کامیابی کی شاہراہ۔۔۔۔ باب ششم

                                          ** 128 الفاظ آپ کی زندگی بدل سکتے ہیں**

                                                                                                                                                 1871
 کا موسم بہار تھا۔ ایک نوجوان طالب علم ڈاکٹری کے امتحان میں کامیابی حاصل کرنے کے بعد اس فکر میں مبتلا تھا کہ

                                                                                                                                                                       اپنے پیشے میں کامیاب کیسے ہو؟

                                             اور گزر اوقات کی صورت کیسے پیدا ہو؟ 

                                                                                       ان حالات میں اس نے ایک کتاب میں 28 الفاظ پڑھے۔۔۔ 
                                                                                                اور ان الفاظ نے اس کی زندگی بدل کر رکھ دی۔

ان 28 لفظوں نے اس نو عمر طالب علم کو اپنے زمانے کا سب سے بڑا ڈاکٹر بنا دیا۔
اس نے ڈاکٹری کے شعبے میں کارہائے نمایاں سر انجام دئیے اور کئی اعزازات حاصل کیے۔ اس کی وفات کے بعد اس کی زندگی کے بارے میں دو جلدوں پر مشتمل جو کتاب شائع کی گئی اس کے صفحات کی تعداد چودہ سو چھیاسٹھ تھی۔ 

                                                        کیا آپ جانتے ہیں یہ کون تھے؟؟ 

یہ سر ولیم آ سلر تھے اور
جن 28 لفظوں نے ان کی زندگی بدل دی وہ انگلستان کے مشہور مصنف
تھامس کارلائل کے جادوئی الفاظ تھے۔
ان الفاظ کی مدد سے سر ولیم آسلر نے اپنی زندگی کو غموں اور پریشانیوں سے محفوظ رکھا۔ 
ان کے لئے وہ معجزانہ الفاظ یہ تھے۔۔۔

" ہمیں چاہیے کہ جو چیز دور سے دھندلی نظر آئے اس کو نہ دیکھیں بلکہ اس چیز کو دیکھیں جو آنکھوں کے سامنے صاف نظر آ رہی ہو۔۔۔۔" 

اس واقعے کے چالیس سال بعد سر ولیم آسلر نے ایک تقریب میں طلباء کو خطاب کرتے ہوئے اس بات کو غلط قرار دیا کہ ان کے دماغ میں کوئی خاص خوبی ہے اور کہا کہ میرے دوست جانتے ہیں میں معمولی دماغ کا مالک ہوں۔ میری کامیابی کا راز صرف یہ ہے کہ میں

"آج کی دنیا میں جیتا ہوں۔" 

انہوں نے طلباء کو پیغام دیا۔۔۔

آپ بھی گزرے ہوئے دنوں کو بھول جائیں۔۔
ماضی کو باہر پھینک کر دروازہ بند کر لیں۔۔۔
ماضی کی طرح مستقبل کو بھی دروازے سے باہر نکال دیں۔۔۔ آنے والے کل کا آج کوئی وجود نہیں۔
آپ کی تمام تر جدوجہد کا مرکز و محور آج کا دن ہونا چاہیے۔۔۔
جو شخص کل کی فکر کرتا ہے وہ اپنی توانائی برباد کرتا ہے اور اپنے ذہن کو طرح طرح کی اذیتوں سے دو چار کرتا    ہے۔۔۔۔

یہ ڈاکٹر ولیم آسلر کا پیغام تھا۔۔                                                                                 ۔

                   کیا انہوں نے یہ کہا کہ ہم کل کی فکر بلکل نہ کریں؟؟؟ 

                                                                           انہوں نے یہ نہیں کہا۔۔۔ 

                                                                                ان کے کہنے کا مطلب ہے کہ۔۔۔

                                                        کل کی تیاری کرنے کا بہترین طریقہ یہ ہے کہ

ہم آج کے کاموں کو پوری محنت، ایمانداری، ذمہ داری اور توجہ سے سر انجام دیں۔۔۔

                                                                 مستقبل کے لیے تیار ہونے کا یہی بہترین طریقہ ہے۔۔
دنیا میں بہت سے لوگ ایسے ہیں جن کو ایسے الفاظ ایسے جملے ملتے ہیں جو ان کی زندگی کی کایا پلٹ دیتے ہیں۔۔۔
زندگی میں کچھ ساتھی ایسے ہوتے ہیں جو ہوتے تو خاموش ہیں مگر ان کا ساتھ آپ کی زندگی بدل دیتا ہے۔

مستقبل کو بہتر بنانے کیلئے تدبیریں ضرور سوچنی چاہیے پلاننگ کامیاب زندگی کا لازمی جزو ہے۔ اور کام بھی شروع کرنا چاہیے لیکن طبیعت کو کل کے اندیشے میں افسردہ و غمگین نہیں کرنا چاہیے۔
آج کی فکر کو آج تک محدود رکھیں۔

کامیابیوں کی راہیں دریاؤں کے راہوں جیسی ہوتی ہیں،،، اگر پہاڑ اجائے تو دامن بچاتا ہوا چل پڑتا ہے میدان اجائے تو چوڑا ہوکے چل پڑتا ہے،،، کوشش کا مطلب صرف کوشش نہیں نتیجہ ہوتا ہے،،،،

ایک بات ہمیشہ یاد رکھیں،،،
کامیابی انہی لوگوں کا مقدر بنتی ہے جو کامیابی کے لیے کوشاں رہتے ہیں

******************************************************************************