

                                                                            بھاپ لیں 

بھاپ مساموں کو گہرائی تک صاف کرکے گرد اور زائد چکنائی کا خاتمہ کرتی ہے۔ہفتے میں ایک مرتبہ بھاپ ضرور لیں اور بھاپ لینے کے بعد چہرے کو ٹھنڈے پانی سے بھی دھوئیں تاکہ بھاپ کی وجہ سے ذیادہ کھل جانے والے مسام اپنے نارمل سائز پر آجائیں ۔

                 

                                                           بیسن 

کھلے مساموں کو چھوٹا کرنے کے لئے بیسن کا استعمال بھی مفید ہے۔اس کا باقاعدہ استعمال جلد کو کھلے مساموں     ،ایکنی اوربلیک ہیڈز سے محفوظ رکھتاہے۔

۔۲ کھانے کے چمچ بیسن میں چند قطرے لیموں کا رس،ایک چٹکی ہلدی اورایک کھانے کا چمچ دودھ شامل کریں ۔ضرورت ہو تو تھوڑا پانی ملاکر پیسٹ بنا لیں ۔۱۵ منٹ کے لئے چہرے پر لگائیں پھر دھو لیں۔

کھلے مسام ایکنی کی بھی وجہ بنتے ہیں اس لئے چہرے کو بار بار چھونے سے گریز کریں ۔مساموں کو بڑھتا ہو ا دیکھیں تو فوری اقدام کریں۔

                                                                              ماسک

گھریلو ماسک استعمال کرنے لیے ضروری ہے کہ آپ اپنی جلد کی نوعیت سے بخوبی آگاہ ہوں۔ آپ کی مدد کے لیے سبزیوں کے ماسک بنانے کی کچھ تراکیب بیان کی جا رہی ہیں۔

                                                             گاجر کا ماسک

 گاجر کا پانی نکال لیں اور فریج میں ٹھنڈا کر کے روئی کی مدد سے چہرے پر لگائیں۔ یہ عمل دن میں تین مرتبہ کرنے سے رنگت نکھر جاتی ہے۔ 

                                                                     کھیرے کا ماسک

 جھلسی ہوئی جلد کو درست کرنے کے لیے کدوکش کھیرے کو چہرے پر پھیلا لیں۔ ململ کا ٹکڑا چہرے پر رکھ لیں اور پندرہ منٹ کے بعد چہرہ دھو لیں۔ اس کے علاوہ کھیرے کے باریک ٹکڑے کاٹیں، انہیں ایک گلاس گرم پانی میں بھگو دیں۔ ایک گھنٹے بعد کھیرے سے نکال لیں۔ پانی میں پانچ کھانے کے چمچ عرق گلاب ملا کر فریج میں محفوظ کر لیں۔ روزانہ رات کو سوتے ہوئے روئی کے ٹکڑے کو اس محلول میں بھگو کر چہرے، خصوصاً ناک اور ٹھوڑی پر لگائیں۔

                                                             لیموں کا ماسک

 لیموں سے جلد سکڑ جاتی ہے، کھلے ہوئے مسام بند ہو جاتے ہیں، سانولی رنگت میں نکھار آ جاتا ہے، تاہم خشک جلد والوں کے لیے لیموں کا استعمال مناسب نہیں ہے جب کہ چکنی جلد والوں کے لیے لیموں اکسیر کا کام دیتا ہے۔ 

ایک بڑے چمچ عرق گلاب میں ایک چائے کا چمچ لیموں کا رس ملا کر چہرہ صاف کریں۔ چہرے کے علاوہ کہنی پر ملیں، سیاہ جلد کی رنگ سفید ہو جائے گی۔

                                                                      سیب کا ماسک

 سیب خشکی پیدا کرتا ہے، اس لیے چکنی جلد کے لیے سیب کا ماسک بہترین ہے۔ سیب کو کدوکش کر کے چہرے پر پھیلائیں اور پندرہ منٹ کے بعد چہرہ دھو لیں۔ اس کے لگانے سے جلد کی چکنائی کم ہو جاتی ہے، چہرے کے کھلے مسام بند ہو جاتے ہیں اور چہرے پر چمک پیدا ہوتی ہے۔

                                                                                           کیلے کا ماسک

 کیلوں کو اچھی طرح کچل کر چہرے پر ملیں اور بیس منٹ کے بعد چہرہ دھولیں۔ کیلے میں کثرت سے پائے جانے والے وٹامن، کیلشیم، فاسفورس اور پوٹاشیم حساس جلد کے لیے بہت مفید ہیں۔ 
دو کیلوں کو کچل کر شہد ملائیں۔ اسے اپنے چہرے اور گرد پر لگا کر دس منٹ کے لیے چھوڑ دیں، پھر ٹھنڈے پانی سے چہرہ دھوئیں اور صاف کپڑا لے کر ہلکے ہاتھوں سے سُکھائیں۔


بند مساموں خصوصاً بلیک ہیڈز کی وجہ سے ناک پر اور ہونٹوں کے نیچے لیموں، کینو کے خشک چھلکوں کا پاؤڈر 
ملیں اور نیم گرم پانی سے صاف کردیں مساموں سے میل کچیل نکل جائے گا۔

یہ گھریلو نسخے بہت فائدہ مند ہوتے ہیں ان کا کوئی نقصان نہیں ہوتا انہیں ہفتے میں دوبار ضرور چہرے پر اپلائی 
کرنا چاہیے۔۔۔ اپنے معالج سے بھی ضرور مشورہ کیجیے۔۔

************************************************************************************